കാവ്യയും പത്മിനിയും കൂടെ ഹരിതയും! ടെലിവിഷനിലെ പ്രിയനായികമാര്‍ ഒരുമിച്ചപ്പോള്‍! സെല്‍ഫി ചിത്രം വൈറല്‍

ടെലിവിഷന്‍ പ്രേക്ഷകരുടെ പ്രിയനായികമാരുടെ പുതിയ സെല്‍ഫി വൈറലായിക്കൊണ്ടിരിക്കുകയാണ്. ജനപ്രിയ ഹാസ്യ പരിപാടിയായ കോമഡി സ്റ്റാര്‍സിലേക്കായിരുന്നു പ്രിയനായികമാര്‍ ഒരുമിച്ചെത്തിയത്. ഭ്രമണത്തിലൂടെ ശ്രദ്ധ നേടിയ സ്വാതി നിത്യാനന്ദായിരുന്നു ഈ വിശേഷം പങ്കുവെച്ചെത്തിയത്. റെബ്ബുവിനും സുചി ചേച്ചിക്കുമൊപ്പമായാണ് കോമഡി സ്റ്റാര്‍സില്‍ പങ്കെടുത്തത്. ഞങ്ങളെല്ലാം ഒരുപാട് ആസ്വദിച്ച നിമിഷങ്ങളായിരുന്നു അതെന്നും സ്വാതി കുറിച്ചിരുന്നു.

Also Read: മിണ്ടാട്ടം മുട്ടി ലക്ഷ്മി പ്രമോദ്; സീരിയലിൽ നിന്നും പറഞ്ഞു വിട്ടതായി ചർച്ച; കൂട്ടതെറിവിളിയുമായി സോഷ്യൽ മീഡിയ!

ഭ്രമണമെന്ന പരമ്പരയില്‍ ഹരിതയെന്ന നായികയെ അവതരിപ്പിച്ചതോടെയായിരുന്നു സ്വാതിയെ പ്രേക്ഷകര്‍ തിരിച്ചറിഞ്ഞത്. ലോക് ഡൗണ്‍ സമയത്തായിരുന്നു സ്വാതിയും പ്രതീഷും വിവാഹിതരായത്. വിവാഹവുമായി ബന്ധപ്പെട്ട് വിമര്‍ശനങ്ങള്‍ ഉന്നയിച്ചവര്‍ക്ക് ചുട്ടമറുപടി നല്‍കിയും താരമെത്തിയിരുന്നു. ഭ്രമണത്തിന് ശേഷമുള്ള പുതിയ പരമ്പര വൈകാതെ എത്തുമെന്നും സ്വാതി പറഞ്ഞിരുന്നു. കസ്തൂരിമാനിലേയും വാമ്പാടിയിലേയും താരങ്ങളായ റെബേക്ക സന്തോഷ്, ഗൗരി കൃഷ്ണ, സുചിത്ര നായര്‍ ഇവര്‍ക്കൊപ്പമുള്ള ചിത്രങ്ങളാണ് സ്വാതി നിത്യാനന്ദ് പങ്കുവെച്ചിട്ടുള്ളത്.

Also Read: അവസാനം ഞാൻ പഠിച്ചു എങ്ങയൊണ് സ്ട്രോങ്ങ് ആകേണ്ടതെന്ന്

പ്രിയനായികമാരുടെ സെല്‍ഫി ചിത്രത്തിന് കീഴില്‍ കമന്റുകളുമായി ആരാധകരും എത്തിയിട്ടുണ്ട്. റേറ്റിംഗില്‍ ഏറെ മുന്നിലുള്ള പരമ്പരകളാണ് വാനമ്പാടിയും കസ്തൂരിമാനും. വാനമ്പാടി ക്ലൈമാക്‌സിലേക്ക് കടന്നിരിക്കുകയാണ്, ഉദ്വേഗഭരിതമായ മുഹൂര്‍ത്തങ്ങളിലൂടെയാണ് കസ്തൂരിമാന്‍ മുന്നേറുന്നത്. കുട്ടായെന്ന് വിളിച്ചായിരുന്നു റെബേക്ക സന്തോഷ് എത്തിയത്. പ്രിയനായികമാരുടെ സെല്‍ഫി വിശേഷത്തിന് പിന്നാലെയാണ് ആരാധകരും. വാനമ്പാടിയിലെ അനുമോളായ ഗൗരിക്കൊപ്പമുള്ള ഫോട്ടോയും സ്വാതി പോസ്റ്റ് ചെയ്തിട്ടുണ്ട്.