3 മില്യന്റെ ചിരിയുമായി പേളി മാണി! എന്നോടൊപ്പം സഞ്ചരിച്ചതിന് നന്ദി! ശ്രീനിക്കും ഇത് കാണുമ്പോള്‍ സന്തോഷം തോന്നും!

ബിഗ് ബോസിലൂടെയാണ് പേളി മാണിയും ശ്രിനിഷ് അരവിന്ദും പരിചയപ്പെട്ടത്. വിവിധ പരമ്പരകളിലൂടെയായി പ്രേക്ഷകര്‍ക്ക് സുപരിചിതനായിരുന്നു ശ്രിനിഷ് അരവിന്ദ്. അവതാരകയായി പേളി മാണിയും ജനഹൃദയങ്ങളില്‍ ഇടം നേടിയിരുന്നു. ഷോയില്‍ പങ്കെടുത്ത് വരവെയായിരുന്നു ഇരുവരും പ്രണയത്തിലായത്. ഇനിയങ്ങോട്ടുള്ള ജീവിതത്തില്‍ ഒന്നാവാനായി ആഗ്രഹിക്കുന്നുവെന്ന് ഇരുവരും പറഞ്ഞിരുന്നു. ബിഗ് ബോസ് അവസാനിച്ച് അധികം വൈകാതെ തന്നെ ഇരുവരും വിവാഹിതരാവുകയായിരുന്നു. ബിഗ് ബോസില്‍ മത്സരിച്ചപ്പോഴുണ്ടായിരുന്ന അതേ സ്‌നേഹവും പിന്തുണയുമാണ് ഇന്നും ആരാധകര്‍ ഇവര്‍ക്ക് നല്‍കിക്കൊണ്ടിരിക്കുന്നത്. ഫാന്‍സ് ഗ്രൂപ്പുകളും പേജുകളും ഇപ്പോഴും സജീവമാണ്. പേളി പങ്കിടുന്ന വിശേഷങ്ങളെല്ലാം പെട്ടെന്ന് തന്നെ വൈറലായി മാറാറുമുണ്ട്.
പേളിയുടേയും ശ്രീനിയുടേയും മകളായ നില ശ്രിനിഷിനും ആരാധകരേറെയുണ്ട്. ജനനം മുതലുള്ള നില ബേബിയുടെ വിശേഷങ്ങള്‍ ആരാധകര്‍ അറിയാറുണ്ട്. ഗര്‍ഭിണിയായതിനെക്കുറിച്ചും തുടര്‍ന്നുള്ള വിശേഷങ്ങളുമെല്ലാം പേളിയും ശ്രീനിയും ആരാധകരെ അറിയിച്ചിരുന്നു. നിലയുടെ മാമോദീസ ചിത്രങ്ങളും ചോറൂണ്‍ വിശേഷങ്ങളുമെല്ലാം ഇരുവരും പങ്കുവെച്ചിരുന്നു. സൈമ അവാര്‍ഡ്‌സ് വിശേഷങ്ങളും പേളി ആരാധകരുമായി പങ്കിട്ടിരുന്നു. അവതാരകയും ഗായികയും മാത്രമല്ല അഭിനേത്രിയായുമെത്തിയിരുന്നു പേളി മാണി.ഇന്‍സ്റ്റഗ്രാം ഫോളോവേഴ്‌സ് 3 മില്യണ്‍ പിന്നിട്ട സന്തോഷം പങ്കുവെച്ചും പേളി മാണി എത്തിയിരുന്നു. നന്ദി, എല്ലായ്പ്പോഴും അവിടെ ഉണ്ടായിരുന്നതിന് എന്ന് പറഞ്ഞായിരുന്നു പേളിയുടെ കുറിപ്പ് തുടങ്ങുന്നത്. എപ്പോഴും എന്നെ മികച്ചതാക്കാൻ പ്രേരിപ്പിക്കുന്നതിനും എന്നോടൊപ്പം ചിരിക്കുന്നതിനും നന്ദി. എന്നോടൊപ്പം കരഞ്ഞതിനും ഈ മനോഹരമായ യാത്രയിൽ എന്നോടൊപ്പം സഞ്ചരിച്ചതിനും നന്ദി. നിങ്ങൾ ഓരോരുത്തരും എനിക്ക് പ്രിയപ്പെട്ടതാണ്. ഏതാനും വർഷങ്ങൾക്കുമുമ്പ് ഞാൻ ഇൻസ്റ്റയിൽ ചേർന്നപ്പോൾ, ഞാൻ നല്ല ഫോട്ടോഗ്രാഫുകൾ പോസ്റ്റുചെയ്യുന്ന ഒരു ആപ്പായിരിക്കും എന്നായിരുന്നു കരുതിയത്, പക്ഷേ കാലക്രമേണ ഞാൻ നിങ്ങളോട് വൈകാരികമായി അടുക്കുകയായിരുന്നു. നിങ്ങളിൽ ചിലർ എപ്പോഴും എനിക്ക് സന്ദേശമയക്കുകയും എന്റെ ചിത്രങ്ങളിൽ അഭിപ്രായമിടുകയും ചെയ്യുന്നു. നിങ്ങളെല്ലാവരും എന്റെ ജീവിതത്തിന്റെ അവിഭാജ്യ ഘടകമായി മാറിക്കഴിഞ്ഞതാണ്. ശ്രീനിയുടേയും നിലയുടേയും പേരിൽ ക്യൂട്ട് ഫാൻ പേജുകൾ, ഞങ്ങളുടെ മനോഹരമായ നിമിഷങ്ങളെല്ലാം നിരന്തരം ഓർമ്മിപ്പിച്ചതിനും ഞങ്ങളുടെ പ്രത്യേക ദിവസങ്ങൾ ഓർമ്മിച്ചതിനും നന്ദി. "പിന്തുടരുക" എന്ന വാക്ക് "ചേരുക" എന്ന വാക്ക് ഉപയോഗിച്ച് മാറ്റി സ്ഥാപിക്കണമെന്ന് ഞാൻ കരുതുന്നു, കാരണം നിങ്ങൾ ഓരോരുത്തരും എന്റെ വലിയ സന്തോഷമുള്ള ഇൻസ്റ്റാ കുടുംബത്തിൽ ചേർന്നു. എല്ലാവർക്കും സമാധാനവും സ്നേഹവുമെന്നുമായിരുന്നു പേളി മാണി കുറിച്ചത്.