ഇനി മേഘന അല്ല; ഡോണിന്റെ ജീവിതസഖിയായി ഡിവൈൻ; ലളിതവിവാഹം!

രണ്ടാഴ്ചമുൻപാണ് ഡോൺ-മേഘന വിൻസെന്റ് വിവാഹ മോചനവാർത്ത പുറത്തുവരുന്നത്.എന്നാൽ ആദ്യ സമയങ്ങളിൽ ആരാധകർ ഉൾപ്പെടെ വിവാഹമോചന വാർത്ത വിശ്വസിച്ചിരുന്നില്ല. വ്യാജ വാർത്തകൾ ആകുമെന്നും ആകാനും ആരാധകർ ആഗ്രഹിച്ചിരുന്നു എന്ന് വേണം പറയാൻ.

രണ്ടുവർഷമായി പിരിഞ്ഞു താമസിക്കുന്ന ഡോണും മേഘ്നയും അടുത്തിടെയാണ് വിവാഹമോചിതരാകുന്നത്. ഇരുവരും വേർപിരിഞ്ഞ വാർത്ത പ്രചരിച്ചിരുന്നെങ്കിലും ഇരുവരും ആദ്യം ഇതിനോട് പ്രതികരിച്ചിരുന്നില്ല. പിന്നീട് ഡോൺ വിവാഹത്തിനൊരുങ്ങുകയാണ് എന്നും അടുത്തുതന്നെ ഡോണിന്റെ വിവാഹം ഉണ്ടാകുമെന്നും അടുത്ത ബന്ധുക്കൾ സൂചന നൽകി.

വിവാഹ മോചന വാർത്ത ശരിവയ്ക്കുന്ന പ്രതികരണമാണ് ഡോൺ നടത്തിയത്. ഞങ്ങള്‍ വിവാഹ മോചിതരായി എന്ന വാർത്ത സത്യമാണ്. 2019 ലാണ് നിയമപ്രകാരം പിരിഞ്ഞത്. ഇപ്പോള്‍ 8 മാസമായി. പരസ്പര സമ്മതത്തോടെ, പ്രശ്‌നങ്ങള്‍ പറഞ്ഞു തീര്‍ത്ത്, ഇനി മുതല്‍ രണ്ടു വഴിയില്‍ ആകും ഞങ്ങളുടെ സഞ്ചാരം എന്നും തീരുമാനിക്കുകയായിരുന്നു. 2018 മുതല്‍ തന്നെ പിരിഞ്ഞു താമസിക്കുകയാണ് അതിനു ശേഷമാണ് പിരിയുന്നതെന്നും ഡോൺ വ്യക്തമാക്കി.

വിവാഹമോചന വാർത്തയോട് ഇതേവരെ മേഘന പ്രതികരിച്ചിട്ടില്ല. പകരം മലയാളി പ്രേക്ഷകരുടെ മുൻപിലേക്ക് ഒരു യൂ ട്യൂബ് ചാനലുമായി മേഘന പ്രത്യക്ഷപെട്ടു. ചുരുങ്ങിയ സമയം കൊണ്ട് താരത്തിന്റെ ചാനലിന് മികച്ച പിന്തുണയാണ് ആരാധകർ നൽകിയതും.

മിനിസ്ക്രീൻ രംഗത്തെ സീനിയർ താരങ്ങളിൽ ഒരാളായ ജീജ സുരേന്ദ്രൻ ഉൾപ്പെടെയുള്ളവർ മേഘനയുടെ വിവാഹമോചന വാർത്തയിൽ പ്രതികരണവുമായി എത്തിയിരുന്നു. ഡിംപിളിനെയും, ഡോണിനെയും ചെറുപ്പം മുതൽ തന്നെ എനിക്ക് അറിയാവുന്നതാണ്. ഞങ്ങളുടെ കണ്മുൻപിൽ വളർന്ന കുട്ടികളാണ് അവർ. ഡോൺ നല്ല മോനാണ്. വെറും അഡ്ജസ്റ്റ്മെന്റുകൾ ചെയ്യാതെ വരുമ്പോളാണ് ബന്ധങ്ങൾ തകരുന്നത്. അഡ്ജസ്റ്മെന്റുകൾ ചെയ്‌താൽ തന്നെ പല ബന്ധങ്ങളും തകരാതെ തന്നെ മുൻപോട്ട് പോകും.ഇനി മേഘ്‌ന ആരെ വിവാഹം കഴിച്ചാലും ഡോണിനെ പോലെ ഒരാളെ കിട്ടില്ല. കാരണം അത്ര നല്ലൊരു വ്യക്തിയാണ് അവൻ. അവനെ പോലൊരു വ്യക്തിയെ കിട്ടിയാൽ തന്നെ അത് അവളുടെ ഭാഗ്യം എന്നായിരുന്നു ജീജ പ്രതികരിച്ചത്.

ചേട്ടന്റെ വിവാഹമോചനവർത്തയിൽ താൻ ആരോടും പ്രതികരിച്ചിട്ടില്ല എന്ന് പറഞ്ഞുകൊണ്ടാണ് ഡിംപിൾ രംഗത്ത് വന്നത്. വിവാഹമോചനത്തിന്റെ കാരണങ്ങളെക്കുറിച്ച് വ്യക്തമായി അറിയാം. ആ സൗഹൃദത്തെക്കുറിച്ച് തനിക്ക് പശ്ചാത്തപമൊന്നുമില്ലെന്നും ആണ് ഡിംപിള്‍ കമന്റ് ചെയ്തത്.

എല്ലാ ഊഹാപോഹങ്ങൾക്കും, വിവാദങ്ങൾക്കും ഒടുവിലാണ് ഇപ്പോൾ ഡോൺ വിവാഹിതനായി എന്ന വാർത്ത പുറത്തുവരുന്നത്. തൃശൂരിൽ വച്ചുനടന്ന ലളിതമായ വിവാഹ ചടങ്ങിൽ വച്ചാണ് ഡോൺ വിവാഹിതനായത്. കോട്ടയം സ്വദേശി ഡിവൈൻ ക്ലാരയാണ് ഡോണിന്റെ ജീവിതത്തിലേക്ക് കടന്നുവന്നത്. ലോക് ഡൌൺ നിയമങ്ങൾ പാലിച്ചായിരുന്നു ഇവരുടെ വിവാഹം നടന്നത്.