ഞാനും മിട്ടുവും! കുഞ്ഞ് വരും മുൻപേ അമ്മ പേരിട്ടു! താര കല്യാണിന്റെ സമ്മാനത്തെക്കുറിച്ച് സൗഭാഗ്യ വെങ്കിടേഷ്! മകൾക്കായി അമ്മ നൽകിയ സർപ്രൈസിന് കൈയ്യടിച്ച് താരങ്ങളും!

സൗഭാഗ്യയുടെ അമ്മയായ താര കല്യാണ്‍ പ്രേക്ഷകര്‍ക്ക് സുപരിചിതയാണ്. അഭിനയവും നൃത്തവുമൊക്കെയായി സജീവമാണ് താരം. ചെമ്പരത്തി സീരിയലില്‍ അഖലിലാണ്ഡേശ്വരിയായി തിളങ്ങുകയാണ് താര കല്യാണ്‍. അഭിനയത്തിനും ഡാന്‍സിനും പുറമെ ചിത്രംവരയിലും കഴിവ് തെളിയിച്ചിരിക്കുകയാണ് താര. അമ്മ സമ്മാനിച്ച ക്യൂട്ട് ചിത്രത്തിന്റെ വിശേഷം ഇന്‍സ്റ്റഗ്രാമിലൂടെയാണ് സൗഭാഗ്യ പങ്കുവെച്ചത്.

ഞാനും മിട്ടുവുമാണ് ഇതെന്നാണ് അമ്മ പറഞ്ഞത്. ജനിക്കും മുന്‍പേ തന്നെ കുഞ്ഞതിഥിക്ക് പേരിട്ടിരിക്കുകയാണ് താര. ഈ ഫോട്ടോ എനിക്ക് പോസ്റ്റ് ചെയ്യാതിരിക്കാന്‍ കഴിയുന്നില്ലെന്ന് പറഞ്ഞായിരുന്നു സൗഭാഗ്യ ചിത്രവും കുറിപ്പും പോസ്റ്റ് ചെയ്തത്. അമ്മയെ ടാഗ് ചെയ്തായിരുന്നു ഫോട്ടോ പോസ്റ്റ് ചെയ്തത്. അമ്മയുടെ മടിയിരിക്കുന്ന കുഞ്ഞിന്റെ ചിത്രമായിരുന്നു താര സൗഭാഗ്യക്കായി സമ്മാനിച്ചത്.

യെസ്, ഞാന്‍ അത് ചെയ്തു മകളേയെന്നായിരുന്നു പോസ്റ്റിന് കീഴിലായി താര കല്യാണ്‍ കമന്റിട്ടത്. താരങ്ങളും ആരാധകരുമുള്‍പ്പടെ നിരവധി പേരാണ് ചിത്രത്തിന് കീഴില്‍ കമന്റുകളുമായെത്തിയത്. അശ്വതി ശ്രീകാന്ത്, സ്‌നേഹ ശ്രീകുമാര്‍, മുക്ത ഇവരെല്ലാം കമന്റുമായെത്തിയിട്ടുണ്ട്. സോ ക്യൂട്ട്, ഞങ്ങളം കുഞ്ഞതിഥിയെ കാണാനായി കാത്തിരിക്കുകയാണെന്നായിരുന്നു ആരാധകര്‍ പറഞ്ഞത്.

ഏറ്റവും സന്തോഷിക്കേണ്ട സമയത്തായിരുന്നു കുടുംബത്തിലെ രണ്ട് പേരിടെ വിയോഗം. അര്‍ജുന്റെ അച്ഛനും സഹോദരഭാര്യയും അടുത്തിടെയായിരുന്നു വിടവാങ്ങിയത്. സൗഭാഗ്യ ഗര്‍ഭിണിയായതിനാല്‍ സുരക്ഷയെക്കരുതി വേറെ വീട്ടിലേക്ക് മാറാനായി പറഞ്ഞത് ചേട്ടത്തിയമ്മയായിരുന്നുവെന്ന് അര്‍ജുന്‍ പറഞ്ഞിരുന്നു. പ്രിയപ്പെട്ടവരുടെ സ്‌നേഹവും പിന്തുണയും വലിയ ശക്തിയാണെന്നും അതോര്‍ത്താണ് മുന്നോട്ട് പോവുന്നതെന്നും അര്‍ജുനും സൗഭാഗ്യയും പറഞ്ഞിരുന്നു.

ഗര്‍ഭിണിയാണെന്നറിഞ്ഞപ്പോള്‍ നായകളുമായി അധികം സമ്പര്‍ക്കം വേണ്ടെന്നായിരുന്നു ഡോക്ടര്‍ ഉപദേശിച്ചത്. അവരില്ലാതെ പറ്റില്ലെന്നായിരുന്നു സൗഭാഗ്യയുടെ മറുപടി. ഒരു നായയെ കൂടി വേണമെന്ന് സൗഭാഗ്യ പറഞ്ഞതോടെയാണ് കുഞ്ഞതിഥിക്ക് മുന്‍പേ വീട്ടിലേക്ക് മറ്റൊരു അതിഥി എത്തിയതെന്ന് സൗഭാഗ്യയും അര്‍ജുനും പറഞ്ഞിരുന്നു. സമയം മലയാളത്തിന് നല്‍കിയ അഭിമുഖത്തിലായിരുന്നു ഇരുവരും പുതിയ വിശേഷങ്ങള്‍ പങ്കുവെച്ചത്.