ഒക്ടോബർ 20 നാണ് സംഭവം: പെട്ടെന്നൊരു ദിവസം ദേഹം മുഴുവൻ നീര് വയ്ക്കുന്നു; ചികിത്സയ്ക്ക്പോലും കാത്തുനിക്കാതെ മടങ്ങുന്നു; മനസ്സ് തകർന്ന ആ നിമിഷം; ബീന ആന്റണി

ജീവിത്തിൽ ഒരുപാട് ഘട്ടങ്ങൾ കഴിഞ്ഞാണല്ലോ ഇവിടെ നില്കുന്നത്. അതിൽ സന്തോഷങ്ങളും ദുഖങ്ങളും ഒക്കെ ഉണ്ടായിട്ടുണ്ട്. സന്തോഷമായാലും ദുഖമായാലും അതിൽനിന്നുള്ള ഒരു സംഭവത്തെ കുറിച്ച് പറയാൻ പറയാം നേടാം പരിപാടിയിൽ വച്ച് എംജി ശ്രീകുമാർ ബീനയോട് ആവശ്യപെടുന്നു. സത്യസന്ധമായി പറയണം. ഉണ്ടാക്കി പറയരുത് എന്നും അദ്ദേഹം ഒരു ചിരിയോടെ നടിയോട് പറയുന്നു. അതിന് ബീന നൽകിയ മറുപടിയിങ്ങനെ.

ഈ അടുത്ത് ഒരുപാട് എന്നെ തളർത്തിയ ഒരു സംഭവം നടന്നു. അപ്പച്ചനും അമ്മച്ചിയും നഷ്‌ടമായ ദുഃഖം ഏറ്റവും വലുതായിരുന്നു. എന്നാൽ അതിനേക്കാളും ദുഃഖം സമ്മാനിച്ച ഒരു വേർപാട് ഉണ്ടായി. എന്റെ ചേച്ചിയുടെ മകൻ മരിച്ചുപോയി. ഞങ്ങൾ മൂന്ന് പെൺകുട്ടികൾ കഴിഞ്ഞശേഷം ആദ്യമായി ജനിച്ച മോൻ ആണ് അത്. - ബീന പറയുന്നു.

കഴിഞ്ഞ ഒക്ടോബർ 20 നാണ് സംഭവം നടക്കുന്നത്. ചേച്ചിക്ക് രണ്ടുകുട്ടികൾ ആയിരുന്നു. അതിൽ മൂത്ത മോൻ ബി ടെക് ഒക്കെ കഴിഞ്ഞുനിൽക്കുകയിരുന്നു 22 വയസ്സ്. അവൻ ഞങ്ങളെ വിട്ടുപോയി. വളരെ ആരോഗ്യത്തോടുകൂടി ജീവിച്ച മോനായിരുന്നു. പെട്ടെന്നൊരുദിവസം ബോഡി മുഴുവൻ അവനു നീര് വന്നു. ചേച്ചി വിളിച്ച് അവന് മുഖം നിറയെ നീര് വന്നെടീ എന്ന് പറഞ്ഞു- നിറകണ്ണുകളോടെ ബീന പറയുന്നു.

വേഗം തന്നെ ആശുപത്രിയിൽ കൊണ്ടുപോയി. ചെറിയ ഫാറ്റി ലിവറിന്റെ ലക്ഷണങ്ങൾ എന്നാണ് ഡോക്ടർ പറഞ്ഞത്. ഡോക്ടറെ കണ്ടശേഷം ഒരു രണ്ടോ മൂന്നോ ആഴ്ചകൂടിയെ അവൻ നമ്മളോട് ഒപ്പം ഉണ്ടായിരുന്നുള്ളൂ. കിഡ്‌നി തകരാർ ആയിരുന്നു മോന്. അതൊക്കെ നമ്മൾക്ക് ചികിത്സിക്കാൻ ഉള്ള സമയം പോലും കിട്ടിയില്ല, അപ്പോഴേക്കും അവൻ പോയി. മക്കൾ നഷ്ടപെടുമ്പോഴുള്ള വേദന അത് വലിയ നഷ്ടം തന്നെയാണ്. മനസ്സ് ആകെ തകർന്നിരുന്ന സമയം ആയിരുന്നു അത്- ബീന പറയുന്നു.