Actress Beena Antony S Emotional Post About Adarsh
ഇത്ര പെട്ടെന്ന് പോയിക്കളഞ്ഞല്ലോ! ഹൃദയം നുറുങ്ങിപ്പോയി! ആദർശിനെക്കുറിച്ച് ബീന ആന്റണി! വിശ്വസിക്കാനാവുന്നില്ലെന്ന് പ്രതീക്ഷയും നലീഫും
ആദര്ശ്, മോനെ നീ ഇത്ര പെട്ടെന്ന് പോയിക്കളഞ്ഞല്ലോ. കേട്ടപ്പോള് ഹൃദയം നുറുങ്ങിപ്പോയെടാ. മൗനരാഗം വര്ക്കില് ഞങ്ങളുടെയൊക്കെ പ്രിയപ്പെട്ട അസിസ്റ്റന്റ് ഡയറക്ടര്. ഡെഡിക്കേറ്റഡായ ഒരു ടെക്നീഷ്യന്. നല്ല പെരുമാറ്റം. ചേച്ചി ഞാന് സിനിമയില് വര്ക്ക് ചെയ്യാന് പോകുന്നു എന്ന് പറഞ്ഞ് പോയതാണ്.
Samayam Malayalam24 Jan 2023, 8:25 am
ടെലിവിഷന് പ്രേക്ഷകരുടെ പ്രിയപ്പെട്ട പരമ്പരകളിലൊന്നാണ് മൗനരാഗം. ഏഷ്യാനെറ്റില് സംപ്രേഷണം ചെയ്തുവരുന്ന പരമ്പര മികച്ച സ്വീകാര്യതയുമായി മുന്നേറുകയാണ്. കല്യാണിയെന്ന ഊമ പെണ്കുട്ടിയുടെ കഥ പറയുന്ന പരമ്പരയില് ബീന ആന്റണിയും പ്രധാന കഥാപാത്രത്തെ അവതരിപ്പിക്കുന്നുണ്ട്. നെഗറ്റീവ് ടച്ചുള്ള ക്യാരക്ടറായാണ് ബീന എത്തിയത്. പരമ്പരയിലെ താരങ്ങളെല്ലാം പ്രേക്ഷകര്ക്ക് പരിചിതരാണ്. ബാലാജി ശര്മ്മ, നലീഫ്, സേതുലക്ഷ്മി, ദര്ശന, ജിത്തു തുടങ്ങിയവരെല്ലാം സോഷ്യല്മീഡിയയിലൂടെയായി തങ്ങളുടെ വിശേഷങ്ങള് പങ്കുവെച്ചെത്താറുണ്ട്. മൗനരാഗം പരമ്പരയുടെ അസിസ്റ്റന്റ് ഡയറക്ടറുടെ അപ്രതീക്ഷിത വിയോഗത്തെക്കുറിച്ചുള്ള ബീന ആന്റണിയുടെ പോസ്റ്റ് വൈറലായിക്കൊണ്ടിരിക്കുകയാണ്.
ആദർശിനെക്കുറിച്ച്
ആദര്ശ്, മോനെ നീ ഇത്ര പെട്ടെന്ന് പോയിക്കളഞ്ഞല്ലോ. കേട്ടപ്പോള് ഹൃദയം നുറുങ്ങിപ്പോയെടാ. മൗനരാഗം വര്ക്കില് ഞങ്ങളുടെയൊക്കെ പ്രിയപ്പെട്ട അസിസ്റ്റന്റ് ഡയറക്ടര്. ഡെഡിക്കേറ്റഡായ ഒരു ടെക്നീഷ്യന്. നല്ല പെരുമാറ്റം. ചേച്ചി ഞാന് സിനിമയില് വര്ക്ക് ചെയ്യാന് പോകുന്നു എന്ന് പറഞ്ഞ് പോയതാണ്. ഞങ്ങളെല്ലാം അവന് ആശംസ അറിയിച്ച് യാത്രയാക്കിയതാണ്. ഇപ്പോള് കേള്ക്കുന്നത് അവന്റെ മരണവാര്ത്തയാണെന്നായിരുന്നു ബീന ആന്റണി കുറിച്ചത്.
വിശ്വസിക്കാനാവുന്നില്ല
ഇപ്പോൾ കേൾക്കുന്നു ഈ ലോകത്തിൽ നിന്നും മടങ്ങിയെന്ന്. നിന്റെ ആത്മാവിന് നിത്യശാന്തി കിട്ടട്ടെ മോനെ. ചേച്ചി പ്രാർത്ഥിക്കാം എന്നുമായിരുന്നു ബീന ആന്റണിയുടെ കുറിപ്പ്. ഇത് വിശ്വസിക്കാനാവുന്നില്ല ചേച്ചി എന്നായിരുന്നു പ്രതീക്ഷയുടെ പ്രതികരണം. സത്യം വല്ലാത്ത ഒരു വേർപാടായിപ്പോയി എന്നായിരുന്നു ബീനയും പറഞ്ഞത്. എന്ത് പറ്റിയതാ ചേച്ചി, സങ്കടം തോന്നുന്നു, എപ്പോഴും മൗനരാഗം വർക്കിൽ ഉണ്ടാവാറുള്ളതല്ലേയെന്നായിരുന്നു നലീഫിന്റെ കമന്റ്.
കമന്റുകൾ
ബീന ആന്റണിയുടെ ഭർത്താവായി അഭിനയിക്കുന്ന സാബു വർഗീസും സങ്കടം അറിയിച്ചെത്തിയിരുന്നു. സഹസംവിധായകൻ ആദർശ് പദ്മയ്ക്ക് ആദരാഞ്ജലി നേർന്ന് ഫെഫ്ക ഡയറക്ടേഴ്സ് യൂണിയനും എത്തിയിരുന്നു. നിരവധി പേരായിരുന്നു പോസ്റ്റിന് താഴെ കമന്റുകളുമായെത്തിയത്. ഈ വിയോഗം വിശ്വസിക്കാനാവുന്നില്ലെന്നായിരുന്നു കമന്റുകൾ.
മൗനരാഗം
സംസാരശേഷിയില്ലാത്ത കല്യാണിയുടെ ജീവിതകഥയാണ് മൗനരാഗം പറയുന്നത്. കിരൺ എന്ന ബിസിനസുകാരന് കീഴിൽ കല്യാണി ജോലി ചെയ്യാനെത്തുന്നതും പിന്നീട് നടക്കുന്ന സംഭവങ്ങളുമൊക്കെയാണ് പരമ്പരയിൽ കാണിച്ചത്. സംസാരിക്കാനാവില്ലെങ്കിലും ഹൃദയം കൊണ്ട് സംസാരിച്ച് കിരണും കല്യാണിയും പ്രണയത്തിലാവുകയായിരുന്നു. എതിർപ്പുകളെല്ലാം അവഗണിച്ച് കല്യാണിയെ ചേർത്തുപിടിക്കുകയായിരുന്നു കിരൺ. ഇവരുടെ ജീവിതത്തിലെ അപ്രതീക്ഷിത സംഭവവികാസങ്ങളിലൂടെയായാണ് പരമ്പര മുന്നേറുന്നത്.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.