റിമിക്കായി മുക്തയുടെ സമ്മാനം! പിറന്നാള്‍ കേക്കിനൊപ്പം കവിളിലൊരുമ്മയും! ചിത്രം വൈറല്‍

സ്വതസിദ്ധമായ ശബ്ദത്തിലൂടെ ആസ്വാദക ഹൃദയത്തില്‍ ഇടം നേടിയ ഗായികയാണ് റിമി ടോമി. ടെലിവിഷന്‍ പരിപാടിയില്‍ പങ്കെടുത്തതിന് പിന്നാലെയായാണ് പിന്നണി ഗാനരംഗത്തേക്ക് റിമിയെത്തിയത്. മീശമാധവനിലെ ചിങ്ങമാസം വന്നുചേര്‍ന്നാല്‍ എന്ന ഗാനത്തിലൂടെയായിരുന്നു റിമി തുടക്കം കുറിച്ചത്. അടിപൊളി മാത്രമല്ല മെലഡിയിലും താന്‍ തിളങ്ങുമെന്ന് ഈ ഗായിക പിന്നീട് തെളിയിച്ചിരുന്നു. സ്റ്റേജ് പരിപാടികളിലും റിമിയുടെ സാന്നിധ്യം ഒഴിച്ചുകൂടാനാവാത്തതാണ്. എനര്‍ജി ബോംബായാണ് റിമിയെ പൊതുവെ വിശേഷിപ്പിക്കാറുള്ളത്. എങ്ങനെയാണ് ഇത്രയും എനര്‍ജി നിലനിര്‍ത്തുന്നതെന്നായിരുന്നു പലരും റിമിയോട് ചോദിച്ചത്.

Also Read: വിവാഹം കഴിഞ്ഞ് 13 ദിവസം, അപമാനിച്ചെന്ന പരാതിയുമായി നടി പൂനം പാണ്ഡേ രംഗത്ത്; ഭർത്താവ് അറസ്റ്റിൽ!

റിമി ടോമിയുടെ പിറന്നാളായിരുന്നു ചൊവ്വാഴ്ച. താരങ്ങളും ആരാധകരും കുടുബാംഗങ്ങളുമൊക്കെയായി നിരവധി പേരാണ് റിമിയെക്കുറിച്ച് വാചാലരായെത്തിയത്. നാത്തൂനായ മുക്തയും റിമി ചേച്ചിക്ക് ആശംസ അറിയിച്ച് എത്തിയിരുന്നു. സോഷ്യല്‍ മീഡിയയിലൂടെ മുക്തയുടെ പോസ്റ്റ് വൈറലായി മാറിയിരുന്നു. താന്‍ എന്നാണ് റിമിയെ ആദ്യമായി കണ്ടതെന്നും മുക്ത പറഞ്ഞിരുന്നു. ഏറെ പ്രിയപ്പെട്ട നാത്തൂനൊപ്പമുള്ള പുതിയ ചിത്രം പങ്കുവെച്ചും താരമെത്തിയിരുന്നു.

Also Read: സിനിമ എന്ന തൊഴിലിടം സൂപ്പർസ്റ്റാറുകൾ തുപ്പി നീട്ടുന്ന കൊളാമ്പിയാണെന്ന ധാരണ തെറ്റ്: രേവതി സമ്പത്ത്

പിറന്നാള്‍ കേക്കിനൊപ്പമായി റിമിയുടെ കവിളില്‍ ഉമ്മ വെക്കുന്നതിന്റെ ചിത്രവും മുക്ത പോസ്റ്റ് ചെയ്തിരുന്നു. രണ്ടാളും സുന്ദരികളായിരിക്കുന്നുവെന്നും മനോഹരമായ ഫോട്ടോയാണല്ലോയെന്നും ചോദിച്ചായിരുന്നു ആരാധകരെത്തിയത്. റിങ്കു ടോമിയുടെ മൂത്ത സഹോദരിയാണ് റിമി ടോമി. ചേച്ചിയെക്കുറിച്ച് വാചാലയായി നേരത്തെയും മുക്ത എത്തിയിരുന്നു. റിമി സമ്മാനിച്ച ഫ്‌ളാറ്റിലാണ് മുക്തയും റിങ്കുവും മകള്‍ കണ്‍മണിയും താമസിക്കുന്നത്.