ഇപ്പം ഇങ്ങനെ പറയാൻ കാരണം ഒന്നുമില്ല; പറയാൻ തോന്നി പറഞ്ഞു; നിലപാട് വ്യക്തമാക്കി വീണ!

സോഷ്യൽ മീഡിയാ പോസ്റ്റുകളിലൂടെ ആരാധകരുടെ മുഴുവൻ ശ്രദ്ധയും പിടിച്ചുവാങ്ങുകയാണ് വീണ നായർ. ടിക് ടോക്ക് വിശേഷങ്ങൾക്ക് പുറമെ വീണ പങ്ക് വയ്ക്കുന്ന കുടുംബവിശേഷങ്ങൾക്കും ആരാധകർ മികച്ച രീതിയിൽ ആണ് പ്രതികരിക്കുക.

നീണ്ട നാളുകൾക്ക് ശേഷം വീട്ടിൽ നിന്നും പുറത്തിറങ്ങിയ വിശേഷവും കഴിഞ്ഞ ദിവസം താരം പങ്ക് വച്ചിരുന്നു. നൃത്തത്തിനും പാട്ടിനും പുറമെ തന്നിൽ ഒരു എഴുത്തുകാരി കൂടി ഒളിഞ്ഞിരിക്കുന്നുവെന്നാണ് വീണയുടെ അടുത്തിടെയായുള്ള പോസ്റ്റുകൾ സൂചിപ്പിക്കുന്നത്.

"മറ്റുള്ളവർ എന്ത് പറയുന്നു എന്നതിലല്ല.നമ്മൾ ചെയുന്ന പ്രവൃത്തിയിൽ നമ്മൾ സംതൃപ്തരാണോ അതിലാണ് കാര്യം...അറിഞ്ഞോ അറിയാതെയോ അത് ആർക്കും ദോഷം ആവരുതെന്നു മാത്രം... ഇപ്പം ഇങ്ങനെ പറയാൻ കാരണം ഒന്നുമില്ല. പറയാൻ തോന്നി പറഞ്ഞു... എന്റെ ഒരു സംതൃപ്തി... ഹിഹി", എന്ന ചിരിയോടെയാണ് സ്വന്തം ചിത്രത്തിന് ഒപ്പം വീണ പോസ്റ്റ് പങ്ക് വച്ചത്.

ALSO READ: സിംപിൾ ആണ് പക്ഷേ പവർഫുള്ളാണ്; കുടുംബത്തിനൊപ്പം എലീന

കഴിഞ്ഞ ദിവസം കുട്ടിക്കാല ചിത്രം പങ്കിട്ടും വീണ രംഗത്ത് വന്നിരുന്നു. ജീവിതത്തിലെ ഏറ്റവും മനോഹരമായ ദിനങ്ങൾ, നമ്മുടെ ബാല്യം. തിരിച്ചു കിട്ടിയിരുന്നെങ്കിൽ ആ ദിവസങ്ങൾ. അച്ഛനും, അമ്മക്കും ചേട്ടനുമൊപ്പം വാശിപിടിച്ചു കളിച്ചു ചിരിച്ചുല്ലസിച്ചു നടന്നിരുന്ന ആ ദിനങ്ങൾ....ബാല്യത്തോളം മനോഹരമായ മറ്റൊന്നില്ല... വീണകുട്ടി എന്ന വിളി ഇപ്പഴും ചെവിയിൽ മുഴങ്ങുന്നു.... ഇനി ഒരിക്കലും കേൾക്കാൻ കഴിയില്ല എന്നുറപ്പുണ്ടെങ്കിലും അറിയാതെ ആഗ്രഹിക്കുന്നു അമ്മേടേയും അച്ഛന്റെയും ആ വിളി കേൾക്കാൻ എന്നായിരുന്നു ആപോസ്റ്റിൽ വീണ പറഞ്ഞത്.