'ജീനിയസ് പുലി'യോ മറ്റു പുലി വിഭാഗങ്ങളിലോ ഉള്ള ആളല്ല'; സംഗീതയുടെ മാസ് മറുപടി!

ഒട്ടനവധി പരമ്പരകളിലൂടെ മലയാളികളുടെ സ്വീകരണ മുറിയിലെ താരമായ ആളാണ് സംഗീത മോഹൻ. താരം ഇപ്പോൾ അഭിനയം ഒക്കെ മാറ്റിവച്ചു കഥ എഴുതുന്ന തിരക്കിലാണ്. മലയാളത്തിലെ സൂപ്പർഹിറ്റ് സീരിയലുകൾ പിറന്നത് സംഗീതയുടെ പേനാ തുമ്പിൽ നിന്നുമായിരുന്നു. അഭിനയത്തിൽ സജീവം അല്ലെങ്കിലും സോഷ്യൽ മീഡിയയിൽ സജീവമായ താരത്തിന്റെ ഒരു മറുപടിയാണ് ശ്രദ്ധ നേടുന്നത്.

ALSO READ: 'സൂക്ഷിച്ച് നോക്കണ്ടുണ്ണീ, ഇത് പഴയ ആ മുത്തശ്ശിയേ അല്ല', ഇത് സൂപ്പർ സ്റ്റെലിഷ് രാജിനി!
താരം കഴിഞ്ഞ ദിവസം പങ്ക് വച്ച ഒരു ചിത്രമാണ് ആരാധകർ ഏറ്റെടുത്തത്. ഒരു മഴ ചിത്രം ആണ് സംഗീത പങ്ക് വച്ചത്. ഇതിനൊക്കെ ഭയങ്കര അർത്ഥം ഉണ്ട് അല്ലെ, എന്ന് ഒരാൾ ചോദിക്കുമ്പോൾ ഉണ്ടോ എന്ന് സംഗീത മറുപടി പറയുന്നതും ചേച്ചിയെ പോലുള്ള ജീനിയസ് പുലികൾ അറിയാതെ വിരൽ കൊണ്ട് ക്ലിക്കിയ പിക് പോലും ഭയങ്കര അർത്ഥം കാണുന്ന സാധാരണക്കാരല്ലേ ഞങ്ങൾ.. ഓം ഗുരുഭ്യോ നമ എന്ന് ലഭിച്ച മറുപടി കമന്റും ആണ് ശ്രദ്ധിക്കപ്പെട്ടത്.

ഇതിനുള്ള മറുപടിയാണ് സംഗീത നൽകിയത്

സംഗീത നൽകിയ മറുപടി വായിക്കാം!

'ഒന്നാമത് ഞാൻ 'ജീനിയസ് പുലി'യോ മറ്റു പുലി വിഭാഗങ്ങളിലോ ഉള്ള ആളല്ല. രണ്ട്, അങ്ങനെ മനുഷ്യരെ വേർതിരിച്ച് കാണുന്നത് തന്നെ ആ കാണുന്നവരുടെ മാത്രം പ്രശ്നമാണ് എന്നാണ് എൻ്റെ ഒരു ഇത്. ഞാനാരേയും അങ്ങനെ കാറ്റഗറൈസ് ചെയ്യാറില്ല. ഒരു മഴ ചിത്രം എടുത്ത് പോസ്റ്റിയതിൻ്റെ പേരിൽ ഇത്രേം കോംപ്ലിക്കേഷൻസ് ആവശ്യമുണ്ടെന്നും തോന്നുന്നില്ല' എന്നായിരുന്നു സംഗീതയുടെ മറുപടി.

ALSO READ: അഞ്ജലിക്ക് ശബ്ദം നൽകുന്നത് പാർവതി; പകുതി ക്രെഡിറ്റ് പാർവതിക്ക് ഉള്ളതെന്ന് ഗോപിക!

അഭിനയത്തിൽ ഉണ്ടായ ആവർത്തന വിരസത മൂലമാണ് സംഗീത ഇപ്പോൾ തിരക്കഥയിൽ കൂടുതൽ ശ്രദ്ധിക്കുന്നത്. ആത്മസഖി ഹിറ്റായതോടെയാണ് തിരക്കഥാകൃത്ത് എന്ന നിലയിലുള്ള താരത്തിന്റെ ആത്മവിശ്വാസം വർദ്ധിച്ചത്. ഇപ്പോൾ ഹിറ്റായി പൊയ്കൊണ്ടിരിക്കുന്ന സീതാ കല്യാണത്തിന്റെ തിരകഥ ഒരുക്കുന്നത് സംഗീതയാണ്. വീണ്ടും തിരക്കഥ എഴുതുന്ന തിരക്കിൽ ആണ് താനെന്നും സംഗീത അടുത്തിടെ വ്യക്തമാക്കിയിരുന്നു.