അങ്ങനെ മണ്ഡോദരിയും ലോലിതനും ഒന്നായി; സ്നേഹ ഇനി ശ്രീകുമാറിന് സ്വന്തം! വീഡിയോ കാണാം..

സ്‌ക്രീനിൽ മലയാളികളെ ചിരിപ്പിച്ച ചിരി താരങ്ങൾ ജീവിതത്തിൽ ഒന്നിച്ചു. വര്ഷങ്ങളായി അഭിനയ രംഗത്തുള്ള സ്നേഹ ശ്രീകുമാറും, ശ്രീകുമാറും ആണ് ജീവിതത്തിലും ഒരുമിച്ചത്. മറിമായം എന്ന പരമ്പരയിലെ ലോലിതനും മണ്ഡോദരിയുമായി ഇരുവരും ചിരിപടക്കമാണ് മിനി സ്‌ക്രീൻ പ്രേക്ഷകർക്ക് സമ്മാനിച്ചിട്ടുള്ളത്.

ഇന്ന് രാവിലെ 10. 30 യ്ക്ക് പൂർണ്ണ ത്രയീശ അമ്പലത്തിൽ വച്ചായിരുന്നു ഇരുവരുടെയും താലികെട്ട്. ഏറ്റവും അടുത്ത ബന്ധുക്കളുടെ സാനിധ്യത്തിൽ നടന്ന ലളിതമായ ചടങ്ങിൽ വച്ചാണ് മണ്ഡോദരിയും ലോലിതനും ഒന്നായത്.

വെള്ളമുണ്ടും ഷർട്ടുമണിഞ്ഞാണ് ശ്രീകുമാർ വിവാഹത്തിന് എത്തിയത്. മുല്ലപ്പൂ ചൂടി ഗോൾഡൻ മഞ്ഞനിറത്തിൽ മെറൂൺ ബോഡർ പട്ടുസാരിയും അധികം ആഭരണങ്ങൾ അണിയാതെയും വളരെ സുന്ദരിയായിട്ടാണ് സ്നേഹ മണ്ഡപത്തിൽ എത്തിയത്.

കഥകളിയും ഓട്ടന്‍തുള്ളലും അഭ്യസിച്ചിട്ടുള്ള സ്‌നേഹ അമേച്വര്‍ നാടകങ്ങളിലൂടെയാണ് സിനിമാ സീരിയൽ രംഗത്ത് പ്രവേശിക്കുന്നത്. മറിമായത്തിലൂടെ നിരവധി അംഗീകാരങ്ങള്‍ നേടിയ ശ്രീകുമാർ ഉപ്പും മുളകും കുടുംബത്തിലെ കുട്ടികളുടെ കുട്ടുമാമ ആയി വന്നും പ്രേക്ഷകരുടെ ഇഷ്ടം നേടിയ താരമാണ്. 25 ഓളം സിനിമകളിലും ശ്രീകുമാര്‍ അഭിനയിച്ചിട്ടുണ്ട്. മെമ്മറീസ് എന്ന പൃഥ്വിരാജ് ചിത്രത്തിലെ ശ്രീകുമാറിന്റെ ശക്തമായ വില്ലന്‍ വേഷം ഏറെ പ്രശംസ നേടിയിരുന്നു.










UPDATING...