നടി ഹരിണി വിവാഹിതയാകുന്നു; സൂപ്പർജോഡിയിൽ രഹസ്യം പരസ്യമായി!

ട്രാൻസ് വുമൻ ആയ 'എലിസബത്ത് ഹരിണി ചന്ദന' വിവാഹിതയാകുന്നു. സൂര്യ ടിവിയിൽ സംപ്രേക്ഷണം ചെയ്യുന്ന സൂപ്പർ ജോഡി സീസണിൽ വച്ചാണ് താരത്തിന്റെ വിവാഹ വാർത്ത പുറത്തായത്. അവതാരകനായ ആർ ജെ മാത്തുകുട്ടിയാണ് ഹരിണി യുടെ വിവാഹ വാർത്തയെ കുറിച്ച് സംസാരിക്കുന്നത്. ശേഷം സൂപ്പർ ജോഡി താരങ്ങൾ ഒരുമിച്ചു ഹരിണിയുടെ വിവാഹ വാർത്ത ആഘോഷമാക്കുന്നതും കാണാനാകും. ഈ വീഡിയോ ഇപ്പോൾ സമൂഹ മാധ്യമങ്ങൾ വഴി വൈറൽ ആണ്.

കുടുംബമായി ജീവിക്കണമെന്നും കുഞ്ഞുണ്ടാവണമെന്നുമുള്ള സ്വപ്നവും തനിക്ക് ഉണ്ടെന്നു മുൻപും പല അഭിമുഖങ്ങളിലും താരം വ്യക്തമാക്കിയിരുന്നു. ഇതിനു പിന്നാലെയാണ് ഇപ്പോൾ താരത്തിന്റെ വിവാഹ വാർത്ത പുറത്തുവരുന്നത്.

ALSO READ: ബിഗ് ബോസിൽ നിന്നും പുറത്തിറങ്ങിയവരുടെസെൽഫി ; ബാക്കി ഉള്ളവരെ തേടി പ്രേക്ഷകർ!

2017-ൽ കൊച്ചിയിൽ നടന്ന ട്രാൻസ്ജെൻഡർ സൗന്ദര്യമത്സരത്തിൽ സെക്കൻഡ് റണ്ണറപ്പായിരുന്നു ഹരിണി. ‘ട്രാൻസ്ജെൻഡർ തിയേറ്റർ ഗ്രൂപ്പ്‌’ ആയ ‘മഴവിൽ ധ്വനി’യുടെ ‘പറയാൻ മറന്നത്’ എന്ന നാടകത്തിൽ അഭിനയിച്ചു. അത് ഒരുപാട് വേദികളിൽ അവതരിപ്പിച്ചതോടെയാണ് ഹരിണി അഭിനയ രംഗത്ത് ശ്രദ്ധിക്കപെടുന്നത്.