ജീവിതനൗകയിലെ വില്ലത്തി, നടി മനീഷ ജയ്‌സിങ് വിവാഹിതയായി! ചിത്രങ്ങള്‍ വൈറല്‍

ഒന്നിന് പിന്നാലെ ഒന്നൊന്നായി താരവിവാഹങ്ങള്‍ അരങ്ങേറിക്കൊണ്ടിരിക്കുകയാണ് ഇപ്പോള്‍. കോവിഡ് വ്യാപനത്തെത്തുടര്‍ന്നുള്ള നിബന്ധനകള്‍ പാലിച്ചാണ് വിവാഹ ചടങ്ങുകള്‍ നടത്തുന്നത്. ജീവിതനൗകയിലെ വില്ലത്തിയായ മേഘ്‌നയുടെ വിവാഹമായിരുന്നു കഴിഞ്ഞ ദിവസം. വിവാഹത്തിന്റെ ചിത്രങ്ങളും വീഡിയോയും സോഷ്യല്‍ മീഡിയയിലൂടെ വൈറലായി മാറിയിരുന്നു. താന്‍ വിവാഹിതയാവാന്‍ പോവുകയാണെന്നുള്ള വിശേഷത്തെക്കുറിച്ച് പറഞ്ഞ് മാസങ്ങള്‍ക്ക് മുന്‍പ് താരമെത്തിയിരുന്നു.

Also Read: നടൻ മമ്മൂട്ടിക്ക് നാളെ 69 വയസ്സ്; വ്യത്യസ്തമായ പിറന്നാൾ സമ്മാനവുമായി 8 കുട്ടികൾ

ശിവദിത്താണ് മനീഷയെ ജീവിതസഖിയാക്കിയത്. അടുത്ത ബന്ധുക്കളാണ് വിവാഹത്തില്‍ പങ്കെടുത്തത്. അറേ്ഞ്ച്ഡ് മാര്യേജാണ് തങ്ങളുടേതെന്ന് മുന്‍പ് മനീഷ പറഞ്ഞിരുന്നു. ചാലക്കുടിക്കാരന്‍ ചങ്ങാതിയെന്ന സിനിമയിലൂടെയായിരുന്നു മനീഷ അഭിനയരംഗത്തേക്ക് എത്തിയത്. സിനിമയില്‍ നിന്നും സീരിയലിലേക്കുള്ള ക്ഷണം ലഭിക്കുകയായിരുന്നു താരത്തിന്.

പൗര്‍ണമിത്തിങ്കള്‍ എന്ന സീരിയലിലൂടെയായിരുന്നു താരം മിനിസ്‌ക്രീനില്‍ അരങ്ങേറ്റം നടത്തിയത്. ഇടയ്ക്ക് കഥയും കഥാപാത്രങ്ങളും താരങ്ങളുമെല്ലാം മാറുകയായിരുന്നു. ഇതിന് ശേഷമായാണ് മനീഷ ജീവിതനൗകയിലേക്ക് എത്തിയത്. വില്ലത്തിയായുള്ള മനീഷയുടെ വരവിന് മികച്ച സ്വീകരണമാണ് ലഭിച്ചുകൊണ്ടിരിക്കുന്നത്.

Also Read: 'ചന്തു ചതിച്ച കഥ, അമ്മ ആർച്ചയുടെ അങ്കക്കലി; ഓർമ്മകളിൽ നിറയുന്ന മമ്മൂട്ടി'; തുറന്നെഴുതി സംവിധായകൻ പ്രജേഷ് സെൻ!

പേരിലെ സിങിനെക്കുറിച്ച് മുന്‍പ് മനീഷ വാചാലയായിരുന്നു. പകുതി മലയാളിയും പകുതി പഞ്ചാബിയുമാണ് താരം. അച്ഛന്‍ പഞ്ചാബിയാണ്, ജയ്ബന്ദ് സിംഗെന്നാണ് അദ്ദേഹത്തിന്റെ പേര്. അമ്മ മലയാളിയാണ്. വീട്ടുകാര്‍ ആലോചിച്ചുറപ്പിച്ച വിവാഹമായിരുന്നു അവരുടേത്. തിരുവനന്തപുരത്താണ് മനീഷയും കുടുംബവും താമസിക്കുന്നത്. മലയാളം നന്നായി അറിയാമെന്നും താരം പറഞ്ഞിരുന്നു.

വീഡിയോയ്ക്ക് കടപ്പാട്: ഇന്ത്യൻ സിനിമാ ഗ്ലാലറി / യൂട്യൂബ്