വക്കീൽ ജോലിക്കൊപ്പം അഭിനയവും! ഉപ്പും മുളകിൽ മുടിയന്റെ ഭാര്യയായെത്തിയ ശൈത്യ സന്തോഷ് ആള് നിസാരക്കാരിയല്ല! കരിയറിൽ ബ്രേക്കെടുത്തതിനെക്കുറിച്ച് താരം പറഞ്ഞത്?

ഉപ്പും മുളകില്‍ മുടിയന്റെ സ്വപ്‌നത്തിലെ ഭാര്യയായിട്ടും പാറമട വീട്ടില്‍ തേയില വില്‍പ്പനക്കാരിയായും ശൈത്യ എത്തിയിരുന്നു. ഇപ്പോ ഹൈക്കോടതിയില്‍ പ്രാക്ടീസ് ചെയ്ത് വരുന്നതിനാല്‍ അഭിനയത്തില്‍ അത്ര സജീവമല്ല. അഭിനയവും വക്കീല്‍ ജോലിയും ഒന്നിച്ച് കൊണ്ടുപോവണമെന്നാണ് ആഗ്രഹം. അഭിനയം ആഗ്രഹമാണ്. മറ്റേത് ജോലിയാണെന്നുമായിരുന്നു ശൈത്യ പറഞ്ഞത്. അമ്മ പറഞ്ഞത് പോലെ തന്നെയാണല്ലോ മകളും പറഞ്ഞതെന്നായിരുന്നു ശ്രീകണ്ഠന്‍ നായരുടെ കമന്റ്.

ശൈത്യയുടെ അമ്മയായ ഷീന സന്തോഷ് പാല്‍തൂ ജാന്‍ എന്ന ചിത്രത്തില്‍ അഭിനയിച്ചിരുന്നു. ഇന്ദ്രന്‍സേട്ടന്റെ ഭാര്യയായി അഭിനയിക്കാനാണ് ആദ്യം അവസരം ലഭിച്ചത്. അക്കാര്യത്തില്‍ എനിക്ക് സന്തോഷമുണ്ട്. ഇനിയുള്ള ചിത്രങ്ങളിലേക്ക് പരിഗണിക്കാമെന്ന് ചിലരൊക്കെ പറഞ്ഞിരുന്നുവെന്നുമായിരുന്നു അമ്മ പറഞ്ഞത്. പ്രണയിക്കുന്നതില്‍ തെറ്റില്ലെന്നും ചെറുപ്രായത്തിലേ തന്നെ വിവാഹിതരാവുന്നതിനോട് തനിക്കൊരിക്കലും യോജിക്കാനാവില്ലെന്നും ഷീന പറഞ്ഞിരുന്നു.

കോമഡി കഥാപാത്രങ്ങള്‍ ചെയ്യുന്നതിനാല്‍ ശൈത്യയ്ക്ക് അവസരം കിട്ടുന്നത് കുറവാണെന്നും ഷീന പറഞ്ഞിരുന്നു. ഓഡീഷന്‍ കഴിയുമ്പോള്‍ കോമഡി ക്യാരക്ടര്‍ ചെയ്യുന്നയാളായതിനാല്‍ ഇത് ചെയ്യാനാവുമോയെന്ന് തോന്നുന്നില്ലെന്നാണ് പലരും പറയാറുള്ളത്. കോമഡി തന്നെയേ ചെയ്യൂയെന്നൊന്നുമില്ല. ഏത് തരം ക്യാരക്ടര്‍ വേണമെങ്കിലും ചെയ്യാനാവുമെന്നും അമ്മയും മകളും പറഞ്ഞിരുന്നു.

നാലാം ക്ലാസില് പഠിച്ചിരുന്ന സമയത്ത് അരങ്ങേറ്റത്തിനായി ഗുരുവായൂരിലേക്ക് പോയിരുന്നു. ആ സമയത്തായിരുന്നു ഷീനയും സന്തോഷും ഒന്നൂടെ വിവാഹിതരായത്. നേരത്തെയുള്ള കല്യാണം പെട്ടെന്ന് നടത്തിയതിനാല്‍ എപ്പോഴെങ്കിലും ഗുരുവായൂരില്‍ വെച്ച് വിവാഹിതരാവണം എന്നാഗ്രഹിച്ചിരുന്നു. അങ്ങനെയാണ് അന്നത് നടത്തിയതെന്നും ഷീന വ്യക്തമാക്കിയിരുന്നു.