അമ്മയറിയാതെ!
ജനനം മുതൽ അനാഥത്വത്തിന്റെ കയ്പറിഞ്ഞ ഒരു മകള്. അമ്മയറിയാതെ വളര്ന്ന ആ മകള് ഒടുവിൽ ഒരു നോവലിലൂടെ അമ്മയെ താൻ വളര്ന്നു വന്ന വഴികള് എങ്ങനെയായിരുന്നുവെന്ന് അറിയിക്കുകയാണ്. അലീന പീറ്റര് എന്ന പെണ്കുട്ടിയാണ് അന്യ ഭാഷാ നടിയായ ശ്രീതു കൃഷ്ണൻ പരമ്പരയിൽ എത്തുന്നത്.
പകയുമായി ജീവിക്കുന്നൊരാൾ
അമ്മയോട് സ്നേഹമുണ്ടെങ്കിൽ തന്നെ അനാഥത്വത്തിലേക്ക് തള്ളിവിട്ടതിന്റെ പകയുമായി ജീവിക്കുന്നൊരാളാണ് അലീന. അധ്യാപികയായാണ് ചിത്രത്തിൽ ശ്രീതു എത്തുന്നത്. തമിഴിൽ നിരവധി പരമ്പരകളുടെ ഭാഗമായിട്ടുള്ള ശ്രീതുവിന്റെ ആദ്യ മലയാളം സീരിയലാണ് അമ്മയറിയാതെ.
Also Read: 'ഏവരുടേയും പ്രാര്ത്ഥനകള്ക്ക് നന്ദി'; കൊവിഡ് ഭേദമായി ആശുപത്രി വിട്ട സന്തോഷത്തിൽ നടി ഷ്രീനു
തമിഴ് സീരിയലുകളിൽ തുടക്കം
കേരളത്തിൽ എറണാകുളത്താണ് ജനിച്ചതെങ്കിലും കുടുംബത്തോടൊപ്പം ചെന്നൈയിലാണ് പിന്നീട് വളർന്നത്. 12-ാം വയസ്സുമുതൽ തമിഴ് സീരിയൽ രംഗത്ത് സജീവമാണ്. 7സി എന്നതായിരുന്നു ആദ്യ പരമ്പര. ശേഷം തമിഴ് ചാനലുകളിൽ നിരവധി ഡാൻസ് റിയാലിറ്റി ഷോകളുടെ ഭാഗമായി.
ഏതാനും സിനിമകളിലും
മാരി, മെല്ലെ തിരന്തത് കഥവു, കല്ല്യാണമാ കല്ല്യാണം, ആയുധ എഴുത്ത് എന്നീ സീരിയലുകളിലും 10 എൻട്രക്കുള്ളെ, റംഗൂൺ, ഇരുട്ട് അറയിൽ മുരട്ട് കുത്ത് എന്നീ സിനിമകളിലും ശ്രീതു ചെറിയ വേഷങ്ങളിൽ അഭിനയിച്ചിട്ടുണ്ട്.
മലയാളത്തിൽ ആദ്യം
ഇൻസ്റ്റഗ്രാമിൽ ഏറെ സജീവമായ ശ്രീതു ഇടയ്ക്കിടയ്ക്ക് ഗ്ലാമര് ഫോട്ടോഷൂട്ട് ചിത്രങ്ങളടക്കം പങ്കുവയ്ക്കാറുണ്ട്. മൂന്ന് ലക്ഷത്തിനടുത്ത് ഫോളോവേഴ്സാണ് താരത്തിന് ഇൻസ്റ്റയിലുള്ളത്. ശ്രീതു ആദ്യമായി മലയാളത്തിൽ അഭിനയിക്കുന്ന പരമ്പരയാണ് അമ്മയറിയാതെ.
Also Read: 'നല്ല ഓർമ്മയായി എന്നും ഇവിടുണ്ടാവും'; ലോക്ക്ഡൗണ് കാലത്തെ 'ലുഡോ അപരാത'യെ കുറിച്ച് വീണ നായര്
ശ്രദ്ധേയ വേഷം
ഈ പരമ്പര പ്രദീപ് പണിക്കര് തിരക്കഥയെഴുതി പ്രവീണ് കടയ്ക്കാവൂര് ആണ് സംവിധാനം ചെയ്യുന്നത്. ഒരു കാലത്ത് സിനിമാ-സീരിയൽ രംഗത്ത് ഏറെ സജീവമായിരുന്ന നടി കീര്ത്തി ഗോപിനാഥ് അഭിനയത്തിലേക്ക് മടങ്ങിയെത്തുന്ന സീരിയൽ കൂടിയാണിത്.
ചിത്രങ്ങൾ കടപ്പാട് - ഇൻസ്റ്റഗ്രാം