പ്രിയ മോഹന്റെ നിറവയറില്‍ ചുംബിച്ച് നില്‍ക്കുന്ന നിലു! പിറന്നാളാശംസയ്‌ക്കൊപ്പമുള്ള ചിത്രങ്ങള്‍ വൈറല്‍

പ്രേക്ഷകര്‍ക്ക് ഏറെ പ്രിയപ്പെട്ട താരകുടുംബങ്ങളിലൊന്നാണ് പ്രിയ മോഹന്റേത്. മിനിസ്‌ക്രീനിലെ മുന്‍നിര വില്ലത്തികളിലൊരാളായ താരം വിവാഹത്തോടെ അഭിനയത്തില്‍ നിന്നും ഇടവേളയെടുക്കുകയായിരുന്നു. അഭിനേതാവും ബിസിനസുകാരനുമായ നിഹാല്‍ പിള്ളയെയാണ് പ്രിയ മോഹന്‍ വിവാഹം ചെയ്തത്. യൂട്യൂബ് ചാനലിലൂടെ വിശേഷങ്ങള്‍ പങ്കുവെച്ച് ഇരുവരും എത്താറുണ്ട്. ഇവരുടെ മകനായ വേദുവെന്ന വര്‍ധാനും ആരാധകരേറെയാണ്. പ്രിയ മോഹന്റെ അടുത്ത സുഹൃത്തായ നിലു ഷെരീഫിന്റെ പിറന്നാളായിരുന്നു ചൊവ്വാഴ്ച. ആശംസ നേര്‍ന്ന് പൂര്‍ണിമയും ഇന്ദ്രജിത്തുമെല്ലാം എത്തിയിരുന്നു.

Also Read: റിമിക്കായി മുക്തയുടെ സമ്മാനം! പിറന്നാള്‍ കേക്കിനൊപ്പം കവിളിലൊരുമ്മയും! ചിത്രം വൈറല്‍

ഹാപ്പി ബര്‍ത്ത്‌ഡേ സുന്ദരീ, നിന്നോളം മധുരവും ക്രേസിയും തമാശയുമൊക്കെയുള്ള സുഹൃത്ത് വേറെയില്ല. എന്നും നീ സന്തോഷത്തോടെ ഇരിക്കട്ടെയെന്നായിരുന്നു പ്രിയ മോഹന്‍ പറഞ്ഞത്. ആശംസയ്‌ക്കൊപ്പം പോസ്റ്റ് ചെയ്ത ചിത്രങ്ങളായിരുന്നു ആരാധകര്‍ ശ്രദ്ധിച്ചത്. വേദുവിനെ ഗര്‍ഭിണിയായിരുന്ന സമയത്തുള്ള ചിത്രവും പ്രിയ മോഹന്‍ പോസ്റ്റ് ചെയ്തിരുന്നു. നിറവയറില്‍ ചുംബിക്കുന്ന നിലുവിന്റെ ഫോട്ടോയ്ക്ക് കീഴില്‍ നിരവധി പേരാണ് കമന്റുകളുമായെത്തിയിട്ടുള്ളത്. ലവ് യൂ ഡോള്‍ഫീയെന്ന് പറഞ്ഞായിരുന്നു നിലുവും എത്തിയത്.

Also Read: വിവാഹം കഴിഞ്ഞ് 13 ദിവസം, അപമാനിച്ചെന്ന പരാതിയുമായി നടി പൂനം പാണ്ഡേ രംഗത്ത്; ഭർത്താവ് അറസ്റ്റിൽ!

തനിക്കേറെ പ്രിയപ്പെട്ട നിലുമ്മയ്ക്ക് പിറന്നാളാശംസയെന്ന് പറഞ്ഞായിരുന്നു പൂര്‍ണിമ എത്തിയത്. നമ്മളുടെ സ്‌നേഹം പറയുന്ന വീഡിയോയും താന്‍ പോസ്റ്റ് ചെയ്തിട്ടുണ്ടെന്നും താരം കുറിച്ചിരുന്നു. റിമ കല്ലിങ്കല്‍, ശൃന്ദ, തുടങ്ങിയവരും ചിത്രത്തിന് കീഴില്‍ കമന്റുകളുമായെത്തിയിരുന്നു. എനിക്ക് നിന്നോടുള്ള സ്‌നേഹം പറഞ്ഞറിയിക്കാന്‍ വാക്കുകളില്ലെന്നായിരുന്നു നിലു പൂര്‍ണിമയോട് പറഞ്ഞത്.