ഒരു മോൾ വേണമെന്നാണ്; ഒരു വർഷം വാവ വേണ്ടെന്നായിരുന്നു; വിശേഷങ്ങൾ പങ്കിട്ട് അപ്സര- ആൽബി

കുടുംബപ്രേക്ഷകരുടെ പ്രിയപ്പെട്ട പരമ്പരകളിലൊന്നാണ് സാന്ത്വനം. പരമ്പരയിലെ താരങ്ങളെല്ലാം പ്രേക്ഷകര്‍ക്ക് പ്രിയപ്പെട്ടവരാണ്. ജയന്തിയെന്ന കഥാപാത്രത്തെയാണ് അപ്‌സര അവതരിപ്പിക്കുന്നത്. ഏഷണിയും കുശുമ്പുമൊക്കെയായി കുടുംബത്തിലെ സമാധാനം കളയാന്‍ പ്രത്യേകമായൊരു കഴിവുണ്ട് ജയന്തിക്ക്. ജയന്തി വരുമ്പോള്‍ത്തന്നെ പുതിയ പ്രശ്‌നം എന്താണെന്നാണ് സാന്ത്വനം വീട്ടിലുള്ളവരുടെ ചോദ്യം. നെഗറ്റീവ് ടച്ചുള്ള ക്യാരക്ടറാണെങ്കിലും മികച്ച പിന്തുണയാണ് പ്രേക്ഷകര്‍ അപ്‌സരയ്ക്ക് നല്‍കുന്നത്. സംവിധായകൻ ആൽബിയാണ് അപ്സരയുടെ ഭർത്താവ്.


ALSO READ: സിംബ സെയ്സ് ഹലോ! തന്റെ പൂച്ചക്കുട്ടിയെ കൈയ്യിലെടുത്ത് മോഹൻലാൽ; കിടിലൻ കമന്റുകളുമായി ആരാധകരും
ഒരു കുഞ്ഞൊക്കെ വേണ്ടേ എന്നാണ് ഒരുപാട് ആളുകൾ ചോദിക്കുന്നത്. അതിനുള്ള ഉത്തരം വീഡിയോയുടെ അവസാനം പറയാം എന്ന് പറഞ്ഞുകൊണ്ട് ഒരു വീഡിയോ അടുത്തിടെ വൈറൽ ആയിരുന്നു. എന്നാൽ അതേ കുറിച്ചൊന്നും ഇരുവരും സംസാരിച്ചിരുന്നില്ല. അതേസമയം ഇത്രയും കാത്തിരുന്നിട്ടും അത് പറയാതെ പോയത് ശരി ആയില്ല എന്നാണ് ആരാധകർ പരാതി പറഞ്ഞതും ഇപ്പോഴിതാ അതിനുള്ള മറുപടി നൽകുകയാണ് താരം. ഞങ്ങൾക്ക് ഒരു വർഷം കഴിഞ്ഞു കുഞ്ഞു മതി എന്നായിരുന്നു. ഇപ്പോൾ വിശേഷം ഒന്നും ആയിട്ടില്ല. ഉണ്ടാകുമ്പോൾ ഉറപ്പായും നിങ്ങളുമായി ഷെയർ ചെയ്യും.

ഞങ്ങൾക്ക് പെൺകുഞ്ഞു വേണം എന്നാണ്. ഒരുക്കി ഒക്കെ നടക്കാൻ എനിക്ക് വലിയ ഇഷ്ടമാണ് എന്ന് അപ്സര പറയുമ്പോൾ ഞങ്ങളുടെ വീട്ടിൽ എല്ലാം ആൺപിള്ളേർ ആണ് അതുകൊണ്ടു ഒരു മോൾ വേണം എന്ന് ആഗ്രഹം ഉണ്ട് എന്നും ആൽബി പറയുന്നു. ഞങ്ങൾ രണ്ടുപേരും പരസ്പരം അടുത്തറിഞ്ഞു വിവാഹം കഴിച്ചവർ ആണ്. ഞങ്ങൾ തമ്മിലും നല്ലഅടി ഉണ്ടാകാറുണ്ട്. പക്ഷേ ഒരു ദിവസം പോലും ഞങ്ങളുടെ പിണക്കം ഉണ്ടാകാറില്ല. ഒരു ദിവസത്തിനു അപ്പുറം ആ പിണക്കം കൊണ്ടുപോകരുത് എന്നും ഉപദേശമായി അപ്സര പറയുന്നു.