ശബരിയുടെ ഓർമ്മകളും, അവസാന യാത്രയും; വീഡിയോ പങ്ക് വച്ച് ആദിത്യൻ!

ശബരിനാഥിന്റെ മരണം നൽകിയ വേദനയിൽ ആണ് ഇപ്പോഴും സുഹൃത്തുക്കൾ. മരണം നടന്ന് ഒരാഴ്ച പിന്നിട്ടിട്ടും ശബരിനാഥിന്റെ ഓർമ്മകൾ സുഹൃത്തുക്കളും സഹപ്രവർത്തകരും പങ്ക് വയ്ക്കാറുണ്ട്. ഇപ്പോൾ നടൻ ആദിത്യൻ ജയൻ പങ്ക് വച്ച ഒരു വീഡിയോയും കുറിപ്പും ആണ് സമൂഹമാധ്യമങ്ങളിൽ നിറയുന്നത്. ഫേസ്ബുക്കിലൂടെയാണ് ആദിത്യൻ ശബരിയുടെ ഓർമ്മകളും അവസാന നിമിഷങ്ങളും ചേർത്തുവച്ചുകൊണ്ട് വീഡിയോ സെറ്റ് ചെയ്തിരിക്കുന്നത്.

ALSO READ: ഭാര്യമാർ ഒരുക്കിയ സർപ്രൈസ്; ബിഎംഡബ്ലൂ പുതിയ കാറും; 32 ലേക്ക് കടന്ന് ബഷീർ ബഷി!
"ഒരു ഇടവേളയിൽ ഭൂമി സന്ദർശിക്കാൻ വന്ന സഞ്ചാരിയെപ്പോലെ, എത്തിപ്പെട്ട ഇടങ്ങളിൽ സ്വയം അടയാളപ്പെടുത്തിക്കൊണ്ട് പുഞ്ചിരിക്കുന്ന മുഖവുമായി ആരോടും യാത്ര പറയാൻ നിൽക്കാതെ ശബരി ചേട്ടൻ മടങ്ങി. തിരിച്ചുവരവില്ലാത്ത പ്രിയസുഹൃത്തിനു ഈ വീഡിയോ സമർപ്പിക്കുന്നതിന് ഒപ്പം ആത്മാവിന് നിത്യശാന്തി നേരുന്നു", എന്നാണ് ആദിത്യൻ കുറിച്ചത്.

കഴിഞ്ഞദിവസം ആയിരുന്നു ശബരിനാഥിന്റെ സഞ്ചയനകർമ്മങ്ങൾ നടന്നത്. സഞ്ചയനത്തിന്റെ പത്രപരസ്യവും ഇപ്പോൾ സമൂഹമാധ്യമങ്ങളിൽ നിറയുന്നുണ്ട്.

ALSO READ: സഞ്ജു നിന്നെ ഓർത്ത് അഭിമാനം; മറക്കാനാവാത്ത ഇന്നിംഗ്‌സെന്ന് റിമി!
ഞങ്ങളുടെ എല്ലാമായിരുന്ന എന്റെ പ്രിയ ഭര്‍ത്താവ് ശബരിനാഥ് (മാനേജിങ്ങ് ഡയറക്ടര്‍ ഷിന്‍ഷിവ ആയുര്‍വ്വേദ റിസോര്‍ട്ട് ചൊവ്വര) സഹിക്കാനാകാത്ത ദുഖം സമ്മാനിച്ച് അകാലത്തില്‍ ഈ ലോകം വിട്ട് പോയിരിക്കുന്നു. കാലം നല്‍കിയ ഈ വേദന എങ്ങനെ മറിക്കടക്കണമെന്ന് അറിയില്ല. ആശ്വാസമുതിര്‍ത്ത ഓരോരുത്തര്‍ക്കും നന്ദി പറയുവാന്‍ മാത്രമേ കഴിയുന്നുള്ളൂ. ഈ ദുഖം തങ്ങളുടേതെന്ന് കരുതി ആശ്വാസം പകര്‍ന്നു തന്നെ എല്ലാവര്‍ക്കും നന്ദി! എന്നാണ് ശാന്തി നൽകിയ പരസ്യകുറിപ്പിൽ പറയുന്നത്.

വീഡിയോ കാണാം: