ബേബി ബംപ് ചിക്ക് വാവയെന്ന് കുഞ്ചാക്കോ ബോബൻ; വരാൻ പോകുന്നത് പെൺകുഞ്ഞാകുമെന്ന് പ്രിയ മോഹൻ!

ആദ്യം മൂന്നു മാസത്തെ അവസ്ഥ മുതൽ, ഇപ്പോൾ അഞ്ചാം മാസത്തിലേക്ക് കടന്നപ്പോൾ മുതലുള്ള വിശേഷങ്ങൾ പേളി പറയുന്നുണ്ട്. ഛർദ്ദിയും മറ്റു ഗർഭകാല ലക്ഷണങ്ങളും നിറഞ്ഞതായിരുന്നു തന്റെ ആദ്യ മൂന്ന് മാസങ്ങളെന്നു പേളി പറയുന്നു. എന്നാൽ രണ്ടാം ഘട്ടമെത്തിയതോടെ അതിൽ മാറ്റങ്ങൾ വന്ന് തുടങ്ങിയതായും താരം വ്യക്തമാക്കി.

രണ്ടാം ഘട്ടം എത്തിയപ്പോൾ കൂടുതൽ രസകരമായി കാര്യങ്ങൾ. ഞാൻ കൂടുതൽ ഉന്മേഷവതിയായതായി തോന്നുന്നു. ഭക്ഷണമുണ്ടാക്കൽ, വൃത്തിയാക്കൽ, ഡ്രൈവിംഗ് എന്നിവയെല്ലാം ചെയ്യുന്നു. കുഞ്ഞി കുഞ്ഞി അനക്കത്തിലൂടെ ബേബി നിരന്തരം എന്നോട് ഹായ് പറയുന്നു. അതുകൊണ്ടുതന്നെ ഞാൻ ഇപ്പോൾ ബേബിയുടെ കൂടെ കൂടുതൽ എങ്കേജ്ഡ് ആകാൻ തുടങ്ങി.പാടുകയും പാട്ട് കേൾക്കുകയും ചെയ്യും. ചില നേരങ്ങളിൽ ഞങ്ങളുടെ പ്രാർത്ഥന ചൊല്ലാറുമുണ്ട്.

ഇപ്പോൾ ഈ കൈകൾ സ്വാഭാവികമായും വയറിനു ചുറ്റും ഇരിക്കാറുണ്ട്. ഒരു അമ്മയുടെ വികാരം തന്റെ ഉള്ളിൽ നിറയുന്നതുകൊണ്ടാണ് ഇങ്ങനെ സംഭവിക്കുന്നത്. കുഞ്ഞിനെ സംരക്ഷിക്കാനുള്ള ചുമതല തനിക്കുണ്ട്. ഞാൻ ഇപ്പോൾ എന്താണോ അനുഭവിക്കുന്നത്, അത് പറയണമെന്ന് തോന്നിയത് കൊണ്ടാണ് ഇതൊക്കെ പറയുന്നത്. പുതിയ ഒരാളെ ഈ ലോകത്തേക്ക് ക്ഷണിക്കുന്നതിൽ ഞാനും ഭർത്താവും സന്തോഷത്തിലാണ്.

ചാക്കോച്ചൻ അടക്കമുള്ള താരങ്ങൾ ആണ് പേളിയുടെ പുതിയ പോസ്റ്റിന് ആശംസ നേർന്നുകൊണ്ട് രംഗത്ത് വരുന്നത്. ബേബി ബംപ്, ചിക്ക് വാവയെന്ന് കുഞ്ചാക്കോ ബോബൻ പറയുമ്പോൾ വരാൻ പോകുന്നത് പെൺകുഞ്ഞാകുമെന്ന് ആണ് നടി പ്രിയ മോഹൻ പറയുന്നത്. നടി സ്നേഹയും അമ്മ ആകാൻ പോകുമ്പോൾ ഉള്ള അനുഭവം ആണ് പേളിയോട് പങ്കിട്ടത്. നടിമാരായ മീര നന്ദനും, ദീപ്തി സതിയും എല്ലാം പേളിയുടെ പുതിയ പോസ്റ്റിനു കമന്റുകൾ നൽകികൊണ്ട് രംഗത്ത് വന്നിട്ടുണ്ട്.