തിരക്കിനിടയില്‍ പ്രണയിക്കാനൊന്നും സമയം കിട്ടിയില്ല! കല്യാണത്തെക്കുറിച്ച് ചോദിച്ചപ്പോള്‍ അനുമോള്‍ പറഞ്ഞത്‌

സ്റ്റാര്‍ മാജിക്കിലൂടെയായി ശ്രദ്ധിക്കപ്പെട്ട താരമാണ് അനുമോള്‍. പരമ്പരകളിലും മറ്റ് പരിപാടികളിലുമൊക്കെയായി സജീവമാണ് അനു. സ്വന്തം കുടുംബത്തിലെ അംഗമായാണ് ആളുകള്‍ അനുവിനെ കരുതുന്നത്. മികച്ച അവസരം ലഭിച്ചാല്‍ സിനിമയില്‍ അഭിനയിക്കുമെന്നും അനു വ്യക്തമാക്കിയിരുന്നു. ഉദ്ഘാടന ചടങ്ങുകളിലേക്കും അനു എത്താറുണ്ട്. ഷൂട്ടും ഉദ്ഘാടനങ്ങളുമൊക്കെയായി തിരക്കിട്ട ജീവിതമാണ് തന്റേതെന്ന് നേരത്തെ താരം പറഞ്ഞിരുന്നു. വിവാഹത്തെക്കുറിച്ചും പ്രണയത്തെക്കുറിച്ചുമുള്ള അനുവിന്റെ വാക്കുകള്‍ വീണ്ടും വൈറലായിക്കൊണ്ടിരിക്കുകയാണിപ്പോള്‍. കേരള ന്യൂസിനോട് സംസാരിക്കവെയായിരുന്നു അനു തന്റെ വിശേഷങ്ങള്‍ പങ്കുവെച്ചത്.
അമ്മയ്ക്ക് കുറച്ച് ആരോഗ്യപ്രശ്‌നങ്ങളൊക്കെയുണ്ട്. പൊങ്കാല ദിവസം അതായിരുന്നു മനസില്‍ എന്ന് അനു പറയുന്നു. കല്യാണമൊന്നും സെറ്റായിട്ടില്ല, സോഷ്യല്‍മീഡിയയില്‍ കാണുന്നത് അവര്‍ തന്നെ ചെയ്യുന്നതാണ്. അനുവിന് കല്യാണം വരന്‍ ആരാണെന്ന ആകാംക്ഷ അവര്‍ തന്നെ ഉണ്ടാക്കുന്നു. കല്യാണം എപ്പോള്‍ കാണുമെന്ന് എനിക്ക് തന്നെ അറിയില്ല. പ്രണയമൊന്നും ഇല്ല. പ്രണയിക്കാനൊന്നും സമയമില്ല. സുസുരഭി, സ്റ്റാര്‍ മാജിക്ക്, മറ്റ് പരിപാടികള്‍ അങ്ങനെ ആകെ തിരക്കുള്ള ജീവിതമാണ്. അതിനിടയില്‍ എവിടെയാണ് പ്രണയിക്കാന്‍ സമയം.
തങ്കച്ചന് ഞാന്‍ എപ്പോഴും അനിയത്തിയാണ്. എനിക്ക് പുള്ളി മൂത്ത ചേട്ടനാണ്. പിന്നെ പ്രോഗ്രാമിന് വേണ്ടിയിട്ട് നമ്മളൊരു പെയര്‍ എന്ന രീതിയില്‍ കൊണ്ടുപോവുന്നു. പുള്ളിക്കാരന്‍ ഇപ്പോള്‍ കല്യാണം കഴിക്കാന്‍ പോവുകയാണ്. കുറച്ച് വിവരമുള്ളവര്‍ക്ക് മനസിലാവില്ലേ അത് ഞാനല്ലെന്ന്. എന്റെ കല്യാണം ആയാല്‍ ഞാന്‍ തന്നെ അറിയിക്കുമെന്ന് പറഞ്ഞിരുന്നതല്ലേ. മീഡിയയിലൂടെ പ്രചരിക്കുന്നത് കാണുമ്പോള്‍ എനിക്ക് വിഷമമൊന്നും തോന്നാറില്ല. കല്യാണമായോ, ഞങ്ങളോട് പറഞ്ഞില്ലല്ലോ എന്നൊക്കെ അച്ഛനും അമ്മയോടം ചോദിക്കുമ്പോള്‍ അവര്‍ക്ക് ടെന്‍ഷന്‍ വരാറുണ്ട്. ഈ വര്‍ഷം എന്തായാലും ഉണ്ടാവില്ലെന്നാണ് കരുതുന്നത്. ദൈവമാണ് അതൊക്കെ തീരുമാനിക്കുന്നത്. ഞാന്‍ ദൈവവിശ്വാസിയാണ്. ഏത് ദൈവം എന്നൊന്നുമില്ല, എല്ലാത്തിലും വിശ്വാസമുണ്ട്.
സ്റ്റാര്‍ മാജിക്കില്‍ കാണുന്നത് പോലെയല്ലല്ലോ, ഭയങ്കര മെച്വേര്‍ഡായി സംസാരിക്കുന്നുവെന്ന് ചിലരൊക്കെ പറയാറുണ്ട്. അഭി വെഡ്‌സ് അനു നിര്‍ത്തിയതില്‍ വിഷമമുണ്ട്. അത് തുടങ്ങണമെന്ന് എല്ലാവരും പറഞ്ഞോണ്ടിരിക്കുകയാണ്. എപ്പോഴെങ്കിലും തുടങ്ങാമെന്നാണ് ഡയറക്ടര്‍മാര്‍ പറഞ്ഞത്. ഡാന്‍സറൊന്നുമല്ലെങ്കിലും ഡാന്‍സ് ചെയ്യാനിഷ്ടമാണ്. തങ്കച്ചന്‍ ചേട്ടന്‍ കുഞ്ഞനിയത്തിയെപ്പോലെയാണ് എന്നോട് സംസാരിക്കുന്നത്. അതുപോലെ ശ്രീവിദ്യയും ബിനു ചേട്ടനും, ടീമും റിനിയും അതൊക്കെ സ്‌ക്രീനിലെ പെയറാണ്. അല്ലാതെ അവര്‍ തമ്മിലൊന്നുമില്ല.