പത്ത് വയസ്സ് കൂടുതലുള്ള ആളെ മാത്രമേ വിവാഹം ചെയ്യൂ എന്ന് പറഞ്ഞതിന് കാരണം; ആര്‍ദ്ര വെളിപ്പെടുത്തുന്നു

ആദ്യമൊക്കെ എന്നെ കുറിച്ചുള്ള ഗോസിപ്പുകളും വാര്‍ത്തകളും കണ്ട് ഒരുപാട് കരഞ്ഞിരുന്നു. വിഷമിച്ച് ഇരുന്നിട്ടുണ്ട്. പിന്നീട് എനിക്ക് മനസ്സിലായി അതിലൊന്നും ഒരു കാര്യവും ഇല്ല എന്ന്. പറയുന്നവര്‍ പറഞ്ഞുകൊണ്ടേയിരിയ്ക്കും. എല്ലാവരുടെയും വാ മൂടിക്കെട്ടാനൊന്നും പറ്റില്ല. ഇപ്പോള്‍ ഗോസിപ്പുകളെ ഞാന്‍ മൈന്റ് ചെയ്യാറില്ല.

കല്യാണ സങ്കല്‍പങ്ങളെ കുറിച്ച് ഒരു അഭിമുഖത്തില്‍ പറഞ്ഞത് വൈറലായിരുന്നു. എന്നെക്കാള്‍ പത്ത് വയസ്സ് മുതിര്‍ന്ന ആളെ കെട്ടണം, തമിഴനായിരിക്കണം എന്നൊക്കെയാണ് പറഞ്ഞിരുന്നത്. ഇതുവരെ അങ്ങിനെ ഒരാളെ കണ്ടെത്താനായി കഴിഞ്ഞിട്ടില്ല. ഇപ്പോഴും സിംഗിളാണ്.

പത്ത് വയസ്സ് മുതിര്‍ന്ന ആളാണെങ്കില്‍ എന്നെ നന്നായി പാംപര്‍ ചെയ്ത് നോക്കും എന്ന് കരുതിയാണ് അത്രയും പ്രായ വ്യത്യാസം വേണം എന്ന് പറഞ്ഞത്. പക്ഷെ പ്രായവ്യത്യാസം ഉള്ളത് കൊണ്ട് ഒന്നും കാര്യമില്ല എന്ന് ഇപ്പോള്‍ തിരിച്ചറിഞ്ഞു. എത്ര പ്രായ വ്യത്യാസം ഉണ്ടായാലും വ്യക്തിത്വം ആണ് വിഷയം. അത് നല്ലതായിരിക്കണം എന്ന് മാറി ചിന്തിക്കാന്‍ ഇപ്പോള്‍ കഴിയുന്നുണ്ട്.

കൈയ്യിലെ ടാറ്റുവിന്റെ രഹസ്യവും സീരിയല്‍ ടുഡെയ്ക്ക് നല്‍കിയ അഭിമുഖത്തില്‍ വെളിപ്പെടുത്തി. ഐ ലവ് ഹിം എന്നാണ് എഴുതിയിരിയ്ക്കുന്നത്. കോളേജ് പഠന കാലത്ത് അടിച്ച ടാറ്റുയാണ് ഇത്. ഇതുവരെ ആ ആള്‍ എത്തിയില്ല. അങ്ങിനെ ഒരാളില്ലാത്തത് കൊണ്ടാണ് 'ഹിം' എന്ന് എഴുതിയത്. പ്രണയത്തില്‍ വിശ്വാസമുണ്ട് എന്നും ആര്‍ദ്ര പറഞ്ഞു