പുതിയ പ്രൊജക്ട്
കല്യാണി പങ്കുവച്ച ഒരു ഇന്‍സ്റ്റഗ്രാം പോസ്റ്റ് ആണ് ഈ ആവലാതിയ്ക്ക് കാരണം. തന്റെ പുതിയ തമിഴ് പ്രൊജക്ടിന്റെ പ്രമോ വീഡിയോ ആണ് ഐശ്വര്യ പങ്കുവച്ചിരിയ്ക്കുന്നത്. ഭാരതി ദാസന്‍ കോളനി എന്ന സീരിയല്‍ വിജയ് ടിവിയില്‍ ആണ് സംപ്രേക്ഷണം ചെയ്യുന്നത്. ഐശ്വര്യ ഒരുപാട് ആഗ്രഹിച്ച് കാത്തിരുന്ന പ്രൊജക്ട് ആണ് ഇത്.
മൗനരാഗത്തില്‍ നിന്നും പിന്മാറുമോ
മലയാളികളുടെ സ്വന്തം കല്യാണിയ്ക്ക് പുതിയൊരു തുടക്കം കൂടെ ലഭിച്ചതിലുള്ള സന്തോഷം ഉണ്ടെങ്കിലും മൗനരാഗത്തില്‍ നിന്നും പിന്മാറുമോ എന്ന ആശങ്കയിലാണ് ആരാധകര്‍. അങ്ങനെ ഒഴിവാക്കാന്‍ പറ്റാത്ത സാഹചര്യത്തില്‍ നടീ - നടന്മാര്‍ സീരിയലുകളില്‍ നിന്നും പിന്മാറിയ ചരിത്രം ഉണ്ടായിട്ടുണ്ട്. എന്ത് തന്നെയായാലും പുതിയ പ്രൊജക്ടിന് ആശംസ അറിയിക്കുവാന്‍ ആരാധകര്‍ മറന്നില്ല.
മൗനരാഗത്തിലെ കല്യാണി
ഊമയായി മലയാളി പ്രേക്ഷകരുടെ പ്രിയം നേടിയ കഥാപാത്രമാണ് മൗനരാഗത്തിലെ കല്യാണി. തമിഴ്‌നാട്ടുകാരിയായ ഐശ്വര്യ നേരത്തെ ചില തമിഴ് സിനിമകളില്‍ സാന്നിധ്യം അറിയിച്ചിട്ടുണ്ട് എങ്കിലും പേരും പ്രശസ്തിയും നേടിക്കൊടുത്തത് മലയാളത്തിലെ മൗനരാഗം എന്ന സീരിയല്‍ തന്നെയാണ്.
കല്യാണി - കിരണ്‍
മലയാളം സീരിയലിലെ നമ്പര്‍ വണ്‍ താരജോഡികളില്‍ ഒന്നുമാണ് കിരണ്‍ - കല്യാണി കോമ്പോയും. ഈ അടുത്താണ് സീരിയലില്‍ ഈ ജോഡികള്‍ വിവാഹിതരായത്. വിവാഹത്തോടെ പിരിയുകയാണോ എന്നൊക്കെ ചോദിച്ചുകൊണ്ടുള്ള കമന്റുകളാണ് ഇപ്പോള്‍ വരുന്നത്. കല്യാണി മാറിയാല്‍ സീരിയല്‍ കാണില്ല എന്ന് പറയുന്നവരും ഉണ്ട്.