കുറെ വർഷങ്ങളായി എല്ലാവരും എന്നോട് ചോദിച്ച ഒരു ചോദ്യമുണ്ട്; അതിനുള്ള ഉത്തരമിതാ; ലക്ഷ്മിയുടെ ദുഃഖത്തിൽ പങ്കുചേർന്ന് ഗിരീഷും!

അപ്പൂപ്പൻ എന്നെ ഞാൻ ആക്കിയ മനുഷ്യൻ. നന്ദി എത്ര പറഞ്ഞാലും മതിയാവില്ല. എന്നെ വളർത്തിയതിനും പഠിപ്പിച്ചതിനും പ്രായം പോലും മറന്ന് എന്നെ ഒരു കലാകാരി ആക്കാൻ രാവും പകലും കൂടെ നിന്നതിനുമൊക്കെ നന്ദി എത്ര പറഞ്ഞാലും മതിയാവില്ല- എന്ന് പറഞ്ഞുകൊണ്ടാണ് അപ്പൂപ്പന്റെ വിയോഗവാർത്ത ലക്ഷ്മി സോഷ്യൽ മീഡിയയിൽ പങ്കിട്ടത്.

കുറെ വർഷങ്ങളായി എല്ലാവരും എന്നോട് ചോദിച്ച ഒരു ചോദ്യമുണ്ട് ലക്ഷ്മി നിനക്ക് ഈ അഭിനയ പാടവം എവിടെ നിന്നാണ് കിട്ടിയത് എന്ന്? ആരാണ് നിങ്ങളുടെ പ്രചോദനം? നിങ്ങളുടെറോൾ മോഡൽ ആരാണ്? എന്നൊക്കെ ഇതാണ് ഉത്തരം-എന്റെ അപ്പൂപ്പൻ " വാളത്തുങ്കൽ ബാലകൃഷ്ണപിള്ള" അദ്ദേഹം ഒരു നാടക കലാകാരനും, അധ്യാപകനും, എന്റെ ഗുരുവും, എല്ലാം ആയിരുന്നു.

എന്റെ അപ്പൂപ്പൻ, എന്റെ ജീവിതത്തിൽ സംഭവിച്ച നല്ല കാര്യങ്ങൾക്കെല്ലാം ആദ്ദേഹമാണ് പിന്തുണ നൽകിയത് കഴിഞ്ഞ കുറച്ച് മാസങ്ങളായി, അപ്പൂപ്പൻ ശാരീരികാസ്വസ്ഥതകൾ കാരണം കഷ്ടപ്പെടുന്നത് എനിക്ക് കണ്ണീരോടെ മാത്രമേ കണ്ടുനിൽക്കാൻ കഴിയുമായിരുന്നോള്ളൂ. അല്ലാതെ എനിക്ക് ഒന്നും ചെയ്യാൻ ആകുമായിരുന്നില്ല. ആ കടുത്ത പോരാട്ടങ്ങൾക്കെല്ലാം ഒടുവിൽ ദൈവം അവനെ ചുറ്റിപ്പിടിച്ചുകൊണ്ട് പറഞ്ഞു."എന്റെ അരികിലേക്ക് പോന്നോളൂ എന്ന്.

ആ വിശാല ഹൃദയം ഇടിക്കുന്നത് നിന്നു, എപ്പോഴും കർമ്മ നിരതനായിരുന്ന അദ്ദേഹത്തിന്റെ കൈകൾ ഇപ്പോൾ വിശ്രമത്തിലാണ്. അപ്പൂപ്പന്റെ വേദനയൊക്കെ മാറി. ദൈവം ഏറ്റവും നല്ലത് മാത്രമേ എടുക്കൂ എന്ന് എനിക്കറിയാം. എന്റെ അപ്പൂപ്പന്റെ ആത്മാവിനും ശാന്തി ലഭിക്കട്ടെ. എല്ലാത്തിനും നന്ദി അപ്പൂപ്പാ. നമ്മൾ വീണ്ടും കണ്ടുമുട്ടുന്നത് വരെ……..ഒത്തിരി ഒത്തിരി സ്നേഹം മാത്രം. .... എന്നായിരുന്നു വികാരാധീനയായി ലക്ഷ്മി കുറിച്ചത്.

നടൻ ഗിരീഷ് നമ്പ്യാറും ലക്ഷ്മിയുടെ വേദനയിൽ പങ്കുചേർന്നു. എല്ലായ്‌പ്പോഴും ഊർജവും സ്നേഹവും നിറഞ്ഞു നിന്ന മനുഷ്യനാണ് അദ്ദേഹം. കലയോടുള്ള അഭിനിവേശവും ഉത്സാഹവും ഈ നിമിഷം ഓർക്കാതെ വയ്യ. എനിക്കും വ്യക്തിപരമായി വലിയ നഷ്ടമാണ് സംഭവിച്ചത്. എങ്കിലും അദ്ദേഹത്തിന്റെ അനുഗ്രഹം ലഭിച്ചതിൽ ഞാൻ ഭാഗ്യവാനാണ്. സാന്ത്വനത്തെ അദ്ദേഹം എത്രമാത്രം സ്നേഹിച്ചിരുന്നുവെന്ന് ഞാൻ ഓർക്കുന്നു, അദ്ദേഹത്തിന്റെ ആത്മാവിന് ശാന്തി ലഭിക്കട്ടെ.- ഗിരീഷ് കുറിച്ചു.