മരണത്തിൽ ദുരൂഹത? അവൾ ആത്മഹത്യ ചെയ്യില്ല അത്രയും ബോൾഡ് ആയിരുന്നു; ഞങ്ങൾക്ക് സത്യാവസ്ഥ അറിയണം- കന്യ

രഞ്ജുഷയുടെ മരണത്തെക്കുറിച്ച് തങ്ങൾക്ക് സംശയം ഉണ്ടെന്നാണ് നടി കന്യ പറഞ്ഞത്. നമ്മൾക്ക് A റ്റു Z എല്ലാ കാര്യങ്ങളും അറിയാം. പക്ഷേ അത് തെളിയണം, അവൾക്ക് എന്താണ് സംഭവിച്ചത് എന്ന് നമ്മൾക്ക് ആർക്കും അറിയില്ല. അത് തെളിയണം, തെളിയും. പുള്ളിക്കാരി എപ്പോഴും നമ്മളോട് ഹാപ്പി ആയിരുന്നു. പക്ഷേ ഉള്ളിൽ എന്തൊക്കെയോ പ്രശ്നങ്ങൾ ഉണ്ട്. അവൾ ഒരിക്കലും ആത്മഹത്യ ചെയ്യില്ല- കന്യ പറയുന്നു.

അവൾ ഒരിക്കലും ആത്മഹത്യ ചെയ്യില്ല, അത് നമ്മൾക്ക് അറിയാം. അത്രയും ബോൾഡ് ആയിട്ടുള്ള ഒരു കുട്ടി ആയിരുന്നു അവൾ. ഇങ്ങനെ അവൾ ചെയ്യുമെന്ന് നമ്മൾ ഒരിക്കലും വിശ്വസിക്കുന്നില്ല എന്നും കന്യ പറഞ്ഞു.

മരിക്കുന്നതുവരെ രഞ്ജുഷ സീരിയൽ സംവിധായകൻ മനോജുമായി ലിവ് ഇൻ റിലേഷനിൽ ആയിരുന്നു. ഇവർ തമ്മിൽ തർക്കങ്ങൾ ഉണ്ടായിരുന്നുവെന്നാണ് സുഹൃത്തുക്കൾ പോലീസിൽ മൊഴി നൽകിയത്.

രഞ്ജുഷ മരണപ്പെടുന്നത് അവരുടെ ജന്മ ദിനമാണ്. ലൊക്കേഷനിൽ ഇവരുടെ പിറന്നാൾ ആഘോഷങ്ങൾ നടത്താൻ പ്ലാൻ ചെയ്യുന്നതിന്റെ ഇടയിലായിരുന്നു മരണവും സംഭിവിച്ചത്. രണ്ടുവർഷമായി രഞ്ജുഷയും മനോജും ഒരുമിച്ചാണ് താമസം. മരിക്കുന്നതിന്റെ ദിവസങ്ങൾക്ക് മുൻപ് ഇരുവരും തർക്കങ്ങൾ ഉണ്ടായിട്ടുണ്ട് എന്നാണ് സഹപ്രവർത്തകർ പോലീസിൽ മൊഴി നൽകിയത്.

രഞ്ജുഷയുടെ മരണവുമായി ബന്ധപ്പെട്ട കാര്യത്തിൽ കൂടുതൽ വ്യക്തത വരുത്താൻ മനോജിനെ പോലീസ് വിശദമായി ചോദ്യം ചെയ്യും എന്നാണ് ഏഷ്യാനെറ്റ് കഴിഞ്ഞദിവസം റിപ്പോർട്ട് ചെയ്തത്. മനോജ് വിവാഹിതനും, മക്കളും ഉള്ള ആളാണ്. പതിനഞ്ചുവര്ഷമായി സിനിമ സീരിയൽ രംഗത്ത് പ്രവർത്തിച്ചു വരികയായിരുന്നു രഞ്ജുഷ. മനോജ് സംവിധാനം ചെയ്യുന്ന സീരിയൽ ആണ് രഞ്ജുഷ സഹ നിർമ്മാണം നിർവഹിച്ചത്.