കല്യാണം കഴിഞ്ഞേ
പൊതുവെ ടെലിവിഷന്‍ താരങ്ങളുടെ വിവാഹത്തിന് ഒരാഴ്ച മുന്‍പേ സോഷ്യല്‍ മീഡിയയില്‍ ഒരുക്കങ്ങള്‍ തുടങ്ങും. സേവ് ദ ഡേറ്റും, ഫോട്ടോഷൂട്ടും ഒക്കെയായി ബഹളം തന്നെയായിരിയ്ക്കും. എന്നാല്‍ റെയ്ജന്റെ വിവാഹത്തില്‍ അത്തരം അര്‍ഭാടങ്ങള്‍ ഒന്നും ഇല്ല. വിവാഹത്തിന് ശേഷം ഭാര്യയ്‌ക്കൊപ്പം നിന്ന് കൊണ്ടുള്ള ഒരു ഫോട്ടോ പങ്കുവച്ചു, 'കല്യാണം കഴിഞ്ഞേ്' എന്ന ക്യാപ്ഷനും. ശിൽപ എന്നാണ് പെൺകുട്ടിയുടെ പേര്. കോഴിക്കോടു കാരിയാണ്.
സിംപില്‍ കല്യാണം
രജിസ്റ്റര്‍ വിവാഹമായിരുന്നു. വളരെ ലളിതമായിരുന്നു ചടങ്ങുകള്‍, അതുപോലെ തന്നെ ലളിതമായിരുന്നു വിവാഹ വേഷവും. വെള്ള ജുബ്ബയും മുണ്ടുമാണ് റെയ്ജന്റെ വേഷം. സെറ്റ് സാരിയില്‍ ആണ് വധു. അധികം അഭരങ്ങളും മേക്കപ്പും ഒന്നും ഇടാതെയാണ് വധു എത്തിയത്. ലുക്കില്‍ തന്നെ സിംപ്ലിസിറ്റിയുള്ള വിവാഹ ചിത്രം ഇതിനോടകം വൈറലായി. സെലിബ്രിറ്റികളടക്കം പലരും ഫോട്ടോയ്ക്ക് താഴെ ആശംസകളുമായി എത്തി.
വിവാഹ വാര്‍ത്ത പുറത്ത് വന്നത്
താന്‍ പ്രണയത്തിലാണ് എന്നും, വിവാഹം ഉടന്‍ ഉണ്ടാവുമെന്നും പല അഭിമുഖങ്ങളിലും പറഞ്ഞുവെങ്കിലും ഭാവി വധുവിനെ കുറിച്ചുള്ള യാതൊരു വിവരങ്ങളും റെയജന്‍ പുറത്ത് വിട്ടിരുന്നില്ല. അടുത്തിടെ വിവാഹത്തോട് അനുബന്ധിച്ച് ഒരു ഷോപ്പിങ് നടത്തിയതിലൂടെയാണ് റെയ്ജന്‍ വിവാഹിതനാകാന്‍ പോകുകയാണ് എന്ന വാര്‍ത്ത പുറത്ത് വന്നത്. ആശൻ എന്നാണ് അന്ന് റെയ്ജൻ ഭാവി വധുവിനെ വിശേഷിപ്പിച്ചത്.
പ്രണയത്തെ കുറിച്ച് ചോദിച്ചപ്പോള്‍
നേരത്തെ ചില അഭിമുഖങ്ങളില്‍ പ്രണയത്തെ കുറിച്ച് ചോദിച്ചപ്പോള്‍ റെയ്ജന്‍ പറഞ്ഞ വാക്കുകള്‍ വൈറലായിരുന്നു. താന്‍ മുന്‍പ് പല തവണ പ്രണയിച്ചിട്ടുണ്ട്. മൂന്ന് തവണ സീരിയസ് ആയി പ്രണയിച്ചപ്പോഴും പരാജയപ്പെട്ടു. ഇപ്പോള്‍ നാലാമത്തെ പ്രണയത്തിലാണ് മുന്നോട്ട് പോകുന്നത് എന്ന് പറഞ്ഞ നടന്‍, ആ നാലാമത്തെ പ്രണയിനിയെ തന്നെ ഇപ്പോള്‍ സ്വന്തമാക്കുകയും ചെയ്തു.
റെയ്ജന്‍ പ്രേക്ഷകര്‍ക്ക് പരിചയം
ആത്മസഖി എന്ന സീരിയലിലൂടെയാണ് റെയ്ജന്‍ പ്രേക്ഷകര്‍ക്ക് മുന്നിലേക്ക് എത്തിയത്. പ്രിയപ്പെട്ടവള്‍, തിങ്കള്‍കലമാന്‍ തുടങ്ങിയ സീരിയലുകളിലൂടെ ടെലിവിഷന്‍ ലോകത്തെ നായക സ്ഥാനം റെയ്ജന്‍ ഉറപ്പിച്ചു. സീരിയലുകള്‍ക്ക് പുറമെ ചില സിനിമകളിലും റെയ്ജന്‍ സാന്നിധ്യം അറിയിച്ചിട്ടുണ്ട്. നിലവില്‍ സൂര്യ ടിവിയില്‍ സംപ്രേക്ഷണം ചെയ്യുന്ന ഭാവന എന്ന സീരിയലിലാണ് നടന്‍ അഭിനയിക്കുന്നത്