'എനിക്ക് പെണ്ണ് കാണണ്ട, ഞാൻ കെട്ടിക്കോളാം'; രാധികയുമായി വിവാഹം തീരുമാനിച്ചതിനെ കുറിച്ച് സുരേഷ് ഗോപി അന്ന് അച്ഛനോട് പറഞ്ഞത്!

കൊടൈക്കനാലിൽ ഒരുക്കം എന്ന സിനിമയുടെ ഷൂട്ടിങ് സെറ്റിൽ നിൽക്കുമ്പോഴായിരുന്നു അച്ഛൻ ഫോണിൽ വിളിച്ചത്. 1989 നവംബർ 18ാം തീയതി ആയിരുന്നു അത്. ഞങ്ങൾ കണ്ടു, ഞങ്ങൾക്ക് ഞങ്ങളുടെ മകളായി മരു‌മകളാ‌യി ഈ പെൺകുട്ടി മതി എന്നായിരുന്നു അച്ഛൻ തന്നോട് അന്ന് ഫോണിലൂടെ പറഞ്ഞിരുന്നതെന്നും സുരേഷ് ഗോപി പറഞ്ഞിരുന്നു.

നിനക്ക് നിന്റെ ഭാര്യയായി ഈ പെൺകുട്ടി മതിയോ എന്ന് നീ വന്നു കണ്ട് തീരുമാനിക്കണം എന്നും അച്ഛൻ പറഞ്ഞിരുന്നതായും സുരേഷ് ഗോപി പറഞ്ഞിരുന്നു. ഞങ്ങൾ നാല് സഹോദരന്മാരാണെന്നും പെൺകുട്ടികൾ ഇല്ലെന്നതും ചൂണ്ടിക്കാട്ടിക്കൊണ്ട് സുരേഷ് ഗോപി അന്ന് അച്ഛന് കൊടുത്ത മറുപടിയും ഇപ്രകാരമായിരുന്നു.

'നമുക്ക് വീട്ടിലേക്ക് വേണ്ടത് ഒരു മകളാണ്. കാരണം നിങ്ങൾക്ക് 4 കൊമ്പൻമാരാണ്'. ഈ കുടുംബത്തിലേക്ക് ആദ്യമായി വലതുകാൽ വച്ച് കയറുന്നത് ഒരു മകൾ ആകണം എന്നാണ് നിങ്ങളുടെ ആഗ്രഹമെങ്കിൽ ആ തീരുമാനത്തിനാണ് ഞാൻ മതിപ്പ് കൽപ്പിക്കുന്നത് എന്നാണ് അച്ഛനോട് പറഞ്ഞത്.

രാധികയെ തെരഞ്ഞെടുത്തതിനെ കുറിച്ച് അന്ന് അച്ഛനോട് പറഞ്ഞിരുന്നത് 'എനിക്ക് പെണ്ണ് കാണണ്ടെന്നും ഞാൻ കെട്ടിക്കോളാം' എന്നുമായിരുന്നെന്ന്' സുരേഷ് ഗോപി നേരത്തേ പറഞ്ഞിരുന്നു. ഇതെല്ലാം കഴിഞ്ഞ് വിവാഹ നിശ്ചയം അടക്കം കഴിഞ്ഞാണ് രാധികയെ ഞാൻ നേരിൽ കാണുന്നതെന്നും അതൊരു ഡിസംബർ 3ാം തീയതി ആയിരുന്നെന്നും സുരേഷ് ഗോപി മുൻപ് നിങ്ങൾക്കുമാകാം കോടീശ്വരൻ പരിപാടിയിൽ പറഞ്ഞിരുന്നു.