അമ്മയേയും ചെറിയമ്മയേയും കടത്തിവെട്ടി പാപ്പു; കൂട്ടിന് അമ്മാമ്മയും!

പാപ്പു എന്ന അവന്തികയെ അറിയാത്ത കുടുംബ പ്രേക്ഷകർ ഉണ്ടാകില്ല. ചെറുപ്പം മുതൽ തന്നെ ഈ താര പുത്രി മലയാളികൾക്ക് സുപരിചിതയാണ്. അമ്മയുടെയും ചെറിയമ്മയുടെയും ഒപ്പമുള്ള ചിത്രങ്ങളിലും വീഡിയോകളിലും ഒക്കെ പാപ്പു താരമായിരുന്നു. 8 വയസ്സുകാരിയായ പാപ്പു ഇന്ന് ഒരു യൂ ട്യൂബ് വ്‌ളോഗർ കൂടിയാണ്. എല്ലാവരും ഇപ്പോൾ വ്‌ളോഗിംഗിലേക്ക് കടക്കുന്നതുകൊണ്ട് ഇതിത്ര വലിയ കാര്യം ആണോ എന്ന് ചിലർ എങ്കിലും നെറ്റിചുളിച്ചേക്കാം. എങ്കിലും പാപ്പുവിന്റെ വ്‌ളോഗ് ഇത്തിരി ഡിഫെറെൻറ് ആണ്. എന്തുകൊണ്ടും വ്യത്യസ്തം.

ALSO READ: എനിക്കിപ്പോൾ മക്കളുമായി പ്രശ്നമില്ല; പുതിയ വിശേഷങ്ങളുമായി ലാവണ്യ നായർ!
ഈ കുഞ്ഞുപ്രായത്തിൽ തന്നെ അവളുടെ അവതരണ ശൈലിയാണ് എടുത്തുപറയേണ്ടത്. എഴുതിപിടിപ്പിച്ച സ്ക്രിപ്റ്റുകൾ നോക്കി പറയുന്ന പലർക്കും ഈ കുട്ടി താരത്തെ മാതൃക ആക്കാവുന്നതാണ്. ചാനൽ തുടങ്ങിയിട്ട് അത്ര കാലം ഒന്നും ആയില്ലെങ്കിലും പാപ്പുവിന്റെ വീഡിയോകൾ ഇതിനകം തന്നെ വൈറൽ ആയി കഴിഞ്ഞു. ഏഴുവയസ്സ് പൂർത്തിയാകുന്നതിന്റെ അന്ന് നടന്ന പിറന്നാൾ ആഘോഷവും വീഡിയോയായി തന്റെ പ്രേക്ഷകർക്ക് മുൻപിൽ പാപ്പു എത്തിച്ചു.

ALSO READ: ഒരു ദിവസത്തെ മാറ്റമല്ല ഇത്: ഫോട്ടോഷൂട്ടിനെ കുറിച്ച് അമൃത!പിറന്നാൾ ദിനം ഈ കുഞ്ഞിപ്പെണ്ണ് എടുത്ത തീരുമാനം ആണ് അതിലും ഗംഭീരം ആയത്. തനിക്ക് ഏറ്റവും പ്രിയപ്പെട്ട നീണ്ട മുടി അവൾ ഡൊണേറ്റ് ചെയ്തും അവൾ മാതൃകയായി. അവളുടെ കുഞ്ഞി കുടുക്കയിലുണ്ടായിരുന്ന അയ്യായിരം രൂപയോളം സംഭാവന നൽകാനും അവൾ തന്നെയാണ് തീരുമാനിച്ചതെന്ന് പാപ്പുവിന്റെ ചാനലിലൂടെ ഗ്രാൻഡ്മാ പറയുന്നു. അമൃതയുടെയും അഭിരാമിയുടെയും അവതരണത്തെ കടത്തിവെട്ടികൊണ്ടാണ് ഈ എട്ട് വയസ്സുകാരിയുടെ അവതരണം എന്നാണ് വീഡിയോ കാണുന്ന അരാധകർ പറയുന്നത്. അത്രയും തന്മയത്വത്തോടെയാണ് കുട്ടി താരവും അവളുടെ ഗ്രാൻഡ്മായും സോഷ്യൽ മീഡിയയിൽ നിറയുന്നത്.