യുക്രൈനില്‍ കുടുങ്ങിയിട്ടില്ല, ഞങ്ങള്‍ കേരളത്തില്‍ തന്നെയുണ്ട്! വ്യാജവാര്‍ത്തകള്‍ പ്രചരിപ്പിക്കുന്നത് നിര്‍ത്തൂയെന്ന് പ്രിയ മോഹന്‍

ടെലിവിഷനിലൂടെയായി പ്രേക്ഷകര്‍ക്ക് സുപരിചിതയായി മാറിയ താരമാണ് പ്രിയ മോഹന്‍. അഭിനേതാവും ബിസിനസുകാരനുമായ നിഹാല്‍ പിള്ളയെയാണ് താരം വിവാഹം ചെയ്തത്. വിവാഹത്തോടെ അഭിനയത്തില്‍ നിന്നും ഇടവേളയെടുത്ത പ്രിയ സോഷ്യല്‍ മീഡിയയില്‍ സജീവമാണ്. യൂട്യൂബ് ചാനലിലൂടെയായി വിശേഷങ്ങള്‍ പങ്കിടുന്നതിനാല്‍ നിഹാലും പ്രേക്ഷകര്‍ക്ക് പരിചിതനാണ്. ഇവര്‍ പങ്കിടുന്ന വിശേഷങ്ങളെല്ലാം പെട്ടെന്ന് തന്നെ വൈറലായി മാറാറുണ്ട്. ഒരു ഹാപ്പി ഫാമിലി യൂട്യൂബ് ചാനലിലൂടെയായാണ് പ്രിയയും നിഹാലും വിശേഷങ്ങള്‍ പങ്കിടുന്നത്.
തങ്ങള്‍ നടത്തുന്ന യാത്രകളും ഭക്ഷണത്തിലെ പുതുരുചിയും കുടുംബത്തിലെ ആഘോഷങ്ങളെക്കുറിച്ചുമൊക്കെയാണ് ഇവര്‍ വീഡിയോ ചെയ്യാറുള്ളത്. അടുത്തിടെ ഇവര്‍ യുക്രൈനിലേക്ക് യാത്ര നടത്തിയിരുന്നു. 6മാസം മുന്‍പായിരുന്നു ഇത്. അന്ന് പങ്കിട്ട വീഡിയോയും ചിത്രങ്ങളുമെല്ലാം വൈറലായിരുന്നു. യുക്രൈനില്‍ പ്രശ്‌നമായതോടെ പ്രിയ മോഹന്‍ അവിടെ കുടങ്ങിയെന്ന തരത്തിലുള്ള റിപ്പോര്‍ട്ടുകളും സോഷ്യല്‍ മീഡിയയിലൂടെ പ്രചരിച്ചിരുന്നു. അത് ശരിയല്ല, ഞാനും കുടുംബവും കൊച്ചിയില്‍ തന്നെയുണ്ടെന്ന് വ്യക്തമാക്കി എത്തിയിരിക്കുകയാണ് പ്രിയ മോഹന്‍. ഇന്‍സ്റ്റഗ്രാം സ്‌റ്റോറിയിലൂടെയായാണ് പ്രിയ ഇതേക്കുറിച്ച് വ്യക്തമാക്കിയത്. പ്രിയയുടെ സ്റ്റോറി നിഹാലും പൂര്‍ണിമയും ഷെയര്‍ ചെയ്തിരുന്നു.
നാളുകള്‍ക്ക് ശേഷമായി അച്ഛനേയും അമ്മയേയും കാണാന്‍ പോയതിനെക്കുറിച്ച് പറഞ്ഞുള്ള വീഡിയോയാണ് ഒടുവിലായി പ്രിയയും നിഹാലും പങ്കിട്ടത്. തികച്ചും സര്‍പ്രൈസായാണ് അച്ഛനേയും അമ്മയേയും കാണാനായി ഇവരെത്തിയത്. വേദുവിനെ കാണാനായി കാത്തിരിക്കുകയാണ് അവര്‍. അവര്‍ നല്ല എക്‌സൈറ്റഡാണ്. ഞങ്ങള്‍ നാട്ടിലുണ്ടെന്നറിയാമെങ്കിലും ഇന്ന് ചെന്ന് കാണുമെന്ന് അവര്‍ക്കറിയില്ല. എത്ര നാളായെടാ കണ്ടിട്ട് എന്ന് പറഞ്ഞ് വേദുവിനെ വാരിയെടുക്കുകയായിരുന്നു അച്ഛനും അമ്മയും. അപ്രതീക്ഷിതമായി വേദുവിനെ കണ്ടതിന്റെ സന്തോഷത്തിലായിരുന്നു അമ്മ. ഒട്ടും പ്രതീക്ഷിച്ചില്ല നിങ്ങളെ, ശരിക്കും സര്‍പ്രൈസായി ഇതെന്നുമായിരുന്നു അച്ഛനും അമ്മയും പറഞ്ഞത്.