ALSO READ: മൈലുകൾ അപ്പുറമെങ്കിലും ഹൃദയം ചേർന്നിരിക്കും; അപ്പന്റെ സ്നേഹത്തെ കുറിച്ച് സുഹാന!
അമ്മയാകാൻ പോകുന്നു!
അമ്മയാകാൻ പോകുന്ന സന്തോഷവാർത്ത പാർവതി തന്നെയാണ് ആരാധകർക്കായി പങ്ക് വച്ചത്. 9ാം മാസം ഗര്‍ഭിണിയാണ് ഇപ്പോള്‍. വൈകാതെ തന്നെ ഞങ്ങള്‍ മൂന്നാവും,എന്ന് പറഞ്ഞുകൊണ്ടേയിരുന്നു ഭർത്താവ് ബാലഗോപാലിന്റെ ഒപ്പമുള്ള ചിത്രം പാർവതി പങ്ക് വച്ചത്. ശേഷം നിറവയറിൽ ഉള്ള ഡാൻസിന്റെ വീഡിയോകൾ പലപ്പോഴായി പാർവതി പങ്ക് വച്ചിട്ടുണ്ട്. വിമർശനങ്ങൾക്ക് അതെ ഭാഷയിൽ തന്നെ മറുപടിയും പറഞ്ഞു.
സുഖപ്രസവം ആയിരുന്നു!
ഗർഭിണി ആയി എന്ന് കരുതി വെറുതെ ഇരുന്നില്ല. എല്ലാ ജോലികളും, താൻ ചെയ്തിരുന്നു. അടുക്കളയിലുള്ള സാദാ പണികളും, ഒപ്പം നൃത്തവും ചെയ്യാറുണ്ടായിരുന്നു. പ്രസവത്തിനു ശേഷം വീഡിയോയിൽ കാണും പോലെ ഓടിച്ചാടി നടക്കുകയല്ല. അത്യാവശ്യം നന്നായി തന്നെ ഞാൻ റെസ്റ്റ് എടുക്കാറുണ്ട്. പിന്നെ കണ്ണപ്പൻ എന്നാണ് ഞങ്ങൾ ഇപ്പോൾ അവനെ വിളിക്കുന്നത് എന്നും ആള് പൊളിയാണ് എന്നും പാർവതി വ്യക്തമാക്കി.
അമ്മ എന്ന് പറയുന്നത് തന്നെ!
അമ്മ എന്ന് പറയുന്നത് തന്നെ ഏറ്റവും വലിയ ഒരു അനുഭവം ആണ്. കുഞ്ഞിന്റെ പേര് 28 കഴിഞ്ഞതിനു ശേഷം പറയാം എന്നും പാർവതി പറയുന്നു. മാത്രമല്ല,ബാലുവിനോടാണോ കുഞ്ഞിനോടാണോ ഏറ്റവും അധികം ഇഷ്ടം എന്ന് ചോദിച്ചാൽ അത് അവർ രണ്ടാളും എനിക്ക് എന്റെ രണ്ടു കണ്ണുകൾ പോലെയാണ്.ആദ്യമായി കുഞ്ഞിനെ കണ്ട ആ നിമിഷം പറഞ്ഞറിയിക്കാൻ ആകുന്നത് അല്ലെന്നും പാർവതി പറഞ്ഞു.
പെൺകുട്ടി ആകുമെന്ന് കരുതി!
എന്റെ വയറും കാര്യങ്ങളും ഒക്കെ കണ്ടപ്പോൾ എല്ലാവരും പറഞ്ഞു എനിക്ക് പെൺകുട്ടി ആയിരിക്കും എന്ന്. എനിക്ക് അങ്ങനെ ആൺ പെൺ വ്യത്യസം ഉണ്ടായിരുന്നില്ല.. ആരോഗ്യവാനായ ഒരു കുഞ്ഞുവേണം എന്ന് ഉണ്ടായിരുന്നുള്ളൂ. പിന്നെ പെൺകുട്ടി ആകും എന്ന് ആണ് വിചാരിച്ചിരുന്നത്. നോർമൽ ഡെലിവറി ആയപ്പോൾ കിട്ടിയ അഭിമാനം മറ്റൊന്നിനും കിട്ടിയിട്ടില്ല എന്നും താരം പറഞ്ഞു.
സൗന്ദര്യം അല്ല പ്രധാനം!
വണ്ണം വച്ചല്ലോ എന്ന് പറയുന്നവരോട് എനിക്ക് പറയാൻ ഉള്ളത്, ഇപ്പോൾ എന്റെ കാര്യം ശ്രദ്ധിക്കാൻ അല്ല എനിക്ക് നേരം ആദ്യം കുഞ്ഞു അത് കഴിഞ്ഞേ ഞാൻ എന്റെ കാര്യങ്ങൾ ചിന്തിക്കുകയൊള്ളു. ഇപ്പോൾ സൗന്ദര്യത്തിന് അല്ല ഇമ്പോർട്ടൻസ്. ഇപ്പോൾ കുഞ്ഞിന്റെ ആരോഗ്യം തന്നെയാണ് പ്രധാനം. അതിന് എനിക്ക് പോഷകഗുണമുള്ള ആഹാരം കഴിച്ചേ മതിയാകൂ. പക്ഷെ ഞാൻ ബബ്ബ്ളി ആകുമ്പോഴാണ് എനിക്ക് കൂടുതൽ എന്നെ ഇഷ്ടം എന്നും പാർവതി വ്യക്തമാക്കി.