മൃദുലയും യുവയും
യുവയായിരുന്നു പൂക്കളൊക്കെ വെച്ച് വീട് അലങ്കരിച്ചത്. അമ്മയാണ് നൂലുകെട്ടിനുള്ള തട്ട് റെഡിയാക്കിയത്. കരിവളയും ഇടംപിരിയും വലംപിരിയും വെറ്റിലയും കാല്‍ത്തളയും അരഞ്ഞാണവും ബ്രേസ് ലൈറ്റും വെറ്റിലയുമൊക്കെയായിരുന്നു തട്ടത്തിലുണ്ടായിരുന്നത്. മൃദുല കുഞ്ഞിനെ താലോലിക്കുമ്പോള്‍ അരുണായിരുന്നു വീഡിയോ പകര്‍ത്തിയത്.
യുവയുടെ വാക്കുകൾ
അരുണായിരുന്നു കുഞ്ഞിന് ഏലസും അരഞ്ഞാണവും കെട്ടിയത്. അമ്മൂമ്മയായിരുന്നു കരിവള അണിയിച്ചത്. വല്യച്ഛന്റെ വക വളയായിരുന്നു കുഞ്ഞുമാലാഖയ്ക്ക് ലഭിച്ചത്. യാമികയെന്നായിരുന്നു മകള്‍ക്ക് പേരിട്ടത്. കുറച്ച് റിലേറ്റീവ്‌സും വീട്ടിന് അടുത്തുള്ളവരുമാണ് ചടങ്ങിനായെത്തിയിട്ടുള്ളത്. വാവയ്ക്കും അച്ഛനും അമ്മയ്ക്കും ഐശ്വര്യമുണ്ടാവട്ടെയെന്നായിരുന്നു യുവ പറഞ്ഞത്.
സദ്യ കഴിക്കുമ്പോൾ
ചടങ്ങിന് ശേഷമായി കുടുംബസമേതമായി സദ്യ കഴിക്കുന്നതും വീഡിയോയില്‍ കാണിച്ചിരുന്നു. എന്തെങ്കിലും പ്രശ്നം വന്നാലോയെന്ന് കരുതി സൈഡിലായിരുന്നു മൃദുല ഇരുന്നത്. ആസ്വദിച്ച് സദ്യ കഴിക്കുകയായിരുന്നു മൃദുല. സദ്യ കഴിച്ചതിന് ശേഷം തളര്‍ന്നുപോയെന്നായിരുന്നു മൃദുല പറഞ്ഞത്. ഇനി റസ്റ്റിനുള്ള സമയമാണ്. യാമികക്കുട്ടിയുടെ സിംപിള്‍ നൂലുകെട്ട് ചടങ്ങ് എല്ലാവര്‍ക്കും ഇഷ്ടമായെന്ന് കരുതുന്നുവെന്നും ഇരുവരും പറഞ്ഞിരുന്നു.
നേരിൽ കണ്ട്
ആക്ച്വലി ഇത് ഞങ്ങള്‍ക്കൊരു എക്‌സ്പീരിയന്‍സാണ്. നമ്മുടെ ബേബി വരുന്ന സമയത്ത് ഇതേ പോലെയൊക്കെ ഉണ്ടാവില്ലേയെന്നായിരുന്നു മൃദുലയുടെ കമന്റ്. അതെ എല്ലാം നേരില്‍ കണ്ട് എക്‌സ്പീരിയന്‍സ് ചെയ്യാനുള്ള അവസരം അമ്മുവിന്റെ വീട്ടിലുണ്ട്. തൊട്ടുമുന്നെ അവര്‍ക്ക് എന്ത് സംഭവിക്കുന്നോ അത് കണ്ട് പഠിച്ചാല്‍ പിന്നെ നമുക്ക് എളുപ്പമായി. 6 മാസം കഴിഞ്ഞ് ഇത് തന്നെ നമ്മള്‍ ആവര്‍ത്തിക്കണം എല്ലാം എന്നായിരുന്നു ഇരുവരും പറഞ്ഞത്.