കരയുവോ ചിരിക്കുവോ പേടിയാണോ വെള്ളം അമ്മയെ പോലെ; അച്ഛനും ചേച്ചിമാർക്കും ഒപ്പം വേധു!

വേധുവിന്റെ ആദ്യ നീന്തൽ അനുഭവമാണ് പ്രിയ ഇപ്പോൾ യൂ ട്യൂബിലൂടെ പങ്ക് വയ്ക്കുന്നത്. കരയുവോ ചിരിക്കുവോ പേടിയാണോ വെള്ളം അമ്മയെ പോലെയെന്നാണ് നിഹാൽ കുഞ്ഞിചെക്കനോട് ചോദിക്കുന്നത്. ആദ്യം ഇത്തിരി പേടി കാണിക്കുന്നുണ്ടെങ്കിലും പിന്നെ പയ്യെപ്പയ്യെ വെളളത്തിൽ കളിക്കാം എന്നായി വേധു.

മകന്റെ ഒപ്പമുള്ള ചിത്രങ്ങൾ പങ്ക് വച്ച് മതിയാകാത്ത പോലെയാണ് പ്രിയ മോഹൻ. ഒരുപാട് രസകരമായ ഫോട്ടോകളും വീഡിയോകളുമാണ് പ്രിയ പങ്കിടുന്നത്. മമ്മാസ് ബോയ് എന്നാണ് മകനും ഒത്തുള്ള ഒരു ചിത്രത്തിനു പ്രിയ നൽകിയ ക്യാപ്‌ഷൻ.

മകന് ഒപ്പം പ്രിയ മോഹൻ ഫോട്ടോ ഇട്ടു വിലസുമ്പോൾ വിട്ടുകൊടുക്കാൻ ഭാവം ഇല്ലാതായാണ് പ്രാർത്ഥന ഇന്ദ്രജിത് സോഷ്യൽ മീഡിയയിലൂടെ ഫോട്ടോകൾ പങ്ക് വയ്ക്കുന്നത്. എക്കാലത്തെയും മികച്ച കൂട്ടുകാർ എന്ന അടിക്കുറിപ്പോടെയാണ്‌ പ്രാർത്ഥന ചിത്രം പങ്ക് വച്ചത്.

കഴിഞ്ഞ തവണ പ്രിയ പങ്ക് വച്ച ചിത്രത്തിന് പൂർണ്ണിമ പങ്കിട്ട ക്യാപ്‌ഷനും ഏറെ വൈറൽ ആയിരുന്നു. വേധുവിനെ വല്ലാതെ മിസ് ചെയ്യുന്നു എനിക്ക് എന്നാണ് പൂർണ്ണിമ പറയുന്നത്.

മിക്ക യാത്രകളും താരകുടുംബം ഒന്നിച്ചാണ് നടത്തുക പതിവ്. ന്യൂ ഇയർ- ക്രിസ്തുമസ് ആഘോഷങ്ങളുടെ ഭാഗമായി പൂർണ്ണിമയുടേയും പ്രിയ മോഹന്റെയും കുടുംബങ്ങൾ ഒരുമിച്ചാണ് പങ്കെടുത്തത്.