അച്ഛൻ ഓർമ്മയായി: ഞങ്ങടെ പൊന്നച്ചൻ ഇനി ഭഗവാന്റെ കൂടെ; കുടുംബത്തിന്റെ ദുഃഖത്തിൽ പങ്കുചേർന്ന് ആരാധകർ

ഞങ്ങടെ പൊന്നച്ചൻ ഇനി ഭഗവാന്റെ കൂടെ എന്ന ക്യാപ്ഷ്യനോടെയാണ് അമൃത പോസ്റ്റ് പങ്കുവച്ചത്. . പിന്നാലെ ഗോപി സുന്ദറും അച്ഛന്റെ വേര്പാടിനെകുറിച്ച് പറഞ്ഞെത്തി . നിരവധി താരങ്ങളും ആരാധകരും ആണ് ആദരാഞ്ജലികൾ നേർന്നുകൊണ്ട് കുടുംബത്തിന്റെ ദുഃഖത്തിൽ പങ്കുചേരുന്നത്.

അമൃതയുടെ അച്ഛൻ സുരേഷ് സംഗീതജ്ഞൻ ആണ്. അമൃതം ഗമയയിൽ ഭാഗം ആയിരിന്നു സുരേഷും. ഓടക്കുഴൽ വിദഗ്ദ്ധനാണ് അദ്ദേഹം. കൊച്ചിയിലെ സ്വകാര്യ ആശുപത്രിയിൽ ചികിത്സയിൽ ആയിരുന്നു അദ്ദേഹമെന്നും റിപ്പോർട്ട് ഉണ്ടായിരുന്നു.

സ്ട്രോക്ക് ഉണ്ടായതാണ് മരണകാരണം എന്നും റിപ്പോർട്ടുണ്ട്. അടുത്തിടെ അമൃതയുടെ മുൻ ഭർത്താവ് ബാല ആശുപത്രിയിൽ ആയിരുന്ന വേളയിൽ സുരേഷ് കുടുംബത്തിനൊപ്പം കാണാൻ വന്നതിന്റെ വീഡിയോ വൈറൽ ആയിരുന്നു.

സ്റ്റാർ സിംഗർ എന്ന റിയാലിറ്റി ഷോയിലൂടെ എത്തി പിന്നീട് പിന്നണി ഗാനരംഗത്തേക്കും എത്തിയ കലാകാരിയാണ് അമൃത. അമൃതയുടെ ജീവിതത്തെ കുറിച്ചും താരം അതിജീവിച്ച വെല്ലുവിളികളെ കുറിച്ചെല്ലാം മലയാളികൾക്ക് അറിയാവുന്നതാണ്. അമൃതയുടെ ഒപ്പം എപ്പോഴും നിഴലായി തന്നെ അച്ഛനും ഉണ്ടായിരുന്നു. പലപ്പോഴും അച്ഛനെ കുറിച്ച് അമൃത വാചാലയായിട്ടുണ്ട്.