ക്യാമറയ്ക്ക് മുന്നില്‍ വരില്ല! കല്യാണത്തിന് മുന്‍പ് പറഞ്ഞ കാര്യം പിന്നീട് മാറ്റേണ്ടി വന്നതിനെക്കുറിച്ച് ശില്‍പ്പയും റെയ്ജനും

സിനിമയിലും സീരിയലിലുമൊക്കെയായി സജീവമായ റെയ്ജന്‍ രാജന്‍ അടുത്തിടെയായിരുന്നു വിവാഹിതനായത്. പ്രണയവിവാഹമായിരുന്നു റെയ്ജന്റെയും ശില്‍പ്പയുടേതും. തികച്ചും ലളിതമായി രജിസ്റ്റര്‍ വിവാഹമായിരുന്നു ഇവരുടേത്. തുടക്കത്തില്‍ എതിര്‍പ്പുകളുണ്ടായിരുന്നുവെങ്കിലും പിന്നീട് വീട്ടുകാര്‍ ഇവരുടെ ആഗ്രഹത്തിനൊപ്പം നില്‍ക്കുകയായിരുന്നു. പെട്ടെന്നൊരു സുപ്രഭാതത്തിലായിരുന്നു ചേട്ടന്‍ വീട്ടിലേക്ക് വന്നതെന്ന് ശില്‍പ്പ പറയുന്നു. ബിഹൈന്‍ഡ് വുഡ്‌സിന് നല്‍കിയ അഭിമുഖത്തിനിടയിലായിരുന്നു റെയ്ജനും ശില്‍പ്പയും വിശേഷങ്ങള്‍ പങ്കുവെച്ചത്.
അഭിമുഖങ്ങളിലേക്കൊന്നും വരില്ല, ഒറ്റയ്ക്ക് തന്നെ ഇന്റര്‍വ്യൂ കൊടുത്താല്‍ മതിയെന്ന് നേരത്തെ പറഞ്ഞിരുന്നുവെന്ന് ശില്‍പ്പ പറയുന്നു. ക്യാമറയെ അഭിമുഖീകരിച്ച് പരിചയമില്ല, അതുകൊണ്ടാണ്. സെലിബ്രിറ്റിയെ കല്യാണം കഴിച്ചതിലുള്ള ബുദ്ധിമുട്ട് അറിയുന്നത് ഇപ്പോഴാണെന്നും ശില്‍പ പറഞ്ഞിരുന്നു. കുക്കിംഗ് നല്ല ഇഷ്ടമാണ്, ബിരിയാണിയൊക്കെ ഉണ്ടാക്കാറുണ്ട്. ഞങ്ങള്‍ നല്ല സുഹൃത്തുക്കളായിരുന്നു, പിന്നീടാണ് പ്രണയമായി മാറിയത്. ചേട്ടന്‍ നല്ല കെയറിംഗാണ്, ലവബിളാണ്, എല്ലാ സിറ്റുവേഷനും മനസിലാക്കി നില്‍ക്കുന്നയാളാണ് എന്നായിരുന്നു റെയ്ജനെക്കുറിച്ച് ശില്‍പ്പ പറഞ്ഞത്. ശില്‍പ്പ ഓവര്‍ സൈലന്റാണ്, അതേപോലെ ചെറിയ കാര്യങ്ങള്‍ക്ക് പോലും നന്നായി ടെന്‍ഷനടിക്കുന്ന പ്രകൃതമാണെന്നായിരുന്നു റെയ്ജന്‍ പറഞ്ഞത്.
കല്യാണം കഴിക്കാമെന്ന് തീരുമാനിച്ചതിന് ശേഷം ശില്‍പ്പയ്ക്ക് പിറന്നാള്‍ ദിനത്തില്‍ നല്ലൊരു സര്‍പ്രൈസ് കൊടുത്തിരുന്നു. കോട്ടയത്ത് ലൊക്കേഷനിലേക്ക് പോവുകയാണ് എന്നായിരുന്നു പറഞ്ഞത്. പിന്നീടാണ് ഇങ്ങോട്ടേക്ക് വന്നത്. അത് മറക്കാനാവാത്ത സര്‍പ്രൈസായിരുന്നുവെന്നും ശില്‍പ്പ പറയുന്നു. കൊവിഡ് കാലത്തായിരുന്നു ജോലി രാജി വെച്ചത്. കല്യാണത്തിരക്കുകളൊക്കെ കഴിഞ്ഞ് വീണ്ടും ജോലിക്ക് പോവണം. അതിനായി ശ്രമിക്കുമെന്നും ശില്‍പ്പ വ്യക്തമാക്കിയിരുന്നു.