പുത്തൻ വീട്ടിൽ ആര്യയ്ക്ക് ആഘോഷം; അച്ഛനൊപ്പം മകളും; ക്യൂട്ട് ചിത്രങ്ങളെന്ന് ആരാധകർ!

അവതാരക, നടി, ഇപ്പോൾ ബിഗ് ബോസ് താരം അങ്ങനെ ആര്യയെ കുറിച്ച് പറയാൻ ഒരുപാട് വിശേഷണങ്ങൾ വേണ്ടി വരും. ഇംഗ്ളീഷ് കലർത്തി, മലയാളം നല്ല വ്യക്തമായി സംസാരിക്കുന്ന ആര്യയെ ചുരുങ്ങിയ സമയം കൊണ്ടാണ് പ്രേക്ഷകർ നെഞ്ചേറ്റിയത്. താരത്തെ പോലെ തന്നെ താരത്തിന്റെ മകൾ കുഞ്ഞു റോയയും മുൻ ഭർത്താവ് രോഹിത് സുശീലും ഒക്കെയും പ്രേക്ഷകരുടെ പ്രിയങ്കരരാണ്. ഇവർ ഒരുമിച്ചുള്ള ചിത്രങ്ങൾക്ക് നിറഞ്ഞ കൈയ്യടിയാണ് സോഷ്യൽ മീഡിയ നൽകിയത്. ഇപ്പോഴിതാ ദീപാവലി ആഘോഷത്തിന്റെ ചിത്രങ്ങൾ ആണ് രോഹിത് പങ്കിട്ടിരിക്കുന്നത്.


ALSO READ: എന്റെ കല്യാണത്തെ കുറിച്ച് അമ്മയോട് സംസാരിച്ചിട്ടുണ്ട്; എനിക്കുള്ള സ്വർണ്ണത്തിൽ പത്തുപവൻ അദ്ദേഹം തരുമെന്നാണ് പറഞ്ഞത്; അത് തരാതെയാണ് ചേട്ടൻ പോയത്; കണ്ണുകൾ നിറഞ്ഞൊഴുകി സുബി!
ആര്യയും രോഹിതും ചിത്രങ്ങൾ പങ്കിട്ടിട്ടുണ്ട്. പുത്തൻ വീട്ടിൽ നിന്നുള്ള ചിത്രങ്ങളാണ് ആര്യ പങ്കുവച്ചത്. അതേസമയം മകൾ റോയക്ക് ഒപ്പമുള്ള ചിത്രങ്ങളാണ് രോഹിത് പങ്കിട്ടിരിക്കുന്നത്. വണ്ടര്ഫുള് നൈറ്റ് വിത്ത് ഫാമിലി എന്ന ക്യാപ്ഷ്യനോടെയാണ് രോഹിത് ചിത്രങ്ങൾ പങ്കിട്ടത്. മുൻപ് ആര്യ ബിഗ് ബോസിൽ എത്തിയ ശേഷം, മകൾ റോയ യുടെ പിറന്നാൾ ആഘോഷവുമായി ബന്ധപ്പെട്ടാണ് രോഹിതിന്റെ പേര് കൂടുതൽ ഉയർന്നു കേട്ടത്.


ALSO READ: അന്ന് അയാൾ വീട്ടിൽ വന്നു എന്നെ കല്യാണം കഴിക്കാം, സാമ്പത്തിക ബാധ്യതകൾ തീർക്കാം എന്നൊക്കെ വാഗ്ദാനം ചെയ്തു; ഓർമ്മകൾ പങ്കുവെച്ചു ബീന ആന്റണി!


റോയയുടെ പിറന്നാൾ ദിനം അതി ഗംഭീരം ആക്കിയത് അർച്ചനയും, രോഹിതും ചേർന്നായിരുന്നു. റോയയുടെ പിറന്നാൾ ദിനം മകളെ രോഹിത് ഉമ്മ വയ്ക്കുന്നതിന്റെയും, കേക്ക് കട്ട് ചെയ്യുന്നതിന്റെയും , മടിയിൽ ഇരുത്തി ഫോട്ടോയ്ക്ക് പോസ് ചെയ്യുന്നതിന്റെയും ചിത്രങ്ങൾ വൈറലായതോടെയാണ് രോഹിത് ചർച്ചയാകുന്നത്.


എട്ടു വർഷം നീണ്ട ദാമ്പത്യം അവസാനിച്ചതിന്റെ കാരണം താൻ ആയിരുന്നുവെന്നും അതിന്റെ 85 ശതമാനവും തന്റെ കുറ്റം കൊണ്ടാണെന്നും ബിഗ് ബോസിൽ വച്ച് ആര്യ പറഞ്ഞിരുന്നു. സ്കൂൾ പഠനത്തിനിടെ സ്നേഹബന്ധത്തിലായ ഇരുവരും ആര്യയ്‌ക്ക് 18 വയസ്സ് തികഞ്ഞപ്പോഴായിരുന്നു വിവാഹം ചെയ്യുന്നത്.