എന്റെ എല്ലാമെല്ലാമല്ലേ; സുഖത്തിലും ദുഖത്തിലും ഒപ്പം; നീണ്ട പതിനാല് വർഷം; ഭാര്യയ്ക്കു ആശംസയുമായി നവീൻ!

നിരവധി പരമ്പരകളിലൂടെയും, ഗെയിം ഷോയിലൂടെയും മിനി സ്‌ക്രീൻ പ്രേക്ഷകരുടെ പ്രിയ താരമാണ് നവീൻ അറക്കൽ.


അമ്മ , പ്രണയം, സീത , ബാലാമണി എന്നീ സീരിയലിലൂടെയൊക്കെയായിരുന്നു നവീന്റെ തുടക്കം. ജാനിയിലെ വില്ലനായാണ് നവീൻ കൂടുതൽ തിളങ്ങിയത്. ചുരുങ്ങിയ സിനിമയിൽ മാത്രമാണ് അഭിനയിക്കാൻ കഴിഞ്ഞതെങ്കിലും മിനിസ്‌ക്രീനിൽ ഒരു സ്ഥാനം ഉറപ്പിക്കാൻ താരത്തിന് കഴിഞ്ഞിട്ടുണ്ട്.

കൂടുതലും വില്ലൻ വേഷങ്ങളിലാണ് എത്താറുള്ളതെങ്കിലും പ്രേക്ഷകർക്ക് താരത്തോടുള്ള ഇഷ്ടത്തിന് കുറവൊന്നും ഇല്ല. മസിൽ അളിയൻ എന്നാണു പൊതുവെ താരത്തിനെ പ്രേക്ഷകർ വിളിക്കാറ്.

സോഷ്യൽ മീഡിയയിൽ സജീവമായ താരം ഇപ്പോൾ ഭാര്യ സിനിക്കായി പങ്ക് വച്ച ആശംസയാണ് വൈറൽ ആയിരിക്കുന്നത്. നീണ്ട പതിനാല് വർഷത്തെ ദാമ്പത്യ ജീവിതത്തിനാണ് താരം ഭാര്യയ്ക്കു നന്ദി പറയുന്നത്. ദുഖങ്ങൾക്കും സന്തോഷങ്ങൾക്കും ഒപ്പം നിന്നതിന് നന്ദി.എനിക്കറിയാം നീ എപ്പോഴും എന്റെ ഒപ്പം നിന്നിട്ടേ ഉള്ളൂവെന്ന്,എനിക്കായി മാത്രമാണ് നിന്നതെന്നും. ഇപ്പോൾ നമ്മൾ മറ്റൊരു വർഷത്തിലേക്ക് കടക്കുകയാണ് . പതിനാലാം വർഷത്തിലേക്ക്. എന്നാണ് താരം ഭാര്യയ്ക്കായി കുറിച്ചിരിക്കുന്ന വാക്കുകൾ.

ബിസിനെസ്സ് കുടുംബത്തിൽ നിന്നുമാണ് അഭിനയത്തോടുള്ള അഭിനിവേശം മൂലം നവീൻ ഈ മേഖലയിലേക്ക് എത്തുന്നത്. അഭിനയത്തിലും ജീവിതത്തിലും ഭാര്യയുടെ സപ്പോർട്ട് ഒരുപാടുണ്ടായിട്ടുണ്ടെന്ന് താരം മുൻപും പറഞ്ഞിട്ടുണ്ട്. എറണാകുളം ഗൃഗോറിയൽ സ്‌കൂളിലെ ടീച്ചർ ആണ് നവീന്റെ ഭാര്യ സിനി. ആറാം ക്ലാസ് വിദ്യാർത്ഥിനി നേഹ മകളും, യുകെജി വിദ്യാർത്ഥി നിവേദ് മകനുമാണ്.