പരാതി നൽകിയിട്ടൊന്നും ഒരു കാര്യവുമില്ലെന്ന പതിവ് പോലീസ് തെറ്റിച്ചു; നന്ദി അറിയിച്ച് എലീന!

നടിയായും അവതാരകയായും ബിഗ് ബോസ് മലയാളം രണ്ടാം സീസണിൽ ശ്രദ്ധേയ മല്‍സരാര്‍ത്ഥിയായും തിളങ്ങിയ താരമാണ് എലീന പടിക്കല്‍. ആദ്യം മുതൽ അവസാനം വരെ ഒരേ സ്വഭാവം കാണിച്ച് ഷോയിൽ നിലനിന്ന മത്സരാര്‍ഥികളിൽ ഒരാളായിരുന്നു എലീന പടിക്കൽ. അതിനാൽ തന്നെ ഫാൻസും ഹേറ്റേഴ്സും താരത്തിനുണ്ടായി. ഷോയിൽ നിന്നും ഇറങ്ങിയ ശേഷം സോഷ്യൽ മീഡിയയിൽ ഏറെ സജീവമായിരുന്നു താരം. ഇടയ്ക്കിടയ്ക്ക് ഫോട്ടോഷൂട്ട് ചിത്രങ്ങളും വീട്ടിലെ വിശേഷങ്ങളുമൊക്കെ പങ്കുവയ്ക്കാറുമുണ്ട്.

Also Read: ഹൃദയത്തിൻ്റെ ചിറകുകളാൽ വാനോളം പറക്കുന്ന രാജകുമാരി; വൈറലായി ബിഗ്ബോസ് താരത്തിൻ്റെ പുത്തൻ ചിത്രങ്ങൾ!

ഇപ്പോഴിതാ തന്‍റെ പരാതിയിൽ നടപടിയെടുത്ത കേരള പോലീസിന് നന്ദി അറിയിച്ചിരിക്കുകയാണ് താരം.
കേരളത്തിൽ ദിവസേന നിരവധി സ്ത്രീകളാണ് പല സൈബർ ആക്രമണങ്ങൾക്ക് ഇരകളാക്കപ്പെടുന്നത്. ഇതിൽ ഏറിയ പങ്കും സിനിമ സീരിയൽ താരങ്ങളാണ്. ഇതെഴുതുന്നത് വളരെ സന്തോഷത്തോടെ ആണ്. പരാതി നൽകിയിട്ടൊന്നും ഒരു കാര്യവുമില്ല എന്ന പതിവ് നാട്ടുചൊല്ല് തെറ്റിച്ചു കേരളാ പോലീസ്.

എനിക്ക് നേരെയുണ്ടായ സൈബർ അറ്റാക്കിന് എതിരെ പരാതി ലഭിച്ചയുടൻ നിയമ നടപടി എടുക്കുകയും വളരെ പെട്ടെന്ന് കുറ്റക്കാരെ കണ്ടെത്തുകയും ചെയ്ത കേരള പോലീസിനോടും പ്രത്യേകിച്ച് സൈബർ സെൽ എസ്.പി ബിജു സാറിനോടും വട്ടിയൂർക്കാവ് സിഐയോടും കൂടെ നിന്ന് പിൻന്തുണച്ച അരുൺ ചേട്ടനും നന്ദി അറിയിക്കുകയാണ്. നാളെയും ഇത്തരം തെറ്റുകാരെ നിയമത്തിന്‍റെ മുൻപിൽ കൊണ്ടുവരാൻ നമ്മൾ സധൈര്യം മുന്നോട്ട് വരണം, മാറി നിന്ന് പ്രോത്സാഹനം ഒരുക്കി നൽകരുത്. അതല്ലേ ഹീറോയിസം? എന്നാണ് താരം ഇൻസ്റ്റയിൽ കുറിപ്പ് പങ്കുവെച്ചിരിക്കുന്നത്.

Also Read:ബിഗ്ബോസ് തമിഴും തെലുങ്കും റെഡി, മലയാളം എന്നുവരും? മത്സരാർത്ഥികൾ ആരൊക്കെ? ആരാധകര്‍ കാത്തിരിക്കുന്നു!!

സോഷ്യൽ മീഡിയയിലൂടെ അശ്ലീശ സംഭാഷണം നടത്തി ഫെമിനിസ്കുകളടക്കമുള്ളവരെ അധിക്ഷേപിച്ച യൂട്യൂബർ ഡോ. വിജയ് പി നായരെ മർദ്ദിച്ച സംഭവത്തിൽ ഭാഗ്യലക്ഷ്മി, ദിയ സന തുടങ്ങിയവരെ പിന്തുണച്ചുകൂടിയാണ് എലീന ഈ പോസ്റ്റ് പങ്കുവെച്ചിരിക്കുന്നത്.

Also Watch :