'ഇതെല്ലാം ഫിക്‌സ് ചെയ്തു വച്ചിട്ടാണ് ഞങ്ങൾ അന്ന് ഒളിച്ചോടിയത്; ഒത്തുചേരലിന്റെ 21 വർഷം'

അന്നത്തെ സിനിമകളിൽ നാല് നായകന്മാർ ഉണ്ടെങ്കിൽ ഒരാൾ താനായിരിക്കും. അങ്ങനെ ചാന്ദിനിയോടൊപ്പം മൂന്ന് സിനിമകളിൽ അഭിനയിച്ചു. ആദ്യം സുഹൃത്തുക്കൾ ആയിരുന്നു പിന്നിട് അത് പ്രണയത്തിലേക്ക് വഴി മാറി എന്നാണ് ഷാജു മുൻപ് പറഞ്ഞത്. വീട്ടിൽ പറഞ്ഞപ്പോൾ അത് പ്രശ്‌നമായി എന്ന് പറയുകയാണ് ഷാജു. 21 വര്ഷം പൂർത്തിയാകുമ്പോൾ ഷാജു പങ്കിട്ട ഒരു പോസ്റ്റും പഴയ ഒരു അഭിമുഖവും ആണ് ഇപ്പോൾ വൈറൽ ആകുന്നത്.

ചാന്ദിനിയുടെ വീട്ടിൽ അവൾ എന്നെ വിളിക്കുന്ന ഫോൺ പിടിച്ചു, അങ്ങനെയാണ് ഇറങ്ങി വരുമോ എന്ന് അവളോട് ചോദിക്കുന്നത്. വിവാഹ ശേഷം ഞങ്ങളുടെ ആദ്യത്തെ യാത്ര ബോംബെ, ദുബായ് പിന്നെ തിരിച്ചു വന്നു സ്വിറ്റസർലാൻഡ്. ഇതെല്ലാം ഫിക്‌സ് ചെയ്തു വച്ചിട്ടാണ് ഞങ്ങൾ ഒളിച്ചോടിയത് എന്ന് ഷാജു മുൻപ് നൽകിയ ഒരു അഭിമുഖത്തിൽ വ്യക്തമാക്കിയിരുന്നു.

ഈ സ്ഥലങ്ങളിൽ ഒക്കെ പ്രോഗ്രാം ആയിരുന്നതുകൊണ്ടാണ് അങ്ങോട്ട് പോയത്. "ഞങ്ങൾ സ്‌പോൺസറോട് പറഞ്ഞു രണ്ട് പേർ ഒളിച്ചോടി വരുന്നുണ്ട്, ഏതെങ്കിലും പ്രോഗ്രാം അറെഞ്ച് ചെയ്യുകയാണെങ്കിൽ ഞങ്ങളും കാണും എന്ന്. അവരും ഹാപ്പിയായി പേയ്മെന്റ് കുറച്ചു കൊടുത്താൽ മതിയല്ലോ, ഒളിച്ചോടി വരുന്നവരല്ലേ. നാട്ടിൽ നിൽക്കാൻ പറ്റില്ല എന്ന് തോന്നിയത് കൊണ്ടാണ് അങ്ങനെ ഒളിച്ചോടിയതെന്നും", ഷാജു അഭിമുഖത്തിൽ വ്യക്തമാക്കി.

ഇരുവരുടെയും ഒളിച്ചോട്ടത്തിന്റെയും, വിവാഹത്തിന്റെ 21 വര്ഷം ഇന്നാണ് പൂർത്തിയാകുന്നത്. ഷാജു പങ്കിട്ട ഒരു പോസ്റ്റാണ് ഇപ്പോൾ വൈറൽ ആകുന്നത്. ഒളിച്ചോട്ടത്തിന് മെഡൽ ഉണ്ടെങ്കിൽ 21 വർഷം മുൻപ് ഞങ്ങൾക്ക് കിട്ടിയേനെ. നിറമുള്ള നിമിഷങ്ങളും സുഖമുള്ള സ്വപ്നങ്ങളും നനവുള്ള ഓർമ്മകളുടെയും 21 വർഷങ്ങൾ എന്നാണ് ഷാജു പങ്കിട്ട പോസ്റ്റിൽ പറയുന്നത്.