ALSO READ: മുറിവുണങ്ങാൻ സമയമെടുക്കും: എപ്പോൾ ആശുപത്രി വിടാനാകുമെന്ന് പറയാനാകില്ല; ശരണ്യയുടെ ആരോഗ്യാവസ്ഥയെ കുറിച്ച് സീമ!
ജിത്തുമോനായി തുടക്കം
'ഓമനത്തിങ്കൾ പക്ഷി' എന്ന പരമ്പരയിൽ ജിത്തു മോനായി തുടങ്ങി ഇതുവരെ അമ്പതോളം സീരിയലുകളുടെ ഭാഗമായ നടിയാണ് അനുശ്രീ. 2005 മുതൽ അഭിനയലോകത്തുള്ള താരം 'സീ കേരള'ത്തിൽ 'പൂക്കാലം വരവായി' എന്ന പരമ്പരിയിലാണ് ഇപ്പോള്‍ അഭിനയിച്ചുകൊണ്ടിരിക്കുന്നത്. ബാലതാരമായി അഭിനയം തുടങ്ങിയ താരമിപ്പോള്‍ നായികാ വേഷങ്ങളിലാണ് അഭിനയിക്കുന്നത്.
പ്രകൃതി
അനുശ്രീ എന്നാണ് യഥാർ‍ഥ പേര്. പ്രകൃതിയെന്നാണ് സീരിയൽ ലോകത്ത് താരം അറിയപ്പെടുന്നത്. നാലാം വയസ്സുമുതലാണ് അഭിനയം തുടങ്ങിയത്. ഓമനത്തിങ്കള്‍ പക്ഷി ദേവീമാഹാത്മ്യം, ശ്രീ മഹാഭാഗവതം, പാദസരം, എഴുരാത്രികള്‍, അമല തുടങ്ങിയ പരമ്പരകളിലാണ് ആദ്യ കാലത്ത് അഭിനയിച്ചത്.
15-ാം വയസ്സിൽ
15-ാം വയസ്സിലാണ് ആദ്യമായി അനുശ്രീ ലീഡ് റോളിൽ എത്തുന്നത്. ഏഴുരാത്രികള്‍ എന്ന പരമ്പരയിലായിരുന്നു അത്. അമലയിലെ ശീതള്‍ എന്ന കഥാപാത്രവും ഏറെ ശ്രദ്ധിക്കപ്പെട്ടിരുന്നു. അരയന്നങ്ങളുടെ വീട് എന്ന പരമ്പരയിൽ നടൻ റോൺസണിനോടൊപ്പം മികച്ച പ്രകടനമാണ് താരം കാഴ്ചവെച്ചത്.
സംവൃത
പൂക്കാലം വരവായ് എന്ന പരമ്പരയിൽ സംവൃത എന്ന കഥാപാത്രമായും, മഞ്ഞിൽ വിരിഞ്ഞപൂവ് പരമ്പരയിൽ മല്ലിക പ്രതാപായും അനുശ്രീ കൈയ്യടിവാങ്ങി. കരിയറിൽ തിളങ്ങി നിൽക്കുന്നതിനിടയിൽ ആണ് അനുശ്രീയുടെ വിവാഹവാർത്ത സോഷ്യൽ മീഡിയ ഏറ്റെടുത്തിരിക്കുന്നത്.
വിവാഹം
എന്റെ മാതാവ് സീരിയൽ ക്യാമറമാൻ വിഷ്ണു സന്തോഷാണ് അനുശ്രീയെ സ്വന്തമാക്കിയത്. തൃശൂർ ആവണങ്ങാട്ട് ക്ഷേത്രത്തിൽ വച്ച് വിവാഹതിരായതിന്റെ ചിത്രങ്ങളാണ് സോഷ്യൽ മീഡിയ വഴി പ്രചരിച്ചത്. അതേസമയം ഇരുവർക്കുമായി എന്റെ മാതാവ് സീരിയൽ താരങ്ങൾ സർപ്രൈസ് ഒരുക്കിയതിന്റെ ദൃശ്യങ്ങളും ഇപ്പോൾ വൈറലാണ്.