കുറ്റപ്പെടുത്തലുകള്‍
ഗര്‍ഭിണിയായ സമയത്ത് ശരീരഭാരം കൂടിയിരുന്നു. തടി കൂടിയതിനെക്കുറിച്ച് നെഗറ്റീവ് കമന്റുകളും കേള്‍ക്കേണ്ടി വന്നിരുന്നു താരത്തിന്. അമ്മി ലുക്കിലായല്ലോ, ആന്റിയുടെ പേരെന്താണ് എന്നൊക്കെയായിരുന്നു ചിലരുടെ ചോദ്യങ്ങള്‍. അത്തരത്തിലുള്ള ചോദ്യങ്ങളൊന്നും പാര്‍വതിയെ തളര്‍ത്തിയിരുന്നില്ല. ഗര്‍ഭകാലം ആസ്വദിക്കുകയായിരുന്നു താരം. ഗര്‍ഭിണിയായതിന് ശേഷവും താരം ഡാന്‍സ് ചെയ്യാറുണ്ടായിരുന്നു. മെറ്റേണിറ്റി ഫോട്ടോ ഷൂട്ടും വളക്കാപ്പ് അനുഭവങ്ങളെക്കുറിച്ചുമെല്ലാം താരം വാചാലയായിരുന്നു.
ഡാന്‍സിനെക്കുറിച്ച്
വയറും വെച്ച് ഡാന്‍സ് ചെയ്തപ്പോളും പാര്‍വതിയെ ഉപദേശിച്ചായിരുന്നു ഒരുവിഭാഗമെത്തിയത്. ഈ സമയത്ത് ഇങ്ങനെയൊന്നും ചെയ്യരുത്. അമ്മ ഇങ്ങനെയൊക്കെ ചെയ്താല്‍ അത് കുഞ്ഞിനെ ദോഷകരമായി ബാധിച്ചേക്കുമെന്നൊക്കെയായിരുന്നു ഉപദേശകരുടെ വാക്കുകള്‍. ഡോക്ടര്‍മാരുടെ വാക്കുകള്‍ക്കായിരുന്നു പാര്‍വതി പരിഗണന നല്‍കിയത്.
ഡയറ്റില്ല
ഗര്‍ഭിണിയാവുന്നതിന് മുന്‍പ് 60ന് താഴെയായിരുന്നു പാര്‍വതിയുടെ ശരീരഭാരം. ഗര്‍ഭകാലത്ത് അത് 82ലേക്ക് പോയിരുന്നു. കുഞ്ഞ് വന്നതിന് ശേഷം തുടക്കത്തില്‍ ഡയറ്റൊന്നുമുണ്ടായിരുന്നില്ല. 6 മാസം വരെ ഡയറ്റിനെക്കുറിച്ചോ, തടി കുറക്കുന്നതിനെക്കുറിച്ചോ ആലോചിച്ചിരുന്നില്ല. ഫീഡിങ്ങിനെ ഡയറ്റ് ബാധിച്ചേക്കുമോയെന്നൊക്കെയായിരുന്നു ചിന്തിച്ചത്. തനിക്ക് ഓക്കെയെന്ന് തോന്നിയ സമയത്തായിരുന്നു പാര്‍വതി പിന്നീട് ഡയറ്റിനെക്കുറിച്ച് ഗൗരവകരമായി ചിന്തിച്ചത്.
22 കിലോ കുറച്ചു
നോര്‍മ്മലിയുള്ള ഭക്ഷണമൊക്കെ കഴിക്കാവുന്ന തരത്തിലുള്ള ഡയറ്റാണ് പാര്‍വതി സ്വീകരിച്ചത്. പൊരിച്ച സാധനങ്ങളും ജങ്ക് ഫുഡ്‌സും നിയന്ത്രിച്ചിരുന്നു. അങ്ങനെ പറയത്തക്ക രീതിയിലുള്ള വര്‍ക്കൗട്ടൊന്നുമുണ്ടായിരുന്നില്ല. ചെയ്യുന്നതിന്റെ റിസല്‍ട്ട് വന്നതോടെ താന്‍ ആവേശത്തിലായെന്നും പാര്‍വതി പറയുന്നു. മൂന്നരമാസമായപ്പോഴേക്കും 22 കിലോയായിരുന്നു കുറഞ്ഞത്.
ബാധിച്ചിരുന്നില്ല
നേരത്തെ ബോഡി ഷെയ്മിങ്ങ് നേരിടേണ്ടി വന്നിട്ടുണ്ടെങ്കിലും അന്ന് വിമര്‍ശിച്ചവരെല്ലാം ഇന്ന് അഭിനന്ദിക്കുന്ന അവസ്ഥയാണ്. ശരീരഭാരം കൂടിയത് തന്നെ മാനസികമായി ബാധിച്ചിരുന്നില്ല. അന്നും ഇന്നും ആത്മവിശ്വാസത്തിന് തെല്ലുംകുറവില്ല. അന്നത്തെ കമന്റുകളൊക്കെ ബാധിച്ചിരുന്നുവെങ്കില്‍ ഡിപ്രഷനൊക്കെ വന്നേനെ, അത് കുഞ്ഞിനേയും ബാധിച്ചേനെയെന്നും പാര്‍വതി പറയുന്നു. പാര്‍വതിയുടേയും ബാലുവിന്റെയും മകന് അവ്യുക്ത് എന്നാണ് പേരിട്ടത്.