'തിരക്കിനിടയിലും എന്റെ സീരിയൽ കാണാൻ പോലും സർ സമയം കണ്ടെത്തിയിരുന്നു' പിള്ളയെ കുറിച്ച് കിഷോർ സത്യ!

കേരള കോൺഗ്രസ് സ്ഥാപക നേതാവും മുൻ മന്ത്രിയുമായ ആർ.ബാലകൃഷ്ണപിള്ള ഇന്ന് പുലർച്ചെയാണ് അന്തരിക്കുന്നത്. നടനും രാഷ്ട്രീയ പ്രവർത്തകനുമായ കെബി ഗണേഷ്‌കുമാർ ആണ് ഇക്കാര്യം സോഷ്യൽ മീഡിയ വഴി അറിയിച്ചതും. അദ്ദേഹത്തിന്റെ വിയോഗവർത്ത അവന്നപ്പോൾ മുതൽ അനുശോചനപ്രവാഹമാണ് സോഷ്യൽ മീഡിയ വഴി.

ALSO READ: 'സായിയെ മാത്രം ഒഴിവാക്കി; വിജയം ഉറപ്പാണ് സായി; ഒരുപാട് ആളുകളാണ് അവനെ ഇഷ്ടപ്പെടുന്നത്; അഡോണിയോട് ദയ!
'ഇന്നലത്തെ ആഹ്ലാദം ഇന്ന് സങ്കടമായല്ലോ. ബാലകൃഷ്ണ പിള്ള സർ ഇനിയില്ല. എന്ത് എഴുതണം എന്ന് എനിക്കറിയില്ല. പക്ഷെ ഇനി ആ കരുതൽ, സ്നേഹം, വാർത്തമാനങ്ങൾ ഒന്നും ഇനി എനിക്ക് ഇല്ലല്ലൊ എന്ന് പറഞ്ഞുകൊണ്ടാണ് പിള്ളയുടെ ഓർമ്മയിൽ കിഷോർ കുറിച്ചത്. ഗണേഷ് കുമാറിന്റെ സുഹൃത്തുകൂടിയായ കിഷോർ കഴിഞ്ഞദിവസവും ഗണേഷിന് ആശംസകൾ നേർന്നുകൊണ്ടും രംഗത്ത് എത്തിയിരുന്നു.

കിഷോറിന്റെ വാക്കുകളിലൂടെ

ഇന്നലത്തെ ആഹ്ലാദം ഇന്ന് സങ്കടമായല്ലോ. ബാലകൃഷ്ണ പിള്ള സർ ഇനിയില്ല. എന്ത് എഴുതണം എന്ന് എനിക്കറിയില്ല. പക്ഷെ ഇനി ആ കരുതൽ, സ്നേഹം, വാർത്തമാനങ്ങൾ ഒന്നും ഇനി എനിക്ക് ഇല്ലല്ലൊ.
കോവിഡ് പ്രതിസന്ധി കാരണം കുറെ നാളായി ഞാൻ സാറിനെ കാണാൻ പോവാറില്ലായിരുന്നു.

ALSO READ: 'പാലാക്കാരി അച്ചായത്തി' വിവാഹിതയാകുന്നു; വരൻ പാലാക്കാരൻ അച്ചായൻ!
പല സ്ഥലങ്ങളിലും സഞ്ചരിക്കുന്ന ഞാൻ മൂലം ഒരു ബുദ്ധിമുട്ട് ഉണ്ടാവരുത് എന്ന് കരുതി.അവസാനം കാണുമ്പോൾ സാറിന് സംസാരിക്കാൻ ബുദ്ധിമുട്ടുണ്ടായിരുന്നു.എന്നിട്ടും എന്നോട് സംസാരിച്ചു കൊണ്ടേയിരുന്നു .പക്ഷെ അതെന്നെ ഒത്തിരി സങ്കടപ്പെടുത്തി. അതുകൊണ്ടുതന്നെ ഞാൻ വിഷമത്തോടെ നേരത്തെ ഇറങ്ങി.

ഒരു പിതാവിന്റെ വാത്സല്യത്തോടെയാണ് അദ്ദേഹം എന്നോട് പെരുമാറിയത്. സിനിമ, സീരിയൽ കുടുംബ വിശേഷങ്ങൾ അങ്ങനെ ഒത്തിരി കാര്യങ്ങൾ. എപ്പോഴും എന്റെ മോൻ നീരുവിന്റെ വിശേഷങ്ങൾ ചോദിക്കുമായിരുന്നു. തിരക്കിനിടയിലും എന്റെ സീരിയൽ കാണാൻ പോലും സർ സമയം കണ്ടെത്തിയിരുന്നു. എഴുതിയാൽ തീരില്ല.പങ്കുവെച്ച വിശേഷങ്ങൾ, കഥകൾ, കാര്യങ്ങൾ, അനുഭവങ്ങൾ.....
സർ, ഓർമ്മകളിൽ അനശ്വരനായി അങ്ങ് തുടരും...