ഉത്രയുടെ കൊലപാതകത്തിൽ പ്രതികരിച്ച് അശ്വതി; 'എന്റെ പെങ്ങളും ഇങ്ങനെ ചിന്തിച്ചിരുന്നെങ്കിൽ ഇന്ന് ജീവിച്ചിരുന്നേനെ' എന്ന് കമൻ്റ്!; ചർച്ച!

കൊല്ലം അഞ്ചലില്‍ പാമ്പു കടിയേറ്റ് മരിച്ച ഇരുപത്തിയഞ്ചുകാരി ഉത്രയുടേത് കൊലപാതകമെന്ന് പോലീസ് സ്ഥിരീകരിച്ചത് കഴിഞ്ഞ ദിവസമായിരുന്നു. ഭര്‍ത്താവ് സൂരജ് പോലീസിന് മുന്നിൽ കുറ്റം സമ്മതിക്കുകയായിരുന്നു. കഴിഞ്ഞ 7 ന് രാവിലെയാണ് ഉത്രയെ മരിച്ച നിലയില്‍ കണ്ടെത്തിയത്. കൊലപാതകത്തിനായി പണം നല്‍കി പാമ്പിനെ വാങ്ങിയെന്ന് സൂരജ് സമ്മതിക്കുകയായിരുന്നു. ഈ സംഭവത്തിൻ്റെ പശ്ചാത്തലത്തിൽ സോഷ്യൽ മീഡിയയിൽ പ്രതിഷേധം അലതല്ലുകയായിരുന്നു. ഏറെ ഉയർന്നു കേട്ടത് മരിക്കുന്ന മകളേക്കാൾ നല്ലത് വിവാഹബന്ധം വേർപെടുത്തുന്ന മകൾ തന്നെയാണ് എന്ന വാക്യമാണ്.

Also Read: പ്ലാസുവിൻ്റെ പുത്തൻ കൂട്ടുകാരെ കണ്ടാൽ നിങ്ങൾ ഞെട്ടും!

ഏറെ പേരുടെ സോഷ്യൽ മീഡിയ വാളുകളിൽ ഈ വാക്യം തെളിഞ്ഞിരുന്നു. ഇത് തന്നെയാണ് അവതാരകയും നടിയും എഴുത്തുകാരിയുമായ അശ്വതി ശ്രീകാന്തും ഫേസ്ബുക്ക് വോളിൽ കുറിച്ചിരുന്നത്. അശ്വതിയുടെ നിലപാടിനെ പിന്താങ്ങി അനവധി പേരാണ് കമൻ്റുകളുമായി എത്തിയത്. ഈ വിഷയത്തിൽ വലിയൊരു ചർച്ച തന്നെ നടന്നിരുന്നു. അതിനിടെ ഒരാൾ കുറിച്ച കമൻ്റാണ് ഏറെ ശ്രദ്ധേയമാകുന്നത്. 'സത്യം, എന്റെ അനുഭവമാണത്. എന്റെ പെങ്ങളും ഇങ്ങനെ ചിന്തിച്ചിരുന്നെങ്കിൽ ഇന്ന് ജീവനോടെ ഉണ്ടായിരുന്നേനെ' എന്നാണ് ഷിബു ഡാനിയേൽ എന്ന വ്യക്തി കുറിച്ചിരിക്കുന്നത്.

Also Read: ഐശ്വര്യയുടെ ചിത്രത്തിന് താഴെ അശ്ലീലച്ചുവയുള്ള കമൻ്റ്; സൈബർ ഞരമ്പനെ കണ്ടം വഴി തുരത്തി സുഹൃത്തുക്കൾ

സമൂഹത്തിൽ സ്ത്രീധനത്തിൻ്റെ പേരിൽ ഭാര്യയെ കൊല്ലുന്ന സംഭവങ്ങൾ ഒളിഞ്ഞും തെളിഞ്ഞുമൊക്കെ നടക്കുന്നുണ്ട്. ചിലതൊക്കെ മാധ്യമങ്ങളുടെ ശ്രദ്ധയിൽ പെടുമ്പോൾ മറ്റു ചിലത് ആരുമറിയാതെ പോകുന്നുണ്ടെന്നും ചിലർ ചൂണ്ടിക്കാട്ടി. ഇതിനോടൊപ്പം ചേർത്തു വായിക്കേണ്ട മറ്റൊരു സംഗതി സ്വന്തമായി ജോലി ചെയ്ത് അധ്വാനിച്ച് ജീവിക്കുന്ന മകളാണ് വീട്ടിൽ അടുക്കളകളിൽ ജീവിതം തള്ളി നീക്കുന്ന മക്കളേക്കാൾ നല്ലത് എന്നും ചിലർ ചൂണ്ടിക്കാട്ടുന്നു.