മിസ് ചെയ്യുന്നു എന്ന് പറഞ്ഞപ്പോൾ അവളിങ്ങെത്തി; സോണിയയുടെ സ്നേഹത്തെ പറ്റി അശ്വതി!

അഭിനയത്തിൽ സജീവം അല്ലെങ്കിലും അശ്വതി ജെറിൻ പങ്ക് വയ്ക്കുന്ന വിശേഷങ്ങൾ ആരാധകർക്ക് പ്രിയമാണ്. അടുത്തിടെയായി സീരിയൽ മേഖലയിൽ തന്റെ ഒപ്പം പ്രവർത്തിച്ച സഹ പ്രവർത്തകരെ കുറിച്ചുള്ള വിശേഷങ്ങൾ ആണ് അശ്വതി ജെറിൻ പങ്ക് വയ്ക്കുന്നത്. അശ്വതി പങ്കിട്ട വെയിറ്റ് ലോസ് ചലഞ്ചും ഏറെ ശ്രദ്ധിക്കപ്പെട്ട ഒന്നായിരുന്നു. ബിഗ് ബോസ് താരം വീണയെ ചലഞ്ച് ചെയ്തുകൊണ്ടാണ് അശ്വതി രംഗത്ത് വന്നത്. അശ്വതിയുടെ ചലഞ്ച് വീണ ഏറ്റെടുക്കുകയും ചെയ്തു.

കഴിഞ്ഞ ദിവസം അശ്വതി പങ്ക് വച്ച ഒരു പോസ്റ്റും ഒരു ചിത്രവും ആണ് ഇപ്പോൾ ആരാധകർക്ക് ഏറെ സന്തോഷം നൽകിയത്. "മിസ് ചെയ്യുന്നു എന്ന പത്രവാർത്ത കണ്ടു അവളെന്നെ കാണാൻ 15 മിനിറ്റ് ദൂരം താണ്ടി എത്തി സൂർത്തുക്കളെ", എന്ന ക്യാപ്‌ഷൻ നൽകിക്കൊണ്ടാണ് പ്രിയ സുഹൃത്തും നടിയുമായ സോണിയയ്ക്ക് ഒപ്പമുള്ള ചിത്രം അശ്വതി പങ്ക് വച്ചത്.

ALSO READ: പാർവതി ശ്രീലക്ഷ്മിയുടെ ചേച്ചി തന്നെ; ചേട്ടൻ രാജ്‌കുമാറും; ആരും അംഗീകരിച്ചില്ലെങ്കിലും സത്യം വിക്കിപീഡിയ പറയും!
രണ്ടുദിവസം മുൻപ് അശ്വതി, സോണിയ ശ്രീജിത്തിന് ഒപ്പമുള്ള ചിത്രങ്ങളും, ഇരുവരും തമ്മിലുള്ള സൗഹൃദത്തെക്കുറിച്ചും പോസ്റ്റ് പങ്ക് വച്ചിരുന്നു. പതിമൂന്നു വർഷത്തെ സൗഹൃദമാണ് തങ്ങൾക്കിടയിൽ ഉള്ളതെന്നാണ് അശ്വതി സോണിയയെ ടാഗ് ചെയ്തുകൊണ്ട് കുറിച്ചത്. നിരവധി ആരാധകരാണ് ഇരുവരുടെയും സൗഹൃദത്തിന് ആശംസയുമായി എത്തിയതും. ഇതിനുപിന്നാലെയാണ് ഇപ്പോൾ പ്രിയസുഹൃത്തിനെ കാണാൻ സോണിയ എത്തിയത്.