വിവാഹം മാറ്റി വച്ചു; വീണ്ടും കൈയ്യടി വാങ്ങി ഉത്തര!

പ്രമുഖ നടി ഊർമ്മിള ഉണ്ണിയുടെ മകൾ ഉത്തര ഉണ്ണിയുടെ വിവാഹം മാറ്റി വച്ചു. ഏപ്രിൽ അഞ്ചിന് വിവാഹം നടക്കും എന്നായിരുന്നു മുൻപ് അറിയിച്ചത്. വിവാഹത്തിന് ചടങ്ങുകൾ മാത്രമേ ഉണ്ടാകൂ എന്നും, മുമ്പ് ആർഭാടമായി ചടങ്ങുകൾ ഒന്നും ഉണ്ടാകില്ല എന്നും താരം മുൻപ് വ്യക്തമാക്കിയിരുന്നു. എന്നാൽ ഇപ്പോൾ പ്രമുഖ മാധ്യമത്തിന് നൽകിയ അഭിമുഖത്തിലൂടെയാണ് താരം വിവാഹം മാറ്റിയ കാര്യവും പുതുക്കിയ തീയതിയും പ്രഖ്യാപിച്ചത്.

കഴിഞ്ഞ കുറച്ചു മാസങ്ങൾക്ക് മുമ്പായിരുന്നു താരത്തിന്റെ വിവാഹ നിശ്ചയം. വളരെ ലളിതമായ ചടങ്ങിൽ വീട്ടുകാരുടെ സാന്നിധ്യത്തിൽ നിതേഷ് ചിലങ്ക കാലിൽ അണിച്ചു കൊണ്ടായിരുന്നു വിവാഹാഭ്യർഥന നടത്തിയത്. ഈ ചിത്രങ്ങൾ സോഷ്യൽ മീഡിയയിൽ വൈറൽ ആയിരുന്നു.

വിവാഹത്തിനായുള്ള ഒരുക്കത്തിലായിരുന്നു പിന്നീട് ഇരു കുടുംബങ്ങളും. എന്നാൽ കൊറോണ കേരളത്തിലും വ്യാപിച്ചതോടെ, ലളിതമായ ചടങ്ങുകളിൽ ആകും വിവാഹം നടത്തുകയെന്നും, ബാക്കി ആഘോഷങ്ങൾ പിന്നീടായിരിക്കുമെന്നും ഉത്തര തന്നെ ഇൻസ്റാഗ്രാമിലൂടെ അറിയിച്ചിരുന്നു. എന്നാൽ ഇപ്പോൾ വിവാഹം തന്നെ മാറ്റി വച്ചിരിക്കുകയാണ് താരകുടുംബം.

ALSO READ: ചിന്നുവിനെ തിരികെയേൽപ്പിച്ച് ബിഗ്ബോസ്; ഏഷ്യാനെറ്റിന് നന്ദി പറഞ്ഞ് രജിത്ത്: വീഡിയോ!

ആഗസ്റ്റിൽ വിവാഹമുണ്ടാകുമെന്നാണ് താരം ഇപ്പോൾ വ്യക്തമാക്കിയിരിക്കുന്നത്. കൊച്ചിയിൽ വച്ചാകും വെച്ചാകും വിവാഹം നടക്കുകയെന്നും ഉത്തര അറിയിച്ചതായി ഫില്മി ബീറ്റ് റിപ്പോർട്ട് ചെയുന്നു.