എന്റെ കുഞ്ഞനിയത്തി...എപ്പോഴും സന്തോഷത്തോടെയിരിക്കൂ!!! വിവാഹത്തിന് ശേഷം സഹോദരിയുടെ പുത്തൻ വിശേഷവുമായി ആര്യ

ആര്യയുടെ അച്ഛന്റെ ഏറ്റവും വലിയ ആഗ്രഹമായിരുന്നു അഞ്ജനയുടെ വിവാഹം നന്നായി നടത്തണമെന്നുള്ളത്. അച്ഛന്റെ മരണ ശേഷം കുടുംബത്തിന്റെ ഉത്തരവാദിത്തം ഏറ്റെടുത്ത് ആര്യ തന്നെയാണ് ഇപ്പോൾ സഹോദരിയുടെ വിവാഹവും മുന്നിൽ നിന്ന് നടത്തിയത്. അതിമനോഹരമായാണ് ആര്യ വിവാഹവും വിവാഹ ഒരുക്കങ്ങളുമെല്ലാം നടത്തിയത്. ആര്യയെ കുറിച്ച് ഓർത്ത് അഭിമാനമുണ്ടെന്ന് ആര്യയുടെ സുഹൃത്തുക്കളും പറഞ്ഞിരുന്നു.

എന്റെ കുഞ്ഞനിയത്തിയ്ക്ക് സന്തോഷകരമായ ജന്മദിനം ആശംസിക്കുന്നു. എന്റെ കുഞ്ഞനിയത്തി... എപ്പോഴും സന്തോഷത്തോടെയിരിക്കൂ. ഞാൻ നിന്നെ ഒരുപാട് ഒരുപാട് സ്നേഹിക്കുന്നു- എന്നാണ് ജന്മദിന ആശംസകൾ നേർന്ന് ആര്യ കുറിച്ചിരിക്കുന്നത്. അവളെന്റെ വെറും അനിയത്തി മാത്രമല്ല, എന്റെ മകൾ, എന്റെ ആദ്യത്തെ മകൾ, കുഞ്ഞ് അനിയത്തി ആണെന്നാണ് കഴിഞ്ഞ ദിവസം അഞ്ജനയ്ക്കൊപ്പമുള്ള ചിത്രം പങ്കുവച്ച് ആര്യ കുറിച്ചത്.

എല്ലാം നല്ല പ്ലാനിങ്ങോടെയാണ് ആര്യ തന്റെ അനിയത്തിയുടെ വിവാഹം ഒരുക്കിയത്. അത് ചിത്രങ്ങളിലൂടെയും വീഡിയോകളിലൂടെയും പ്രകടമായിരുന്നു. അഞ്ജനയുടെ സേവ് ദ് ഡേറ്റ്, വിവാഹനിശ്ചയം അങ്ങനെ തുടങ്ങി എല്ലാ ചടങ്ങുകളും സോഷ്യൽ മീഡിയയിൽ ശ്രദ്ധിക്കപ്പെട്ടിരുന്നു. വിവാഹത്തിന് ഒരുങ്ങിയെത്തിയ ആര്യയുടെ ലുക്കും പ്രേക്ഷകർ ഏറ്റെടുത്തിരുന്നു.

അഭിനയവും അവതാരകയായുമൊക്കെ തിരക്കുകളിലാണിപ്പോൾ ആര്യ. അതിനിടെ ബഡായി ടോക്കീസ് ബൈ ആര്യ എന്ന യൂട്യൂബ് ചാനലും താരം തുടങ്ങി. ഇതിനെല്ലാം പുറമേ ഒരു സംരംഭക കൂടിയാണ് ആര്യ. ബഡായി ബംഗ്ലാവ്, ബിഗ് ബോസ് എന്നീ റിയാലിറ്റി ഷോകളിലൂടെയാണ് ആര്യ ശ്രദ്ധിക്കപ്പെട്ട് തുടങ്ങിയത്.