ആപ്പ്ജില്ല

ഡിസ്‌ലൈക്ക് ചെയ്യുന്നവരും പ്രാര്ഥിക്കണമെന്ന് അമ്മ: പേടിക്കണ്ട അമ്മേ ശരണ്യ വീണ്ടും തിരിച്ചുവരും: ധൈര്യം പകർന്ന് ആയിരങ്ങൾ!

എല്ലാവരും കാണണം കാണണം എന്ന് അവൾ പറഞ്ഞതും ഇതൊക്കെ മുന്കൂട്ടികണ്ടിട്ടാണ്‌. കാരണം ഒരു സബ്സ്ക്രൈബർ എങ്കിലും കൂടിയാൽ അത്രയും ആയല്ലോ. വരവും ചിലവും കൂട്ടിയും കിഴിച്ചും നോക്കിയാലും ചിലവാണ് മുൻപിൽ നിക്കുന്നതെന്നും ശരണ്യയുടെ അമ്മ!!

Samayam Malayalam 9 Aug 2021, 4:12 pm
സോഷ്യൽ മീഡിയയ്ക്ക് ഏറെ പ്രിയപ്പെട്ടവൾ ആണ് നടി ശരണ്യ ശശി.അർബുദത്തെ പലതവണ തോൽപ്പിച്ചെത്തിയ മിടുക്കിപെണ്ണ് എന്നാണ് ശരണ്യയെകുറിച്ച് സോഷ്യൽ മീഡിയക്ക് പറയാനുള്ളത്.
Samayam Malayalam saranya sasi


എല്ലാ പ്രതിസന്ധികളെയും മറികടന്ന് പഴയ സുന്ദരിക്കുട്ടിയായി വീണ്ടുമെത്തി സോഷ്യൽ മീഡിയകളിൽ ശരണ്യ സജീവമായി മാറുന്നതിനിടയിൽ ആണ് വീണ്ടും ശരണ്യയുടെ ജീവിതത്തിൽ ഒരു സങ്കടകരമായ വാർത്തകൂടി എത്തുന്നത്.

ALSO READ: മധുരിമക്ക് കല്യാണം; ആശംസയുമായി ദേവയും; ചോദ്യങ്ങളുമായി പ്രേക്ഷകരും!
സിറ്റി ലൈറ്റ്സ് എന്ന ശരണ്യയുടെ യൂ ട്യൂബ് ചാനലിലൂടെ ശരണ്യയുടെ അമ്മയാണ് വീഡിയോയുമായി എത്തിയത്. ശരണ്യ വീണ്ടും കിടപ്പിലാണ് എല്ലാവരും പ്രാർത്ഥിക്കണമെന്നാണ് ശരണ്യയുടെ അമ്മ പറയുന്നത്.

‘വിഡിയോയിൽ ശരണ്യയില്ല... അവൾ കൂടെയില്ല, പക്ഷേ അവളുടെ പ്രിയപ്പെട്ട കുട്ടൂസൻ എന്റെ കൂടെയുണ്ട്. അവൾക്ക് വീണ്ടും വയ്യാതെയായി, കിടക്കുവാണ്. ആരോഗ്യത്തിന് നല്ല പ്രശ്നമുണ്ട് എന്ന് പറഞ്ഞുതുടങ്ങുന്ന വീഡിയോ ആണ് ഇപ്പോൾ പ്രേക്ഷക ലക്ഷങ്ങൾ ഏറ്റെടുത്തിരിക്കുന്നത്.

അവൾക്ക് വീണ്ടും ട്യൂമർ വന്നു എന്ന് കഴിഞ്ഞ വര്ഷം നവംബർ 28 നു തന്നെ അറിഞ്ഞിരുന്നു. അപ്പോൾ തന്നെ സർജറി ചെയ്യാതിരുന്നത് ട്യൂമർ കുറച്ചുകൂടി വളരട്ടെ എന്ന് ഡോകടർ പറഞ്ഞിരുന്നു. കാരണം അവളുടെ അങ്ങിനെയൊരു അസുഖം ആണ്. ബുദ്ധിമുട്ട് ഒന്നും ഇല്ലെങ്കിൽ മാക്സിമം മുൻപോട്ട് പോയ ശേഷം സർജറി ചെയ്യാം എന്നായിരിന്നു ഡോക്ടർമാർ പറഞ്ഞത്. എന്നാൽ ഇപ്പോൾ തീരെ വയ്യാതായിരിക്കുന്നു. അതുകൊണ്ടുതന്നെ ഓപ്പറേഷൻ ചെയ്യാൻ വേണ്ടി പോവുകയാണ്.

ALSO READ: പ്രിയ ഗായിക ഇനി സൂരജിന് സ്വന്തം; വിവാഹനിശ്ചയം കഴിഞ്ഞതായി കീർത്തന!
പീസ് വാലിയിൽ നിന്നും അസുഖം ഒക്കെ ഭേദമായി വന്നപ്പോൾ അസുഖം ഇനി വരില്ല, പൂർണമായി വിട്ടുപോയി എന്ന സന്തോഷമായിരുന്നു അവൾക്ക്. പക്ഷേ വീണ്ടും വന്നപ്പോൾ വല്ലാത്ത അവസ്ഥയായി വീഡിയോ അവതരിപ്പിക്കുമ്പോൾ ചില അവസരങ്ങളിൽ തീരെ വയ്യാതിരുന്നു എന്നും ശരണ്യയുടെ അമ്മ പറയുന്നു. വീഡിയോയ്ക്ക് ഡിസ്‌ലൈക്ക് ചെയ്താലും സാരമില്ല പ്രാർത്ഥിച്ചാൽ മാത്രം മതിയെന്നും അമ്മ വ്യക്തമാക്കി.

ദൈവം നേരിട്ട് ആ ഡോക്റുടെ കൈകളിൽ പ്രവർത്തിച്ചു എന്റെ കുഞ്ഞുപൂര്ണ സുഖം പ്രാപിച്ചു വരണമെന്നാണ് ആഗ്രഹവും പ്രാര്ഥനയെന്നും, എനിക്ക് അത് മാത്രമേ പറയാനുള്ളൂ എന്നും വീഡിയോയിലൂടെ ശരണ്യയുടെ അമ്മ പറഞ്ഞു.

ആര്‍ട്ടിക്കിള്‍ ഷോ