അച്ഛന്റെ മരണം
ചെറുപ്രായത്തിലെ ഋതുവിന് അച്ഛനെ നഷ്ടമായിരുന്നു. ചെന്നൈയില് വെച്ചൊരു കാറപകടത്തിലായിരുന്നു അച്ഛന് മരിച്ചത്. രണ്ടു വയസ് പ്രായമായിരുന്നു എനിക്ക്. അച്ഛന്റെ ഓര്മ്മകളൊന്നുമില്ല, അമ്മ പറഞ്ഞത് മാത്രമേയുള്ളൂ. അവിടെയൊരു വെള്ളപ്പൊക്കം വന്നപ്പോള് അമ്മയുടെ കൈയ്യിലുണ്ടായിരുന്ന ആല്ബം നശിച്ച് പോയിരുന്നു. അനുവെന്നായിരുന്നു ആദ്യം പേരിട്ടതെങ്കിലും പിന്നീട് അമ്മയാണ് അത് ഋതു മന്ത്രയെന്നാക്കിയത്. ചെന്നൈയിലാണ് ജനിച്ചത്. എല്കെജിയും യുകെജിയുമൊക്കെ അവിടെയായിരുന്നു.
നിര്ബന്ധിക്കുന്നുണ്ട്
എനിക്ക് അമ്മയും അച്ഛനുമൊക്കെ അമ്മ തന്നെയാണ്. എന്റെ വണ്ടര്വുമണാണ് അമ്മ. ഭര്ത്താവിന്റെ മരണശേഷം രണ്ടാമതൊരു വിവാഹത്തിന് എല്ലാവരും നിര്ബന്ധിച്ചിരുന്നു. ഇപ്പോള് മോള് അതിന് നിര്ബന്ധിക്കുന്നുണ്ട്. എനിക്കൊരു പെണ്കുട്ടിയല്ലേ, ഇനിയൊരു വിവാഹം വേണ്ടെന്നായിരുന്നു അന്ന് പറഞ്ഞത്. ചെന്നൈയില് ചെറിയ ജോലികളൊക്കെ ചെയ്താണ് കഴിഞ്ഞത്. ഋതുവിനെ കണ്ണൂരിലേക്ക് അയച്ചിരുന്നു. ഒന്നാം ക്ലാസ് മുതല് കണ്ണൂരിലായിരുന്നു ഋതു.
ഉത്തരവാദിത്തമാണ്
അമ്മാ, എനിക്കൊരു ആഗ്രഹമില്ലേ, അമ്മ കല്യാണം കഴിച്ച് ജീവിക്കുന്നത് കാണാന്. നീയൊരു സ്ഥലത്തെത്തിയിട്ട് വേണം അതെന്ന് അമ്മ പണ്ട് പറയുമായിരുന്നു. അമ്മ ആഗ്രഹിക്കുന്ന സ്ഥലത്തേക്ക് ഞാനെത്തിയെന്നാണ് കരുതുന്നത്. അമ്മയ്ക്ക് ഇപ്പോള് എന്നെക്കുറിച്ച് അഭിമാനമാണ്. ഇപ്പോ എന്റെ ഉത്തരവാദിത്തമാണ് അമ്മയുടെ വിവാഹം. ആളെ റെഡിയാക്കാമെന്ന് പറഞ്ഞിട്ടും അമ്മ സമ്മതിക്കുന്നില്ല. അങ്ങനെ നീ സുഖിച്ച് നടക്കണ്ടെന്നാണ് അമ്മ പറയുന്നത്.
ജീവിച്ചത്
അമ്മ യെസ് പറയാത്തതിനാല് ആരേയും കണ്ടുവെച്ചിട്ടൊന്നുമില്ല. നമ്മള് കണ്ടുപിടിച്ച് കഴിഞ്ഞ് നീ കെട്ടിക്കോ എന്ന് അമ്മ പറഞ്ഞാല് തീര്ന്നില്ലേ, ചെലവ് കാശൊക്കെ ഞാന് എങ്ങനെയെങ്കിലും ഉണ്ടാക്കും. അമ്മയുടെ കല്യാണത്തിന് ഉപ്പ് വിളമ്പുകയെന്ന ആഗ്രഹമൊക്കെയുണ്ട്. ഇത്രയും നാള് അമ്മ എനിക്ക് വേണ്ടിയാണ് ജീവിച്ചത്. ഓര്മ്മവെച്ച നാള് മുതല് അമ്മ അമ്മയ്ക്ക് വേണ്ടി ഒന്നും വാങ്ങിച്ച് കണ്ടിട്ടില്ല. ഒത്തിരി ത്യാഗങ്ങള് അമ്മ ചെയ്തിട്ടുണ്ട്.
അമ്മയ്ക്ക് വേണ്ടി
ഇനി അമ്മ അമ്മയ്ക്ക് വേണ്ടി ജീവിക്കണം. കുട്ടികള് എന്ന് പറഞ്ഞ് ജീവിച്ച് അവര് കൂടെയില്ലാണ്ടായാല് എന്ത് ചെയ്യും. ഞാനെപ്പോഴും എന്റെ അമ്മയ്ക്കൊപ്പമുണ്ട്. ഇനിയും അങ്ങനെ തന്നെയുണ്ടാവും. അമ്മ കല്യാണം കഴിച്ച് കാണാനാണ് ഞാന് ആഗ്രഹിക്കുന്നത്. ഇനിയൊരു വിവാഹം വേണ്ടെന്നായിരുന്നു ഋതുവിന്റെ അമ്മ റെജി മാത്യു പ്രതികരിച്ചത്.