മുപ്പതിലേക്ക് കടന്ന് അനുശ്രീ; അനുകുട്ടിയ്ക്ക് പിറന്നാൾ ആശംസയുമായി മിനിസ്ക്രീൻ താരങ്ങളും!

നാടൻ ലുക്കും സംസാരവും അതിലേറെ കൃത്രിമത്വം തോന്നാത്ത അഭിനയവും ഒക്കെയാണ് അനുശ്രീ എന്ന നടിയെ മലയാളികൾ നെഞ്ചേറ്റാൻ കാരണം. സോഷ്യൽ മീഡിയയിലും താരമായ അനുശ്രീക്ക് നിരവധി ആരാധകർ ആണ് ഉള്ളത്. അടിക്കടി ഫോട്ടോഷൂട്ടുകളും മറ്റുമായി അനുശ്രീ രംഗത്തെത്താറുണ്ട്. ലോക് ഡൗൺ ആയ ശേഷം ഒരു പക്ഷെ വെറൈറ്റി ഫോട്ടോഷൂട്ടിൽ തിളങ്ങി നിറയെ കൈയ്യടി വാങ്ങിയ ഒരു താരം കൂടിയാണ് അനു.

മലയാളികളുടെ പ്രിയ നടിക്ക് ഇന്ന് പിറന്നാൾ ദിനമാണ്.

ALSO READ: ഞാന്‍ വിവാഹിതയല്ല, അത് എന്റെ മകനല്ല, 'ചക്കപ്പഴം' വിശേഷങ്ങള്‍ പങ്കുവെച്ച് ശ്രുതി രജനികാന്ത്!

മുപ്പത് വയസ്സ് പൂർത്തിയാകുന്ന അനുശ്രീ 1990 ൽ ആണ് ശോഭന പിള്ളയുടെയും, മുരളീധരൻ പിള്ളയുടെയും മകൾ ആയി ജനിക്കുന്നത്. നിരവധി താരങ്ങളും ആരാധകരുമാണ് അനുവിന് പിറന്നാൾ ആശംസ നേർന്നുകൊണ്ട് രംഗത്ത് വരുന്നത്. ജന്മദിനാശംസകൾ. ദൈവം എല്ലാവിധ അനുഗ്രങ്ങളും അനുകുട്ടിക്ക്‌ നൽകട്ടെ എന്നാണ് ടെലിവിഷൻ താരം ഉമാ നായർ കുറിച്ചത്. അനുവിന്റെ ഫോട്ടോഗ്രാഫർ നിഥിൻ ഗുരുവായൂരും പിറന്നാൾ ആശംസ നേർന്നുകൊണ്ട് രംഗത്തുണ്ട്.

ALSO READ: അമ്മയേയും ചെറിയമ്മയേയും കടത്തിവെട്ടി പാപ്പു; കൂട്ടിന് അമ്മാമ്മയും!
സൂര്യ ടിവിയിലെ ഒരു റിയാലിറ്റി ഷോയിൽ നിന്നാണ് ലാൽ ജോസ് തന്റെ ചിത്രമായ ഡയമണ്ട് നെക്ലേസിൽ കലാമണ്ഡലം രാജശ്രീ എന്ന കഥാപാത്രത്തിനു വേണ്ടി അനുശ്രീയെ തിരഞ്ഞെടുത്തത്. പിന്നീടങ്ങോട്ട് നിരവധി കഥാപാത്രങ്ങളെ ആണ് അനുശ്രീ മലയാള സിനിമ പ്രേമികൾക്കായി നൽകിയത്.

വെടിവഴിപാട്, റെഡ് വൈൻ,പുള്ളിപ്പുലികളും ആട്ടിൻകുട്ടിയും നാക്കു പെന്റ നാക്കു താക്ക, ചന്ദ്രേട്ടൻ എവിടെയാ, ഒപ്പം എന്നിവയിലും അനുശ്രീ അഭിനയിച്ചിട്ടുണ്ട്. ഇതിഹാസ, മൈ ലൈഫ് പാർട്ണർ, മഹേഷിന്റെ പ്രതികാരം എന്നീ ചിത്രങ്ങളിൽ ശ്രദ്ധേയമായ വേഷമാണ് അനുശ്രീ ചെയ്തത്.