അഹങ്കാരം തലയ്ക്ക് പിടിച്ച കൊച്ച്! അമ്മയോട് പറയാതെ മുടി വെട്ടിയതിനെക്കുറിച്ച് അമൃത നായര്‍

കുടുംബവിളക്കിലെ ശീതളിലൂടെയായാണ് അമൃത നായരെ പ്രേക്ഷകര്‍ക്ക് പരിചയം. പെട്ടെന്ന് തന്നെ പരമ്പരയില്‍ നിന്ന് പോയെങ്കിലും അമൃതയെ പ്രേക്ഷകര്‍ ഓര്‍ത്തിരിക്കുന്നുണ്ട്. റിയാലിറ്റി ഷോയിലും സ്റ്റാര്‍ മാജിക്കിലുമൊക്കെയായി സജീവമാണ് താരം. യൂട്യൂബ് ചാനലിലൂടെയായും വിശേഷങ്ങള്‍ പങ്കിടാറുണ്ട്. അമ്മയോട് പറയാതെ മുടി വെട്ടിയപ്പോഴുള്ള അനുഭവത്തെക്കുറിച്ച് പറഞ്ഞും നടി എത്തിയിരുന്നു.
മുടി ചെറുതായൊന്ന് വെട്ടുകയാണ്. വീട്ടിലേക്ക് ചെന്നാലുള്ള അമ്മയുടെ റിയാക്ഷനാണ് പേടി. ദൈവമേ എന്ന് വിളിച്ചായിരുന്നു അമൃത ഇരുന്നത്. വീട്ടിലേക്ക് നാളെ പോവുന്നതാണ് നല്ലത്. ഞാന്‍ അറ്റമേ വെട്ടിയുള്ളൂ. എന്നാലും അമ്മ ഇത് കണ്ടാല്‍ ചീത്ത പറയും. ഞാന്‍ വീട്ടില്‍ പോവുമ്പോഴേക്കും മുടി വളരുമോയെന്നും അമൃത ചോദിക്കുന്നുണ്ടായിരുന്നു. ഇതുവരെ എല്ലാം കറക്റ്റാണ്. വീട്ടില്‍ ചെന്നാലറിയാം എന്താവുമെന്ന്. ഒരുവര്‍ഷമായി ഞാന്‍ മുടി വെട്ടിയിട്ട്. അനിയന്‍ ഇന്ന് രാവിലെ മുടി വെട്ടിയതേയുള്ളൂ. മൊട്ടയാക്കിയിരിക്കുകയാണ് അവന്‍. മുടിയാണ് പെണ്‍കുട്ടികള്‍ക്ക് ഐശ്വര്യമെന്ന് പറയും. അതിന് കട്ടി വേണ്ടേ. എനിക്കാണെങ്കില്‍ അത്ര കട്ടിയുള്ള മുടിയല്ല. കോഴിവാല് പോലെയാണ്. മുടി വെട്ടി സെറ്റാക്കിയതിന് ശേഷം വീട്ടിലെത്തുന്നതും അമ്മയുടെ പ്രതികരണവുമെല്ലാം അമൃത കാണിച്ചിരുന്നു.
പോയി മൊട്ടയടിച്ച് കള, അതാണ് നല്ലത്. അഹങ്കാരം പിടിച്ച ജന്തു, ഇത്തിരി തുമ്പാണോ വെട്ടിയത്. വിശക്കുന്നുണ്ട് ചോറ് തരുമോയെന്ന് ചോദിച്ചപ്പോള്‍ പോ എന്നായിരുന്നു അമ്മയുടെ മറുപടി. സഹോദരനെയും അമൃത കാണിച്ചിരുന്നു. മൊട്ട മാമ എന്നായിരുന്നു അമൃത അനിയനെ വിളിച്ചത്. അവന്റെ കാര്യങ്ങളെല്ലാം ഞാന്‍ നോക്കുന്നില്ലേ, അപ്പോള്‍ എന്റെ കാര്യം അവനും നോക്കണ്ടേ. താരന്റെ ട്രീറ്റ്‌മെന്റ് എന്ന് പറഞ്ഞ് പോയിട്ട് ഇതെന്താണ് കാണിച്ച് വെച്ചത്. നിന്റെ തലമണ്ട അടിച്ച് പൊട്ടിക്കുകയാണ് വേണ്ടതെന്നും അമൃതയോട് അമ്മ പറയുന്നുണ്ടായിരുന്നു. ഇതേ അവസ്ഥയാണ് വീട്ടില്‍ എന്നായിരുന്നു മിക്കവരും അമൃതയോട് പറഞ്ഞത്. മുടി വെട്ടിക്കഴിഞ്ഞാല്‍ ഭയങ്കര പ്രശ്‌നമാണ്, എല്ലാ അമ്മമാരും ഇക്കാര്യത്തില്‍ ഒരുപോലെയാണ്.