ആരതി വിളിക്കേണ്ട കാര്യമൊന്നുമില്ല! അത്രയും പ്രിയപ്പെട്ടയാളാണ്! റോബിനും അതുപോലെ! അമൃത സുരേഷിന്റെ പ്രതികരണം

ബിഗ് ബോസിലൂടെയായി കൂടുതല്‍ ശ്രദ്ധിക്കപ്പെട്ട വ്യക്തിയാണ് ഡോക്ടര്‍ റോബിന്റേത്. മികച്ച പിന്തുണ നേടുന്നതിനൊപ്പമായി തന്നെ രൂക്ഷമായ വിമര്‍ശനങ്ങളും റോബിന് നേരിടേണ്ടി വന്നിരുന്നു. ദില്‍ഷയുമായുള്ള ബന്ധവും ചര്‍ച്ചയായിരുന്നു. ഷോയില്‍ നിന്നും പുറത്തെത്തിയതിന് ശേഷം സെലിബ്രിറ്റിയായി മാറുകയായിരുന്നു അദ്ദേഹം. ഉദ്ഘാടനങ്ങളും അഭിനയവുമൊക്കെയായി തിരക്കിലായിരുന്നു റോബിന്‍. അതിനിടയിലാണ് ആരതി പൊടിയുമായി പ്രണയത്തിലായത്. സോഷ്യല്‍മീഡിയ ഇന്‍ഫ്‌ളുന്‍സറും സംരംഭകയുമായ ആരതി പ്രേക്ഷകര്‍ക്ക് പരിചിതയാണ്. നീണ്ടനാളത്തെ കാത്തിരിപ്പിനൊടുവിലായി ഇരുവരും മോതിരം മാറിയിരിക്കുകയാണിപ്പോള്‍. അമ്മയ്‌ക്കൊപ്പമായി അമൃത സുരേഷും ചടങ്ങില്‍ പങ്കെടുത്തിരുന്നു.
രണ്ടുപേരും വിളിച്ചിട്ടാണ് ഞാന്‍ ചടങ്ങിന് വന്നത്. ആരതി വിളിക്കേണ്ട ആവശ്യമില്ല, അങ്ങനെയൊരു ബന്ധമാണ്. റോബിന്‍ നല്ലൊരു സുഹൃത്താണ്. ബിഗ് ബോസിന് ശേഷമാണ് റോബിനെ പരിചയപ്പെട്ടത്. ആരതിയിലൂടെ റോബിനെ കുറച്ചൂടെ അറിയാന്‍ സാധിച്ചിട്ടുണ്ട്. നിങ്ങളെല്ലാവരേയും പോലെ റോബിനെ എനിക്കും ഇഷ്ടമാണ്.
അടിപൊളി സദ്യയാണ്. പൊതുവെ സദ്യ ഇഷ്ടമുള്ളയാളാണ് ഞാന്‍. കണ്ടാലൊരു ലുക്കുണ്ടെങ്കിലും ഇത് പവര്‍ഗ്ലാസാണ്. ആരതിയും റോബിനും ഞങ്ങളുടെ ഫാമിലിയാണ്. വിഷസിനേക്കാളും കൂടുതല്‍ പ്രാര്‍ത്ഥനയാണ് ഞങ്ങളുടെ ഫുള്‍ ഫാമിലിയുടേത്. അമൃതയുടെ അമ്മയും ചടങ്ങില്‍ പങ്കെടുത്തിരുന്നു. എന്റെ മോളാണ്, എന്തുണ്ടെങ്കിലും അവള്‍ എന്നോട് പറയും. ഡെയ്‌ലി വിളിക്കും അല്ലെങ്കില്‍ മെസ്സേജ് ഇടും. ഞങ്ങളുടെ വീട്ടിലെ കുട്ടിക്ക് സന്തോഷം ഉണ്ടാവാന്‍ പ്രാര്‍ത്ഥിക്കുന്നുവെന്നായിരുന്നു അമൃതയുടെ അമ്മയുടെ പ്രതികരണം. അതീവ സന്തോഷത്തോടെയായാണ് ആരതിയും റോബിനും മാധ്യമങ്ങളോട് പ്രതികരിച്ചത്. കാലങ്ങളായുള്ള കാത്തിരിപ്പ് അവസാനിച്ചിരിക്കുകയാണ്. ആദ്യ കാഴ്ചയില്‍ തന്നെ തനിക്ക് ആരതിയെ ഇഷ്ടമായതാണെന്നും ജീവിതപങ്കാളിയാക്കാന്‍ ആഗ്രഹിച്ചിരുന്നുവെന്നും റോബിന്‍ പറഞ്ഞിരുന്നു.