അടിച്ചേൽപ്പിക്കപ്പെടുന്ന പൊതുബോധങ്ങൾ; കുടുംബം എന്നാൽ എന്താണ് അശ്വതി പറയുന്നു!

അവതാരക എന്നതിൽ ഉപരി നല്ലൊരു എഴുത്തുകാരി കൂടിയാണ് അശ്വതി ശ്രീകാന്ത്. ആനുകാലിക വിഷയങ്ങൾക്ക് താരം പങ്ക് വയ്ക്കുന്ന വാക്കുകൾ ഏറെ വൈറൽ ആകപ്പെടാറും ഉണ്ട്. വാളയാർ പെൺകുട്ടികളുടെ വിധി വന്ന ദിവസം, കേരളത്തിലെ പ്രമുഖ കൊലപാതകങ്ങങ്ങൾ, അങ്ങനെ എന്തായാലും അശ്വതിക്ക് പങ്ക് വയ്ക്കാൻ അഭിപ്രായങ്ങൾ ഏറെയാണ്. ഇപ്പോൾ കൊച്ചുകുട്ടികൾക്കുള്ള സിലബസിൽ പരാമർശിച്ചിട്ടുള്ള ചില കാര്യങ്ങളെ കുറിച്ചാണ് അശ്വതി പ്രതികരിക്കുന്നത്.

" അച്ഛനും അമ്മയും കുട്ടിയും സഹോദരങ്ങളും ചേർന്നതാണ് കുടുംബം എന്ന് ടീച്ചർ കുട്ടികളോട് ആവർത്തിച്ച് ഉറപ്പിക്കുന്നു. ഓരോരുത്തരുടെയും വീടുകളിൽ ആരൊക്കെയുണ്ടെന്ന് അന്വേഷിക്കുന്നു. സിലബസ് അങ്ങനെയാണ്. കേട്ടപ്പോൾ പക്ഷേ സിംഗിൾ പേരെന്റ്സിന്റെ കുട്ടികളെ ഓർത്തു. ഒറ്റയാൾ പോരാട്ടങ്ങൾ നടത്തി ഒരു കുറവുമറിയിക്കാതെ മക്കളെ വളർത്തുന്ന ഒരുപാട് പെണ്ണുങ്ങളുണ്ടിവിടെ"

ALSO READ: അയാൾ പോയി; തന്നെ വിശ്വസിച്ചു വന്ന കഴുതയെ ഉപേക്ഷിച്ച്; കണ്ണുനിറയാതെയും തൊണ്ട ഇടറാതെയും എങ്ങിനെ പറഞ്ഞു തീർത്തെന്ന് ചോദ്യം!

"അമ്മയില്ലാത്ത കുറവറിയിക്കാതെ കുഞ്ഞുങ്ങളെ പൊന്നു പോലെ നോക്കുന്ന അച്ഛൻമാരുമുണ്ട്. സമൂഹത്തിലെ ഇത്തരം ചട്ടക്കൂടുകളെക്കുറിച്ചുള്ള തിരിച്ചറിവുകൾ അവരുടെ കുഞ്ഞുങ്ങൾ എങ്ങനെയാവും ഉൾക്കൊള്ളുക. തങ്ങൾക്ക് മാത്രം എന്തോ ഒന്ന് കുറവാണെന്ന്, അല്ലെങ്കിൽ തങ്ങളുടേത് ഒരു കുടുംബം പോലും അല്ലെന്നാണോ അവർ മനസ്സിലാക്കേണ്ടത്? കൂടുമ്പോൾ സന്തോഷമുള്ളിടമെല്ലാം കുടുംബമാണെന്ന് എന്നാണീ നാടിന്റെ സിലബസ് തിരുത്തുക", എന്നും അശ്വതി പോസ്റ്റിലൂടെ ചോദിക്കുന്നു.