ALSO READ: സത്യത്തിൽ ഈ കമന്റ് ഞങ്ങൾ തീർച്ചയായും ആസ്വദിക്കുന്നു; ഗായത്രി പറയുന്നു!
അമ്മച്ചി പോയി!
അശ്വതിയുടെ അമ്മയുടെ മരണം ഉണ്ടാക്കിയ സങ്കടത്തിലാണ് ഇപ്പോഴും താരം. കഴിഞ്ഞ മെയ് മൂന്നിനായിരുന്നു താരം സ്നേഹത്തോടെ വിളിക്കുന്ന അമ്മച്ചിയുടെ മരണം. ലോക്ക് ഡൗൺ കാരണം അശ്വതിക്കും കുടുംബത്തിനും ദുബായിൽ നിന്നു നാട്ടിലെത്താൻ സാധിച്ചില്ല. ഇപ്പോഴും അതിന്റെ സങ്കടത്തിലാണ് പ്രിയ താരം!
വീഡിയോ കാളിലൂടെ!
താനും, സഹോദരിമാരും ദുബായിൽ ആയതുകൊണ്ട് , വിഡിയോ കോളിലൂടെയാണ് അമ്മച്ചിയുടെ മരണാനന്തര ചടങ്ങുകള് കണ്ടത്. അമ്മച്ചിയുടെ അവസാന നിമിഷങ്ങളിൽ ഞങ്ങൾക്കാർക്കും ഒപ്പമുണ്ടാകാൻ സാധിക്കാത്തതിൽ വലിയ സങ്കടമുണ്ട്. ഇപ്പോഴും അതിന്റെ വേദന മാറിയിട്ടില്ല എന്നും വനിതയ്ക്ക് നൽകിയ അഭിമുഖത്തിലൂടെ അശ്വതി പറയുന്നു.
നല്ല പാഠങ്ങൾ!
തന്റെ ജീവിതത്തിൽ നല്ല പാഠങ്ങൾ പഠിപ്പിച്ചത് അമ്മച്ചിയാണ്. എന്ത് ചെയ്യണം ചെയ്യരുത് എന്ന് പഠിപ്പിച്ചതും തന്നെയും അനിയത്തിമാരെയും കൈവെള്ളയിലാണ് അമ്മച്ചി കൊണ്ടു നടന്നത് എന്നും താരം അഭിമുഖത്തിനിടെ ഓർത്തെടുത്തു. ദേഷ്യക്കാരിയും വാശിക്കാരിയുമൊക്കെയാണെങ്കിലും അതൊന്നും തങ്ങളോട് കാണിച്ചിട്ടേയില്ല എന്നും താരം വേദനയോടെ പറയുന്നു.
ആ പൊതി മിസ് ആകും!
എല്ലാവർഷവും അമ്മച്ചി ദുബായിലേക്ക് ഓരോ പൊതി കൊടുത്തയയ്ക്കും. മാങ്ങാ അച്ചാറും ഇഞ്ചിക്കറിയുമൊക്കെ അടങ്ങിയ ആ പൊതി. സ്നേഹത്തിൽ ചാലിച്ചെടുത്ത ആ പൊതി ഇനി മിസ് ആകും. കഴിഞ്ഞ തവണ അമ്മച്ചി അയച്ച പ്രസിമോൾ എന്നെഴുതിയ പൊതിയുടെ മുകളിൽ അമ്മച്ചി കൈവച്ച് നിൽക്കുന്ന ആ പടം കഴിഞ്ഞ ദിവസം ഫോണിൽ വീണ്ടും കണ്ടപ്പോൾ കരഞ്ഞു പോയി ഇനി ആ സ്നേഹം കിട്ടില്ലല്ലോ എന്ന് ഓർക്കുമ്പോൾ സങ്കടം ഉണ്ടാകുമെന്നും താരം പറയുന്നു.